1Tsaypitanami Tayta Diosta Job kayno nirqan:
2< Ruranaykipaq yarpashqaykitaqa lapantami kamakätsinki. 3Kaynömi nimashqanki: <¿Pitaq kanki lutanta ruraq kashqäta nimänaykipaq?> Mana tantiyakuypami lutanta nishqä, Tayta. Tapushqäkunata tantiyatsimaptikipis manami tantiyayta kamäpakümantsu karqan. 4< Imata tapukuptïpis wilamay>. 5< Kananmi itsanqa kikï qamta rikashqä. 6Nishqäpita fiyupa penqakurmi alpaman y uchpaman jamaykur perdonta manakü>>. 7Jobta Tayta Dios tsayno parlaparkurmi Temánpita kaq Elifazta kayno nirqan: < 8Kananqa uywaykipita qanchis töruta y qanchis uyshata apakurkur sirvimaqnï Job kaqman aywaykur jutsaykikunapita sacrificiuta rupatsiy.Job 1.5. Tsaychömi sirvimaqnï Job qamkunapaq ruwakamanqa. Lutankunata rimashqaykipita castiganäpaq kaykarpis pay manakamaptinmi qamkunata mana castigashaykinatsu. Sirvimaqnï Jobmi itsanqa rasun kaqta rimashqa>>. 9Tsaymi Elifaz, Bildad y Zofar aywaykur Tayta Dios nishqanno rurarqan. Job manakuptinmi Tayta Dios paykunata perdonarqan. 10Tsaypitanami Jobta Tayta Dios yanaparqan unay kashqanno alina kawananpaq.Job 1.1-3. Tsaymi imaykankunapis ishkay kuti masraq karqan. 11Tsaypitanami wawqinkuna, paninkuna, amïgunkuna y lapan unay reqinakushqankuna watukuq aywar Jobpa wayincho fiestata rurapäkurqan. Tsaychömi lakipashqanta wilar consulapäkurqan lapan desgracia payta pasashqanpita y imayka qeshyawan Tayta Dios nakatsishqanpita. Nirkurmi cada ünun Jobta qoykurqan qellayta y qoripita rurashqa sortëjata. 12 Tayta Diosmi Jobta bendicionninta qorqan unay rïcu kar tsararashqanpitapis masta. Tsaymi karqan chunka chusku waranqa (14,000) uyshankuna, soqta waranqa camëllunkuna (6,000), juk waranqa (1,000) törunkuna y juk waranqa (1,000) china bürrunkuna. 13Tsaynöpis qanchismi olqu tsurinkuna karqan y warmi tsurinkunapis kimsaraqmi karqan. 14Mayor kaq warmi tsurinpa jutintami churaparqan Jemima jutin kananpaq. Paypa qepanman kaqtanami jutinta churaparqan Cesia jutin kananpaq. Nirkur mas qepanman kaqtanami jutinta churaparqan Keren-hapuc jutin kananpaq. 15Jobpa kuyaylapaq jipash tsurinkunanöqa manami maychöpis karqantsu. Paykunatapis olqu tsurinkunatano iwalmi herenciata rakiparqan. 16Tsaypitami Job kawarqan pachak chusku chunkan (140) wata. Tsayno kawarmi rikarqan tsurinkunata, wilkankunata, wilkankunapa tsurinkunata y paykunapa tsurinkunatapis. 17Tsayno atska wata kawarkushpanmi pasaypa awkinyashqana Job wanukurqan.
Who We AreWhat We EelieveWhat We Do
2025 by iamachristian.org,Inc All rights reserved.
