2 Reyes 18 - Quechua Margos-Yarowilca-Lauricocha Bible（qvm）

Judá nacioncho Ezequías rey kashqan 2 Crónicas 29.1-2

1Elapa tsurin Oseas kimsa wata Israel nacioncho rey kaykaptinmi Judá nacioncho Acazpa tsurin Ezequías rey kayta qalaykurqan.

2Mandayta qalaykushqan witsan ishkay chunka pitsqa (25) watayuqmi kaykarqan. Payqa ishkay chunka isqun (29) watami Jerusalénpita mandarqan. Mamanmi karqan Zacaríaspa tsurin Abi.

3Unay aylun David Tayta Diosta cäsukushqannömi Ezequíaspis cäsukurqan.

4Paymi markakunacho kaykaq altarkunata talamatsirqan y runakuna adorashqan wankakunatapis pakitsirqan. Tsaynölami tseqtatsirqan Asera diösapaq jawishqan qerukunatapis. Moisés rurashqan bronci culebratapisNúm. 21.9. pakitsirqan. Tsayno pakitsirqan Israel runakuna adorar inciensuwan qoshtatsiptinmi. Tsay bronci culebrapa jutinmi karqan Nehustán.

5Israel runakunata kuyaq Tayta Diosmanmi rey Ezequías lapan shonqunwan yärakurqan. Judá nacioncho punta kaq y qepa kaq reykunapis manami paynöqa Tayta Diosman yärakurqantsu.

6Ezequíasqa wanunanyaq Tayta Dios munashqanno kawarmi Moisés chaskishqan mandamientukunata lapanta cumplirqan.

7 Tayta Dios yanapaptinmi lapan rurashqankunapis ali karqan. Tsaymi Asiria nacionpa mandaqnin reypa munaynincho kaykashqanpita yarqukurqan.

8Tsaynölami filisteo runakunatapis vincirqan rikachakuna törrikunacho taptinpis y murallashqa jatun markakunacho taptinpis. Tsayno vincirqan Gaza markayaq y nawpankunacho kaykaq markakunayaqmi.

Israel nacionta Asiria runakuna vincishqan

9Tsaypitanami Asiria nacionpa mandaqnin rey Salmanasar Samaria markata tumariq corralapaykur soldädunkunawan atacapäkurqan. Tsayqa karqan Ezequías chusku wata Judá nacionpa mandaqnin rey kaykaptin y Elapa tsurin Oseas qanchis wata Israel nacionpa mandaqnin rey kaykaptinmi.

10Kimsa wata tsayno atacarmi Israel runakunata vincirqan. Tsayqa karqan Judá nacioncho Ezequías soqta wata rey kaykaptin y Oseas isqun wata Israel runakunapa mandaqnin rey kaykaptinmi.

11Israel runakunata vinciykurmi nacionninman soldädunkunawan apakärirqan. Asiriaman chayaykurmi Halah markaman y Gozáncho kaykaq Habor mayu nawpancho kaykaq markakunaman churarqan tsaycho tänanpaq. Tsaynöpis churarqan Media runakunapa markankunaman tsaycho tänanpaq.

12Tsayno rurarqan Tayta Dioswan pactu rurashqanta manakaqman churapäkushqanpita, mandashqankunata mana cäsukärishqanpita y Tayta Diospa sirviqnin Moisés nishqankunata mana cäsukärishqanpitami.

Senaqueribpa capitannin Tayta Diosta manakaqman churashqan 2 Crónicas 32.1-19; Isaías 36.1-22

13Chunka chusku wata Ezequías rey kaykaptinmi Asiria nacionpa mandaqnin rey Senaquerib Judá nacionman soldädunkunawan chayarqan. Chayaykurmi ali murallashqa markakunata tsarikarkärirqan.

14Judá nacioncho kaykaq Laquis markata atacaykaptinnami rey Ezequías juk kachata kacharqan Senaqueribta kayno ninanpaq: <>.

Tsawraqa rey Senaquerib kayno nirqan: <>.

15Tsayno niptinmi Ezequíasqa palaciunpita y Tayta Diospa templunpita lapan qellayta jorqurkur qoykurqan.

16Tsaynölami templupa punkunkunapita y quiciunkunapitapis kikin enchapatsishqan qorikunata jorqurkatsir rey Senaqueribta qoykurqan.

17Qoykuptinpis Senaqueribqa Laquis markapita tsaytsika soldädunkunata Ezequíasman kacharqan Jerusalénta atacananpaq. Tsay soldädukunata pushakurkurmi soldädukunapa capitannin y ishkay yärakushqan mandäshiqninkunapis aywapäkurqan. Jerusalénman chayaykurmi campamentuta rurapäkurqan jana kaq pözuman aywaq sekya nawpancho. Tsayqa karqan taqshakuna pampaman aywaq nänichömi.

18Nirkurna qayatsirqan Ezequíasta. Qayatsiptinmi paykunawan parlananpaq rey Ezequías kacharqan Hilcíaspa tsurin Eliaquimta, Sebnata y Asafpa tsurin Joata. Eliaquim karqan palaciucho kaqkunata täpaq, Sebna karqan secretariu y Joa karqan Judácho ima pasashqankunatapis qelqaq.

19Paykunatami capitán kayno nirqan: <

20¿Imanirtaq yarpaykanki ali parlaq kashqalaykipita guërracho vincimänaykipaq kashqanta? ¿Pimantaq yärakuykanki noqakunapa conträ sharkunaykipaq?

21Egipto runakunaman yärakuptikipis paykunaqa manami yanapashunkipaqtsu. Shoqushman tuknakuptiki maki paltaykiman tsalku yaykuqnömi mandaqnin rey Faraónpis qamkunapaq kanqa.Isa. 36.6; Eze. 29.6-7. Payman yärakuqkunapaqqa pïmaypaqpis tsaynömi kaykan.

22<< < < yärakurkaykä>> nimaptikipis manami paypis yanapashunkipaqtsu. Markakunacho kaykaq altarkunata juchutsir2Rey. 18.4; 2Crón. 31.1. Judá runakuna Jerusalénlacho Tayta Diosta adorananpaq nishqaykipitami payqa rabyashqa kaykan> >>.

23<

24Qamkunaqa guërra carrëtakunata y cawallu muntakuqkunata Egiptupita pushamurpis tsayraq yachakuq capitannïkuna mandashqan soldädunkunalatapis manami vincipäkunkipaqtsu.

25Tsaynöpis kikin Tayta Diosmi nimashqa kay nacionta ushakätsiq shapäkamunäpaq. Ama yarpapäkuytsu kikïkunapa yarpayniläpita kay nacionta ushakätsinäpaq shapäkamushqäta>>.

26Tsayno niptinmi Hilcíaspa tsurin Eliaquim, Sebna y Joa Asiria soldädukunapa mandaqnin capitanta kayno nipäkurqan: <>.

27Tsayno niptinmi Asiria nacionpa capitannin kayno nirqan: <>.

28Nirkurmi Asiria nacionpa capitannin sharkurkur hebreo idiömapa qayararqan kayno nir: <

29kayno niykashqanta:

30Tayta Dioslaman yärakunaykipaq nishuptikipis ama criyipäkuytsu. Tayta Dios salvashunaykipaq nishuptikipis ni kay markata pay tsapänanpaq kashqanta nishuptikipis

31ama criyipäkuytsu>.

<

32Tsayno kawanaykipaqmi juk nacionman apashayki. Tsay nacionqa kay nacionnikinömi kaykan. Tsaycho tantata ruranaykipaq trïgu alimi wayun. Vïnuta ruranaykipaqpis üva alimi wayun. Tsaynöpis tsaychöqa olïvu aceiti y abëjapa mishkinpis tsaytsikami kaykan. Wanur ushakänaykipitaqa tsaycho kushishqami kawapäkunkipaq.

<< salvamäshun>> nishushpayki lulapaykäshunkimi.

33Manami mayqan nacionpa diosninkunapis mayjina manakuptinpis makïpita salvashqatsu.

34Hamat runakunata atacaptï ¿maychötaq diosninkuna kaykarqan? Tsaynöpis Arfad runakunata, Sefarvaim runakunata, Hena runakunata y Iva runakunata atacaptï ¿maychötaq diosninkuna kaykarqan? Samaria markata atacaptïpis manami mayqan diospis salvashqatsu.

35Tsay nacionkunapa diosninkunapis manami salvayta kamäpakushqatsu. Tsayno kaykaptinqa manami imanöpapis Jerusalénta makïpita Diosniki salvayta kamäpakunqatsu> >>.

36Tsayno niptinpis murälla janancho kaykaq runakuna imatapis manami rimakurqantsu. Paykunataqa rey Ezequíasmi yätsirqan imatapis mana rimakunanpaq.

37Tsawraqa Hilcíaspa tsurin Eliaquim, Sebna y Asafpa tsurin Joa pasaypa lakikushpan röpantapis rachir usharqan. Eliaquim karqan palaciucho kaqkunata täpaq, Sebna karqan secretariu y Joa karqan Judácho ima pasashqankunatapis qelqaq. Paykunami rey Ezequíasman aywapäkurqan Asiria nacionpa mandaqnin runa imata nishqantapis wilapäkunanpaq.