1Tesalónica markachoHech. 17.1. kaykaq yärakuq mayikuna:
Noqa Pablo, wawqintsi Silvano1.1 Silvanupa jukaq jutinmi Silas karqan (Hech. 15.22, 40). y Timoteumi kay cartata aparkaykätsimü. Qamkunaqa Papänintsi Tayta Diospa y Señor Jesucristupa makinchömi karkaykanki. Tayta Dios kuyapäshushpayki ali kawapäkunaykipaq yanapaykuläshunki.
Tayta Dios munashqanno kawashqan2Qamkunapaq Tayta Diosta manakurmi imaypis agradëcikärï
3payman yärakur alilata rurashqaykipita, pïmaywanpis kuyanakushqaykipita y imano nakarpis Señor Jesucristo kutimunanta shuyaraykashqaykipita.
4Wawqi panikuna, musyämi Tayta Dios kuyashushpayki akrapäkushushqaykita.
5Tsayta musyapäkü ali wilakuyninta Espíritu Santupa munayninwan wilapaptï chaskikäriptikimi. Qamkunapis musyapäkunkimi kuyapäkushqäta y Tayta Dios munashqanno kawapäkushqäta.
6Noqakunapa conträ y Señor Jesucristupa contran sharkushqannömi qamkunapapis contrayki sharkurkaykan. Fiyupa nakarpis Espíritu Santu yanapashuptikimi Jesucristupa wilakuyninta kushishqa cäsukurkaykanki.
7Tsayta musyarmi Macedonia y Acaya provinciakunacho lapan wawqi panikuna tantiyakurkaykan qamkunano cäsukärinanpaq.
8Qamkuna kaqpita aywarmi Señor Jesucristupa wilakuyninta Macedonia y Acaya provinciakunapa pasar maytsaychöpis wilakurkaykan. Wilakuyninta wilakärishqannölami shumaq yärakärishqaykitapis wilakurkaykan. Tsaymi mayman chayaptïpis parlarkaykan Tayta Diosman yärakärishqaykita. Mana wilapaptïpis
9maytsaychömi musyarkaykan shumaq chaskikamashqaykita y ïdulukunata adoranaykipa trukan imayyaqpis kawaq Tayta Diostana adorarkaykashqaykita. Payqa rasunpa kaq Diosmi kaykan.
10Tsaynölami musyarkaykan Tayta Diospa Tsurin Jesucristo gloriapita kutimunanpaq kashqanta shuyäkurkaykashqaykita. Paytami Tayta Dios wanushqanpita kawaritsimushqa. Paymi juiciu final junaq castïgupita salvamäshun.
Who We AreWhat We EelieveWhat We Do
2025 by iamachristian.org,Inc All rights reserved.
