Salmo 84 - Quechua Margos-Yarowilca-Lauricocha Bible（qvm）

Salmo 84 (83)Tayta Diospa templuncho kayta munashqan 1 (1) Cantaqkunapa mandaqninpaqmi. Üvata jarur cantashqayki tönuwan kay salmuta cantapäkunki. Corépita miraqkuna qelqashqan salmu.

1 1 (2) Lapanta mandaq Tayta Dios, täkunayki templu pasaypa kuyaylapaqmi kaykan.

2 2 (3) Lapan shonqüwanmi templu patiucho kayta munä.

Lapan shonqüwanmi imayyaqpis kawaq Diosta kushishqa alabä.

3 3 (4) Altarnikikuna nawpankunachömi pichiwchankapis y wayanaypis qeshwanta rurarkaykan.

Tsaychömi wawankunatapis qeshpiykätsin.

Qammi kanki lapanta mandaq Tayta Dios, mandamaqnï rey y Diosnilä.

4 4 (5) Wayikicho taq runakunaqa kushishqami karkaykan.

Paykunaqa imaypis alabaykäshunkimi. Selah

5 5 (6) Kushishqami kaykan yanapashqayki runa.

Paymi lapan shonqunwan kuyashushpayki templuykiman aywayta munan.

6 6 (7) Waqay Raqrapa pasaptinpis tamya tiempuchönömi tsaki pukyukuna pashtamunqa.

7 7 (8) Ima pasaptinpis kalpan manami ushakanqatsu.

Siónman chayaykurnami lapanpaq munayniyuq Tayta Diospa nawpancho kanqapaq.

8 8 (9) Lapanta mandaq Tayta Dios, manakamushqäta mayaykalämay.

Jacob yärakushqan Tayta Dios, ruwakamushqäta chaskiykalämay. Selah

9 9 (10) Akrashqayki reyta yanapaykulay, Tayta Dios.

Payqa tsapakunä escüdunömi kaykan.

10 10 (11) Waranqa (1,000) junaq juk läducho qoyänäpa trukanqa mas alimi kanman juk junaqlapis wayikicho qoyaptï.

Jutsa ruraqkunapa wayincho qoyänäpa trukanqa mas alimi kanman wayiki punkulachöpis täkuptï.

11 11 (12) Tayta Diosmi kawayta qomantsi y escüduno imaykapitapis tsapämantsi.

Paymi kuyamantsi y aliman churamantsi.

Munashqanno kawaqkunataqa ali kaqkunatami kamaripan.

12 12 (13) Lapanta mandaq Tayta Dios, qamman yärakamuq runaqa kushishqami kawaykan.