1Qellay mïnaqa reqishqa partilachömi kaykan.
Tsaynölami qori tsulutsikunapis reqishqa partilacho kaykan.
2Alpacho kaykaqtami fiërrutapis jorquntsi.
Rumicho kaykaqtami cobritapis rakintsi.
3Runaqa mïnata uchkurmi atskikurkur mayyaqpis yaykun.
Tsaypitami tukuy niraq mineralkunata jorqamun.
4Tsay mïnakunataqa jäkuq jirkakunachömi kichan.
Pipis mana yaykushqanmanmi waskakunawan watakurkur yaykun.
5Patsa janancho mikuy wayuptinpis patsa rurinchöqa nina rupaykaqnömi kaykan.
6Tsaypitami zafiro rumitapis jorqapäkun.
Oqtishqan ñutqu alpachöpis qorimi kaykan.
7Tsay partitaqa manami ankapis ni condorpis rikantsu.
8Tsaymanqa manami jirka uywakunapis chayantsu.
Ni leonkunapis tsaychöqa manami purintsu.
9Runaqa qaqakunatami uchkun.
Niykälarmi puntakunatapis talamaykälar ushan.
10Qaqakunachömi uchkuta ruran.
Tsaychömi tukuy niraq tesörukunata tarin.
11Oqtiykälarmi mayu maypita yarqamushqantapis tarin.
Uchkushqanpitami pipis mana rikashqanta jorqamun.
12Patsa rurincho tsaykunata tarirpis ¿maychöraq yachayta y tantiyakuyta tarinman?
13Runaqa manami musyantsu tantiyakuq kay lapanpitapis mas ali kashqanta.
Tantiyakuq kaytaqa manami lutalatsu tarintsi.
14Wanwanyaykaq uchkukunapis kaynömi nin: <
Lamarpis kaynömi nin: <
15Tantiyakuytaqa manami qoriwanpis ni qellaywanpis rantintsitsu.
16Ni Ofirpita apamushqan mas ali kaq qoriwanpis manami rantiyta kamäpakuntsu.
Ni ali kaq ónice rumiwanpis ni ali kaq zafiro rumiwanpis manami rantiyta kamäpakuntsu.
17Tantiyakuymanqa qoripis ni diamantipis manami tinkuntsu.
Manami alinnin kaq alhäjawanpis trukayta puëdintsitsu.
18Yachayqa coral rumipitapis y kuyaylapaq perlaskunapitapis masmi välin.
Tsaymanqa mas kuyaylapaq rumikunapis manami tinkuntsu.
19Tantiyakuymanqa Etiopíapita apamushqan topaciupis manami tinkuntsu.
Manami alinnin kaq qoriwanpis rantiyta kamäpakuntsu.
20¿Maychöraq tarintsi tantiyakuyta?
Tsaynöpis ¿maychöraq kaykan yachay?
21Runakuna mana rikananchömi pakaraykan.
Päriypa puriqkunapa mana rikananchömi pakaraykan.
22Infiernupis y wanuypis kaynömi nin:
<
23Tayta Dioslami musyan tantiyakuy maycho kashqantapis.
Paylami musyan maycho tarinantsipaq kashqantapis.
24Payqa kay patsata kuchu kuchumi rikaykan.
Kay patsacho ima kashqantapis lapantami musyaykan.
25Tayta Diosmi wayratapis kalpata qoshqa.
Paymi kamakätsishqa yaku mayyaqla chayananpaqpis.
26Paymi nishqa imay tamya tiempu kananpaqpis.
Tsaynölami nishqa räyukuna y elquykuna kananpaqpis.
27Tsay witsanmi tantiyakuytapis rikarqan.
Imano kashqantapis musyaykurmi ali kashqanta nirqan.
28Nirkur runakunata Tayta Dios kayno nirqan:
<
Yachaq karqa lutan ruraykunata kacharinmi>>.
Who We AreWhat We EelieveWhat We Do
2025 by iamachristian.org,Inc All rights reserved.
