2 Crónicas 9 - Quechua Margos-Yarowilca-Lauricocha Bible（qvm）

Sabá nacionpa mandaqnin warmi Salomónta tapunanpaq aywashqan 1 Reyes 10.1-13

1Salomón shumaq yachaq kashqanta mayarmi Sabá nacionpa mandaqnin warmi aywarqan pasaypa sasa tapukuykunata tapunanpaq. Atska ashmaynin runakunawanmi Jerusalénman chayarqan ali asyaq jachakunata, atska qorita y kuyaylapaq chanin rumikunata camëllukunawan cargashqa. Salomónman chayaykurmi lapan yarpashqankunata tapurqan.

2Tapuylantami Salomónqa lapanta contestarqan. Ima tapushqanpis paypaqqa manami sasatsu karqan.

3Salomón yachaq kashqanta y palaciunta ruratsishqanta rikarmi Sabá nacionpa mandaqnin warmi

4pasaypa mantsakashqa rikakurqan. Tsaynöpis mantsakashqa rikakurqan ali mikuykunata rikar, mandäshiqninkunapa cuartunkunata rikar, ashmayninkunata y jatirashqan röpanta rikar, cöpa sirviqninkunata rikar y Tayta Diospaq sacrificiukunata templucho rupatsishqanta rikar.

5Tsaymi rey Salomónta kayno nirqan: <

6Tsayno wilamaptinpis kikï rikanäyaq manami criyirqätsu. Kananmi itsanqa tantiyakü wilapämashqanpitapis mas yachaq y mas rïcu kashqaykita.

7Lapan rurashqaykita y shumaq tantiyakuykur parlashqaykita mayar ¡ima kushishqaraq mandäshishuqnikikuna y sirvishuqnikikuna karkaykan!

8¡Tayta Diosniki alabashqa kaykulätsun kuyashushpayki Israel nacionpa mandaqnin rey kanaykipaq churashushqaykipita! Israel runakunata imaypis kuyashpanmi rïcutapis waktsatapis ali rikanaykipaq churashushqanki. Pay munashqanno mandaptikimi Israel nación imayyaqpis kanqapaq>>.

9Nirkurnami Salomónta qaraykurqan kimsa waranqa isqun pachak soqta chunka (3,960) kïlu qorita, atska perfümikunata y kuyaylapaq chanin cuestaq atska rumikunatapis. Salomónta qarashqan perfümikunatanöqa manami imaypis tsaytsika perfümita Israel nacionman apapäkamurqantsu.

10(Tsaynölami rey Hirampa y rey Salomónpa negociunta apaq büquikunawan Ofir partipita apapäkamurqan atska qorita, sándalo jutiyuq ali qerukunata y kuyaylapaq chanin cuestaq rumikunatapis.

11Tsay sándalo qerupitami rey Salomón ruratsirqan Tayta Diospa templunpa grädankunata y palaciunpa grädankunatapis. Tsaynöpis tukaqkuna tukananpaq ruratsirqan arpakunata y salteriukunata. Manami imaypis Judáman chayatsipäkurqantsu sándalo qeruta tsayno atskataqa.)

12Sabá nacionpa mandaqnin warmi apamushqanta qaraptinmi rey Salomónpis atska qaraykunata qararqan. Tsay jananmanmi tsay warmi imata manakushqantapis qararqan. Tsaypitanami mandaq warmiqa nacionninman ashmayninkunawan kutikurqan.

Salomón rïcuyashqan 1 Reyes 10.14-29; 2 Crónicas 1.14-17

13Cada watami qorita Salomón chaskiq ishkay chunka ishkay waranqa (22,000) kïluta.

14Tsay jananmanmi negociantikuna y Israel nacionman chayaq runakuna pägapäkushqan impuestutapis chaskiq. Tsaynölami Arabia nacionpa mandaqnin reykuna y Israel nacionpa gobernadorninkuna qorita y qellayta Salomónpaq apapäkuq.

15Ishkay pachak (200) escüdukunatami rey Salomón qoripita ruratsirqan martilluwan takaylapa. Tsay escüdukuna cada ünun soqta kïlumi lasarqan.

16Tsaynölami mas kimsa pachak (300) escüdukunata qoripita ruratsirqan martilluwan takaylapa. Tsay escüdukunaqa cada ünun kimsa kïlu maslanmi lasarqan. Tsaykunataqa Líbano Munti jutiyuq palaciunmanmi churatsirqan.

17Tsaynölami trönuntapis marfilpita ruraykatsir qori püruwan enchapatsirqan.

18Trönu kashqan patakpis qoripitami karqan. Tsaynöpis ishkan lädunpami rikra tuknaräkunan karqan. Trönupa cada lädunchömi ruratsishqan juk león ichiraykarqan. Tsaynöpis trönuman soqta grädami witsararqan.

19Grädakunapa nawpankunachöpis karqan chunka ishkay ruratsishqan leonkunami. Grädakunapa jukaq kuchuncho karqan soqta leonkuna y jukaq kuchunchönami karqan soqta leonkuna. Manami mayqan nacionpa mandaqnin reypis tsay trönutanöqa kuyaylapaqta ruratsirqantsu.

20Rey Salomónpa cöpankunapis y Líbano Munti jutiyuq palaciucho kaykaq lapan manëjukunapis karqan qorilapitami. Qellaypita kaqtaqa Salomón rey kashqan witsan manami pipis cäsupaqtsu.

21Rey Salomónpa büquinkuna cada kimsa watacho rey Hirampa büquinkunawan juntu Tarsisman kutimur apamuq qorita, yoraq qellayta, marfilta, mönukunata y pävu realkunatapis.

22Rey Salomónqa maytsay nación reykunapitapis mas rïcu y mas yachaqmi karqan.

23Yachaq kananpaq Tayta Dios yanapaptinmi lapan nacionpitapis reykuna payman aywapäkurqan yachatsishqanta mayananpaq.

24Aywarmi yoraq qellaypita y qoripita ruratsishqankunata Salomónpaq apapäkuq. Tsaynöpis apapäkuq röpakunata, armakunata, ali asyaq jachakunata, cawallukunata y mulakunatapis. Cada watami imaykatapis atskata Salomón chaskiq.

Cawallukunata y carrëtakunata Salomón rantishqan 1 Reyes 10.26-29; 2 Crónicas 1.14-17

25Salomónpa karqan chusku waranqa (4,000) corralninkuna cawallukunata wichqananpaq y guërra carrëtankunata churananpaq. Tsaynöpis karqan chunka ishkay waranqa (12,000) cawallu muntakuqkuna.Salomón wanushqan 1 Reyes 11.41-43

29Rey Salomón rurashqankuna qalaykunanpita ushananyaq qelqaraykan profëta Natán qelqashqancho y Silupita kaq profëta Ahías qelqashqancho. Tsaynölami qelqaraykan Nabatpa tsurin Jeroboam imano kashqanpita profëta Iddo qelqashqancho.

30Chusku chunka (40) watami Israel runakunata Jerusalénpita Salomón mandarqan.

31Wanuykuptinmi pampapäkurqan taytan Davidpa Markanman. Salomónpa trukannami tsurin Roboamna rey karqan.