Jeremías 30 - Quechua Margos-Yarowilca-Lauricocha Bible（qvm）

Kuyashqan runakunata shuntamunanpaq Tayta Dios nishqan

1 Tayta Diosmi Jeremíasta kayno nirqan:

2< karmi kayno nï: Lapan nishqäkunata juk rölluman qelqay.

3Babiloniapita Israel runakunata y Judá runakunata shuntamunäpaq kaq junaqkuna chayamunqanami. Shuntamuptïmi paykunaqa unay aylunkunata qoykushqä nacioncho kushishqa täpäkunqa. Noqa Tayta Diosmi tsayno nï>>.

4Israel runakunapaq y Judá runakunapaqmi Tayta Dios kayno nin:

5<<¡Fiyupa mantsakar qaparashqanmi mayakämunqa!

¡Manami pipis jawkala kawanqatsu!

6¿Olqu runa wachanmantsuraq?

Tsayno kaptinpis wachay nanaywan warmi tseqlan tsarishqa unchuykachashqannömi paykunapis unchuykachanqa.

Lapanpis pasaypa almatakashqami rikakärinqa.

7Tsay junaqkunanöqa fiyupa mantsakuypaqqa manami imaypis kashqaraqtsu.

Tsay witsanqa Jacobpita miraqkuna fiyupami nakanqapaq.

Tsayno kaptinpis paykunata salvashaqmi.

8< karmi kayno nï:

Tsay junaq chayamuptinqa fiyupa nakar yüguta apaykaqno y wataraykaqnömi runakuna kanqapaq.

Tsayno kaptinmi yüguta pakiqno paykunata salvashaq.

Waskata rachiqnömi paykunata libri kacharishaq.

Tsayno ruraptïmi juk lädu nación runakunapa munaynincho imaypis yapayqa mana kanqanatsu.

9Paykunata mandananpaqmi David aylu reyta churashaq.

Tsaymi payta cäsukur noqatapis cäsukärimanqa.

10< kayno nï:

Jacobpita miraq sirvimaq runakuna, ama mantsakäriytsu.

Karu nacionman apashushqaykipitami qamkunata y qamkunapita lapan miraqkunata jorqamushayki.

Pipis manana mantsakätsishuptikimi nacionnikicho jawkalana kawapäkunkipaq.

11<

Tsaymi nacionnikipita qamkunata qarqushqa karpis munaynincho tsararäshuqniki nacionkunata ushakätsishaq.

Tsay nacionkunata ushakätsirpis qamkunataqa manami ushakätsishaykitsu.

Itsanqa jutsa rurashqayki tupumi castigashayki.

Mana castigaypaqa manami kachaykushaykitsu.

Noqa Tayta Diosmi tsayno nï>>.

12Mastapis Tayta Dios kaynömi nin:

<

13Manami pipis kantsu qamkunata yanapashunaykipaq ni qerikita jampipäshunaykipaq.

Aliyätsishunaykipaq ima jampipis manami kantsu.

14<

Juk runa contranta mana kuyapaypa maqaqnömi castigashqä.

Lapan yanapashuqnikikunapis manami yanapashunkinatsu.

Nakaptikipis paykunataqa manami imapis qokuntsu.

15¿Imanirtaq nakaykashqaykipita aläpa lakishqa karkaykanki?

Nakaykashqaykiqa imaypis mana aliyaq qeshyanömi kaykan.

Tsayno qamkunata castigashqä jutsa rurashqaykipita y aläpa mana alikunata rurashqaykipitami.

16<

Paykunatapis nacionninpita lapantami prësu apapäkunqa.

Imaykaykita qechushushqaykinölami kikinkunapatapis qechunqa.

Suwapäshushqaykinölami paykunatapis suwapanqa.

17<

Tsayno nishuptikipis kananpitaqa yanapashaykimi.

Mana aliyaq qeriwanno nakashqaykipitapis aliyätsishaykimi.

Noqa Tayta Diosmi tsayno nï>>.

18 Tayta Diosmi kayno nin:

<

Shuntamuptïmi Jerusaléncho juchushqa kaykaq wayikunata yapay sharkatsipäkunqa.

Rey tänan palaciutapis kashqalanchömi sharkatsipäkunqa.

19Tsaymi runakuna agradëcikushpan kushishqa alabamanqa.

Atskaman mirananpaq y ali kawananpaq kamakätsiptïmi paykunata pipis manakaqman mana churanqanatsu.

20Unay kawashqanno ali kawananpaq y nacionnincho yapay alabamänanpaqmi yanapashaq.

Paykunata nakatsiq kaqtami itsanqa lapanta castigashaq>>.

21 Tayta Diosmi kayno nin:

<

Nawpäman shamunanpaq kikïmi qayashaq.

(Mana qayaptïqa manami pipis nawpäman witimuntsu.)

22Qamkunami kuyashqä runakuna kankipaq.

Noqanami qamkunapa Diosniki kashaq>>.

23Löcu tamyano y löcu wayranömi jutsata ruraq runakunata Tayta Dios fiyupa rabyar ushakätsinqa.

24Rabyashqanqa manami pasanqatsu lapan yarpashqankunata manaraq rurayta ushaptinqa.

Tiempu pasarkuptinmi tsaytaqa tantiyakärinkipaq.