Romanos 11 - Quechua Margos-Yarowilca-Lauricocha Bible（qvm）

Wakin Israel runakunala salvakushqan

1Israel runakunata ¿Tayta Dios kachariykushqatsuraq? ¡Manami! Noqapis Abraham aylu kar Benjamín trïbupita Israel runami kaykä.

4Elías tsayno niptinmi Tayta Dios kayno nirqan: <>.

5Elías kawashqan witsannömi kananpis wakin Israel runakuna Tayta Diosta sirvirkaykan. Tsayno sirvirkaykan Tayta Dios kuyapar akrashqanpitami.

6Manami imatapis alita rurapäkushqanpitatsu akrarqan, sinöqa jutsayuq kaptinpis kuyapäkuq karmi akrarqan. Alita rurashqanpita akrarqa manami kuyapäkuq kartsu akranman karqan.

7Tsaymi akrashqan kaq Israel runakunala salvacionta taripäkun. Wakin kaq Israel runakunaqa salvacionta ashirpis manami tarintsu. Paykunapa shonquntami Tayta Dios chukruyätsirqan wilakuyninta mana chaskikärinanpaq.

8Tayta Diospa palabranchöpis kaynömi qelqaraykan:

<

Tsaymi kananyaqpis paykunaqa rikaykarpis mana rikaqno karkaykan

y wiyaykarpis mana wiyaqno karkaykan>>.

9Tsayno kaqkunapaqmi rey Davidpis Tayta Diosta manakur kayno nirqan:

<

Bendicionnikita churamunaykipa trukanqa castigaykulay.

10Paykunapa nawinkunapis qaprayätsun.

Imaypis mana derechakänanpaq waqtankunapis kurkuyätsun>>.Mana Israel runakunapis salvakushqan

11Israel runakunaqa ¿manatsuraq imaypis Jesucristuta chaskikunqa? ¡Aw, chaskikunqami! Mana Israel runakunatapis Tayta Dios salvaykaqta rikarmi Israel runakunapis tantiyakunqa Jesucristuta chaskikärinanpaq.

12Tsayno kaptinpis Jesucristuta mana chaskikäriptinmi mana Israel runakunana Jesucristuta chaskikur salvakurkaykan. Paykuna salvakurkaykashqan kushikuypaq kaptinpis Israel runakuna salvakuptinqa masraqmi kushikuypaq kanqa.

13Mana Israel runakuna, shumaq tantiyakäriy. Tayta Dios churamashqa apostolnin kar mana Israel runakunaman imaykanöpapis ali wilakuyninta apanäpaqmi.

14Tsaymi wilakü mana Israel runakuna salvakuqta rikashpan Israel mayïkuna wakilanpis Jesucristuta chaskikur salvakärinanpaq.

15Israel runakuna Jesucristuta mana chaskikuptinpis mana Israel runakunaqa maytsaychömi Jesucristuta chaskikurkaykan. Paykunapis salvashqa karmi wanushqano kashqanpita kawarimushqanöna karkaykan.

Mana Israel runakuna mana alabakunanpaq yätsishqan

16Mäsata rakirkur primiciata Tayta Diospaq apaptinqa lapan mäsapis sagrädumi kaykan. Tsaynölami yörapa sapin sagrädu kaptinqa rämankunapis sagrädu kaykan.

17Israel runakunapis sagrädu kaykarmi Jesucristuta mana chaskikushpan olïvu yörapita muturishqano karkaykan. Qamkunaqa olïvu yöraman injertashqanönami karkaykanki. Tsaymi sacha olïvupa rämankunano kaykarpis tsay ali olïvu yörapa sapinpita salvacionta chaskirkaykanki.

18Olïvu yöraman injertashqano kaykarqa ama alabakäriytsu Israel runakunapita mas väliq kashqaykita. Manami rämatsu yörata kawayta qon, sinöqa sapinmi.

19Capazchari qamkuna kayno nirkaykanki: <>.

20Tsay nishqaykinölami kaykan. Tsayno kaptinpis muturishqa rämano karkaykan Jesucristuman mana yärakärishqanpitami. Qamkunaqa injertashqano karkaykanki Jesucristuman yärakärishqaykipitami. Qamkunapis Tayta Diosta mana cäsukurqa paqta mutushqa rämano rikakunkiman.

21Legïtimu olïvupa rämanno kaykaptinpis mana cäsukuq Israel runakunata Tayta Dios manami salvantsu. Paykunatapis mana salvaykarqa qamkunatapis mana cäsukuptikiqa manami salvashunkipaqtsu.

22Tayta Dios kuyapäkuq y castigakuq kashqanta tantiyakäriy. Mana cäsukuqkunataqa castiganmi. Cäsukuqkunatami itsanqa kuyapar salvan. Kuyapäshushpaykipis mana cäsukuptikiqa qamkunatapis rämatanömi muturishunki.

23Tsaynölami Jesucristuman yärakuptinqa Israel runakunatapis yöraman injertashqa rämano kananpaq Tayta Dios kuyapar salvanqa. Payqa munayniyuqmi kaykan yöraman yapay injertananpaqpis.

24Mana Israel runa karmi qamkunaqa sacha olïvupa rämanno karkaykanki. Tsayno kaykaptikipis Jesucristuta chaskikäriptikimi Tayta Dios salvashushqanki. Israel runakuna legïtimu olïvupa rämanno kaykaptinqa Jesucristuta chaskikäriptinmi paykunatapis salvanqa.

Israel runakunapis salvakunanpaq nishqan

25Wawqi panikuna, mana alabakunaykipaqmi runakuna mana musyashqanta kanan wilashayki. Wakin Israel runakuna kanan chukru shonqu karpis manami tsaynölatsu kanqa. Paykuna tsayno kanqa mana Israel runakunapita Tayta Dios akrashqankunata salvananyaqlami.

26Tsaypitanami lapan Israel runakunapis salvakärinqa. Tayta Diospa palabranchöpis kaynömi qelqaraykan:

< shamunqa.

Jacobpita miraqkunatami tantiyatsinqa jutsankunata kacharinanpaq.

27Jutsa rurashqanta perdonarmi paykunawan pactuta rurashaq>>.

28Tsayno kaptinpis kananqa Israel runakuna Jesucristupa ali wilakuyninta manami chaskikuyta munapäkuntsu. Tayta Diospa contran kaptinmi paykunapa trukan qamkunatana salvarkaykäshunki. Tayta Diospa contran kanan kaykaptinpis Abrahamta, Isaacta y Jacobta promitishqanta cumplirmi Israel runakunata imaypis kuyaykan.

29Tayta Dios imatapis promitirqa cumplinmi. Pitapis salvananpaq akrarqa imaypis salvanmi.

30Nawpataqa manami Tayta Diosta cäsukurqaykitsu. Kananqa Israel runakunanami mana cäsukärintsu. Tsaymi paykunapa trukan Tayta Dios qamkunatana kuyapaykäshunki.

31Tsayno kuyapaykäshunki Israel runakunatapis tantiyakuptin Tayta Dios kuyapar salvananpaqmi.

32Tsaymi juk tiempucho Israel runakuna mana cäsukuq kananpaq yarpayninkunata Tayta Dios upatakätsirqan y juk tiempuchönami mana Israel runakunapis mana cäsukuq kananpaq yarpayninkunata upatakätsirqan. Tsaymi Israel runakunatapis y mana Israel runakunatapis kuyapäkuq kayninwanraq salvan.

33¡Tayta Dios pasaypa yachaq y tantiyaqmi kaykan!

¡Pay yarpashqankunata y rurashqankunata manami pipis tantiyayta kamäpakuntsu!

34Tayta Dios yarpashqankunata ¿pilaqa musyantsuraq?

Yachaq kananpaq ¿pilaqa payta yachatsintsuraq?

35Diosta mandananpaq ¿piraq munayniyuq kanman?

36Lapantapis Tayta Diosmi kamashqa.

Pay munaptinmi lapan imaykapis kaykan.

Lapanpis paylapami kaykan.

¡Imayyaqpis Tayta Dios alabashqa kaykulätsun!

Amén.