Job 36 - Quechua Margos-Yarowilca-Lauricocha Bible（qvm）

1Jobta mastapis Elihú kayno nirqan:

2<

Tsayno kaptinqa yarpashqäta ninäpaq pacienciayki kaykulätsun.

3Kamakuq Tayta Diosqa imaypis manami lutankunata rurantsu.

Tsayno kashqantami kanan tantiyatsishayki.

4Musyashqaykinöpis rasunpa yachaq runami kaykä.

Mana lulakuypami rasun kaqlata nishayki.

5<

Payqa pitapis manami manakaqman churantsu.

6Fiyu runakunataqa manaraqpis höranchömi ushakätsin.

Nakaqkunapami itsanqa favornin sharkun.

7<

Reykunata mandäshinanpaqmi churan.

Tsaynöpis ali kawananpaqmi yanapan.

8<

9Tsayno kaptinmi Tayta Dios tantiyatsin jutsata rurashqanpita y orgullösu kashqanpita nakashqanta.

10Tsaynöpis tsay nakaywanmi tantiyatsin jutsa rurayta kacharinanpaq.

11Jutsankunata kacharir Tayta Dios munashqanno kawarnaqa kushishqami wanunanyaq kawapäkunqa.

12Mana wiyakushpanmi itsanqa manaraqpis aykälata wanupäkunqa.

13<

Tayta Dios castigaptinpis manami perdonta manakärintsu.

14Jutsa ruraylacho penqaypaq kawarmi mözularaq kaykar wanupäkun.

15Tsayno kaptinpis jutsa ruraykunata kacharinanpaqmi nakaykunawan Tayta Dios tantiyatsin.

16<

Jawkala kawanaykipaqmi yanapashunki.

Ali mikuyta mikunaykipaqmi kamaripäshunki.

17<

Paypa makinpitaqa manami qeshpinkipaqtsu.

18Nakarpis ama yarpaytsu pägaptiki Tayta Dios tsapäshunaykipaq kashqanta.

19Nakashqaykipita salvashunaykipaqqa rïcu kashqaykipis manami välintsu.

Mayjina ali chölu karpis manami qeshpinkipaqtsu.

20Tsaynöpis nakaypita qeshpiyta munar wanuyta ama ashiytsu.

21Tsaypa trukanqa jutsa ruraykunata kachariy.

Jutsa rurashqaykita tantiyakur kacharinaykipaqmi Tayta Dios nakaykätsishunki.

22<

Paymanqa manami pï yachatsikuqpis tinkuntsu.

23Tsaynöpis payta manami pipis mandantsu.

Imata ruraptinpis manami pipis reclamanmantsu.

24Tsaypa trukanqa lapan kamashqankunata rikarmi pïmaypis payta alaban.

Tsaynöla qampis mana qonqaypa payta alabay.

25<

Itsanqa karulapita rikaqno kar manami lapantaqa tantiyantsitsu.

26Tayta Dios munayniyuq kashqantapis manami shumaqlaqa tantiyantsitsu.

Ayka watayuq kashqantapis manami musyantsitsu.

27<

28Pukutaypita tamyatsimurmi kay patsata ushmatsin.

29Manami pipis musyantsu imanöpa pukutayta miratsishqantapis.

Tsaynöpis manami pipis musyantsu räyuta imano bunrurütsimushqanta.

30Intëru lamar jananpami Tayta Dios chipchipyätsimun.

Lamar rurinyaqmi elquypa atsikyaynintapis chayatsin.

31<

Tsaynöpami mikuypis putsuy putsuy kaykan.

32Munayniyuq karmi räyutapis makinwan jitamun.

Jitamurmi munashqanman maymanpis chayatsin.

33Tsayno räyutsimurmi musyatsimantsi rabyashqa kaykashqanta.

Tsaynöpami musyatsimantsi jutsa ruraqkunata castigananpaq kashqanta.