Salmo 81 - Quechua Margos-Yarowilca-Lauricocha Bible（qvm）

Salmo 81 (80)Fiestacho cantananpaq alabanza 1 (1) Cantaqkunapa mandaqninpaqmi. Üvata jarur cantashqayki tönuwan kay salmuta cantapäkunki. Asaf qelqashqan salmu.

1 1 (2) ¡Tayta Diosta kushishqa alabashun!

Paymi ima desgraciapitapis tsapämantsi.

Jacob yärakushqan Tayta Diosta kushishqa alabashun.

2 2 (3) Panderëtakunata tukapalanpa cantashun.

Arpatapis y salteriutapis waqay waqaytaraq tukapalanpa alabashun.

3 3 (4) Lulu killachöpis y llena killachöpis cornëtata tukapäkushun.

Tsay junaqkuna jatun fiestata rurapäkushun.

4 4 (5) Israel runakuna alabanantsipaqmi Jacob yärakushqan Tayta Dios nimarqantsi.

5 5 (6) Egiptupita jorqarkamurmi alabapäkunanpaq Josépita miraq unay ayluntsikunata Tayta Dios nirqan.

Imaypis mana mayashqä voztami kayno nimuqta mayarqä:

6 6 (7) <

Roqu bürruntano aruykätsishuptikimi qamkunata jorqamurqä.

7 7 (8) Fiyupa lakikur manakamaptikimi salvarqä.

Bunruruykaq pukutay rurinpitami contestamurqä.

Meriba yaku nawpanchömi qamkunata probarqä.

8 8 (9) <

Israel runakuna, ima aliraq kanman cäsukamaptiki.

9 9 (10) Ima ïdulutapis ama tsararaytsu.

Juk nacionkuna adorashqan dioskunata ama adorapäkuytsu.

10 10 (11) Noqami Egiptupita jorqamuq Tayta Diosniki kaykä.

Manakamashqaykitaqa imatapis putsuy putsuymi kamaripäshaykipaq.

11 11 (12) <

Israel runakuna kaykarpis manami wiyakamashqankitsu.

12 12 (13) Tsayno kashqaykipitami shonquyki munashqanno kawakärinaykipaq qamkunata kacharishqä.

13 13 (14) Kuyashqä runakuna, ¡ima aliraq kanman wiyakamaptiki!

Israel runakuna, ¡ima aliraq kanman cäsukamaptiki!

14 14 (15) Cäsukamaptikiqa elaqpitami contraykikunata ushakätsïman.

Chikishuqnikikunata maynami castigäman karqan>>.

15 15 (16) Tayta Diosqa lapan chikiqninkunatami vincinqa.

Paykunataqa imayyaqpis castiganqami.

16 16 (17) Kuyashqan runakunatami itsanqa alinnin trïguta kamaripanqa.

Abëjapa mishkintapis ajayashqanyaq mikunanpaqmi kamaripanqa.