Isaías 60 - Quechua Margos-Yarowilca-Lauricocha Bible（qvm）

Mushuq Jerusalén kananpaq nishqan

1 Tayta Diosmi kayno nin:

<<¡Sharkuy, Jerusalén!

Salvacionniki chayamushqana kaykaptinqa ¡atsikyay!

Munaynïmi qamcho atsikyaykan.

2Kay patsata tsakaymi tsapakurkushqa.

Yanawyaykaqmi nacionkunata nitikurpushqa.

Qammanmi itsanqa inti chayamuqno chayamushaq.

Munaynïwan yanapashqätami pïmaypis rikanqa.

3Atskino kaptikimi lapan nación runakuna qamman shamunqa.

Patsa waraqno atsikyaptikimi reykunapis shapäkamunqa.

4<

Tsaytsika runakunami juntakaykur qamman aywarkaykämun.

Olqu wamraykikunapis karupitami aywarkaykämun.

Warmi wamraykikunatapis marqashqami aparkaykämun.

5Paykuna chayamuptin pasaypami kushikunkipaq.

Shonquykipis kushikuypita atsikyarkunqami.

<

Nacionninkunapa riquëzankunatami qampaq apapäkamunqa.

6Madiánpita y Efapita camëllunkunawan shamurmi punta punta juntapäshunki.

Qorita y inciensuta apakurkurmi Sabápitapis shapäkamunqa.

Noqata alabamarmi chayapäkamunqa.

7Cedarcho kaq uyshakunatapis qampaqmi qatipäkamunqa.

Altarnïcho rupatsinaykipaq Nebaiotcho kaq carnikunata qatipäkamunqa.

Tsay rupatsishqaykikuna munashqänömi kanqa.

Maytsaypita imaykatapis apamuptinmi templüpis kushikuypaq kanqa.

8< pukutaynöraq aywaykämuqta y palumakuna pununanman kutiqno runakuna aywaykämuqta rikay.

9Tsay büquikuna karu nacionkunapitami aywaykämun.

Tsay nacionkunacho taq runakunapis noqamanmi yärakaman.

Tarsispita jatunkaray büquikunami paykunapa puntanta aywaykämun.

Karupitami wamraykikunata aparkaykämun.

Qorinkunata y qellayninkunata apakurkurmi aywaykämun.

Tsayno aywaykämun qamcho fiyupa kushikuypaq kaqkunata rurashqäpita adoramänanpaqmi.

Noqaqa Israel runakunapa santu Tayta Diosninmi kä.

10<

Jäpa runakuna shamurmi marka perqaykikunatapis altsapäkunqa.

Mandaqnin reykunapis nishqaykitami rurapäkunqa.

11Maytsay nacionkunapita riquëzankunata apamunanpaqmi paqasta junaqta punkuykikuna kicharanqa.

Reykunatapis qam kaqmanmi pushamunqa.

12Mayqan nación runakunapis nishqaykita mana ruraq kaqqa chipyaq asulashqami kanqa.

13<

Tsaynöpami templü kuyaylapaq kanqa.

14Respitashushpaykimi nakatsishuqnikikunapa wamrankuna makikita mutsanqa.

Manakaqman churashuqniki runakunapis lapanmi nawpaykiman qonqurpakamunqa.

Paykunami nipäkunqa Tayta Diospa markan kashqaykita.

Tsaynöpis nipäkunqa Israel runakunapa santu Tayta Diosnin tashqan Sión kashqaykita.

15<

Tsayno kashqa kaptikipis kuyaylapaq y kushishqa imayyaqpis kanaykipaqmi yanapashayki.

16Lapan nistashqaykikunatami maytsay nacionkunapita apapämushunkipaq.

Reykunapis lapan munashqaykitami kamaripäshunkipaq.

Tsaynöpami tantiyakunkipaq noqa Tayta Diosniki salvakuq kashqäta.

Tsaynöpis musyankipaq Jacob yärakushqan munayniyuq Dios kar qamta imapitapis tsapaykashqäta.

17<

fiërrupa trukan qellayta,

yörapa trukan broncita

y rumipa trukan fiërruta.

Qamcho taqkuna jawkalami kawanqa.

Ali kaqlatami imaypis ruranqa.

18Wanutsinakuypis qam kaqcho mananami kanqanatsu.

Nacionnikicho ushakätsinakunanpa trukanqa jawkanami kawapäkunqa.

Marka yaykuna punkuykikunapa pasaq runakunapis kushishqami alabapäkamanqa.

19<

Noqa Tayta Diosmi imayyaqpis atskiki y salvashuqniki kashaq.

20Tsaymi inti mana jeqaqno y killa mana tsakaqno imaypis qampaq kashaq.

Noqa Tayta Diosmi imayyaqpis atskiki kashaq.

Qamta tsayno ali rikaptïmi imaypis mana lakikunkinatsu.

21<

Qamchömi imayyaqpis paykuna tanqapaq.

Munayniyuq kashqäta pïmaypis musyananpaqmi plantashqä plantapita tsintsimuqno kapäkunqa.

22Yupashqala kaqkuna waranqanpami miranqa.

Walkala kaqkunami munayniyuq nación rikakunqa.

Noqa Tayta Dios karmi kamakätsishaq manapis aykälatana tsayno kananpaq>>.