Josué 4 - Quechua Margos-Yarowilca-Lauricocha Bible（qvm）

Jordán mayupita chunka ishkay rumikunata jorqushqan

1Jordán mayuta lapan tsimpayta usharkuptinnami Josuéta Tayta Dios kayno nirqan:

2<

3Nirkur paykunata ninki cürakuna ichiraykashqan tsakishqa mayu chawpinpita chunka ishkay rumikunata jorqunanpaq. Tsay rumikunata churatsun kanan tsakay patsakärinaykipaq kaqman>>.

4Tsayno niptinmi chunka ishkay akrashqan runakunata qayaykur Josué

5kayno nirqan: < babulnin kaykashqan kaqman. Tsaypita cada ünuyki juk rumita umrukurkur apamunki. Tsaynöpami Israel runakunapa trïbunkuna chunka ishkay kashqanno chunka ishkay rumikunapis kanqapaq.

6Tsay rumikunata rikar wara warantin tsurikikuna <¿imanirtaq qoturaykan kay rumikuna?> nir tapushuptiki

7kayno nipäkunki: Pactu Babulninta pasatsimuptinmi Jordán mayu tsakirqan. Tsayno tsakishqanta imaypis yarparänantsipaqmi kay rumikuna qoturaykan> >>.

8Josué nishqannölami tsay chunka ishkay runakunaqa Jordán mayu chawpinpita rumita jorqapäkurqan. Nirkurmi Josuéta Tayta Dios nishqannöla patsakushqan kaqman apaykur qotupäkurqan.

9Tsaynölami Pactu Babulta umrushqa cürakuna ichirashqan kaqchöpis chunka ishkay rumikunata Josué qotutsirqan. Tsay rumikunaqa kananyaqmi mayucho qoturaykan.

10Tsay junaqmi Tayta Dios nishqankunata Israel runakuna lapantapis cumplirqan. Moisés yätsishqannölami tsaykunata Josué ruratsirqan. Tayta Dios nishqankunata cumplishqanyaqmi babulta apaq cürakuna Jordán mayu chawpincho ichirparqan. Tsaycho ichirpashqanyaqmi Israel runakuna apurädu pasapäkurqan.

11Runakuna pasarkuptinnami babulta umrushqa apaq cürakuna runakunapa puntanman churakarqan.

12Moisés nishqannölami runakunapa puntanta pasapäkurqan Rubén trïbu runakuna, Gad trïbu runakuna y pulan Manasés trïbu runakuna. Tsay runakunaqa pelyananpaq kamarikushqami aywarqan.

13Paykunaqa chusku chunka waranqanömi (40,000) karqan. Pelyananpaq kamarikushqalami Tayta Diospa nawpanta Jericó pampaman aywapäkurqan.

14Tsay junaqmi Israel runakunata Tayta Dios tantiyatsirqan Moisésta respitashqannöla Josuétapis respitapäkunanpaq. Tsaymi Israel runakuna payta imaypis respitapäkurqan.

15Tsaypitanami Josuéta Tayta Dios kayno nirqan:

16<>.

17Tsayno niptinmi cürakunata Josué nirqan mayupita yarqamunanpaq.

18Pactu Babulta apaq cürakuna Jordán mayupita yarquriptinmi mayu nawpata aywashqanno yapay cargashqa aywayta qalaykurqan.

19Israel runakunaqa Jordán mayuta tsimparqan wata qalaykunan killa chunka junaq kaykaptinmi. Nirkurnami Gilgalcho campamentunta rurarqan. Gilgalqa kaykan Jericópita inti jeqamunan lädupami.

20Gilgalchömi Jordán mayupita jorqupäkushqan rumikunata Josué qotutsirqan.

21Nirkurnami Israel runakunata kayno nirqan: < nir tapushuptiki

22wilanki Israel runakuna Jordán mayu tsakiptin tsimpashqanta.

23Paykunata wilapar kayno ninki: tsakitsirqan.

24Tsayno rurarqan munayniyuq kashqanta maytsaychöpis runakuna musyananpaq y qamkunapis payta imaypis mantsakärinaykipaqmi> >>.