Filipenses 1 - Quechua Margos-Yarowilca-Lauricocha Bible（qvm）

Carta qalaykunan

1Filipos

7Qamkunapaq yarpararmi tsayno nï. Jesucristupa wilakuyninta wilakur puriptïpis o prësu kaptïpis qamkunaqa imaypis yanapamashqankimi.

8Tayta Dios musyanmi qamkunapaq imaypis yarparaykashqäta. Jesucristo kuyamashqantsinölami noqapis lapan shonqüwan qamkunata kuyä.

9Tsaymi Tayta Diosta manakuykä shumaq tantiyakärishpayki payta kuyashpayki jukniki juknikipis kuyanakunaykipaq.

10Tsayno kuyanakurmi ali kaqkunata ruranaykipaq tantiyakärinki y Jesucristo kutimunanta shuyäkur pay munashqanno jutsaynaqla kawapäkunki.

11Jesucristo yanapaykuläshunki imaypis alilata rurapäkunaykipaq. Lapanpis kaykutsun Tayta Dios alabashqa kananpaq.

Jesucristupa ali wilakuyninta wilakuptin Pablo kushikushqan

12Wawqi panikuna, prësu wichqarätsimaptinpis Jesucristupa ali wilakuyninta maytsaychöpis chaskikurkaykashqanta musyanaykitami munä.

13Tsaymi kaycho lapan wardiakuna y wakin runakunapis musyarkaykan Jesucristupa wilakuyninta wilakushqäpita prësu kaykashqäta.Hech. 28.30.

14Tsayta musyashpanmi wakin wawqi panikunapis Jesucristuman yärakushpan mana mantsakuypa ali wilakuyta wilakurkaykan.

15Wakinqa noqapita mas reqishqa kayta munalarmi chikikuypita wilakurkaykan. Wakinmi itsanqa runakuna salvakärinanpaq wilakurkaykan.

16Paykunaqa musyanmi Jesucristupa ali wilakuyninta wilakushqäpita wataraykashqäta. Wataraptïpis Jesucristuta kuyarmi wilakurkaykan.

17Reqishqa kayta munaqkunaqa manami Diosta sirviyta munartsu wilakurkaykan, sinöqa rabyakunäta munarmi.

18Tsayno kaptinpis manami lakikütsu. Rabyatsimänanpaq wilakurpis o runakuna salvakärinanpaq wilakurpis Jesucristupa ali wilakuyninta wilakuptin kushikümi.

Kawaypis wanuypis Pablupaq ali kashqan

Tsaynöpis kushikü

19Tayta Diosta noqapaq manakäriptiki y Jesucristupa Espïritun yanapamaptin prësu kaykashqäpita yarqamunäpaq kashqanta musyarmi.

20Mana mantsakuypa parlanäpaq imaypis yanapamashqannömi autoridäkunapa nawpanchöpis yanapamanqa. Tsaymi Jesucristo yanapamashqan musyakanqa kawaykaqta kacharimaptinpis o wanutsimaptinpis.

21Kawarpis Jesucristulapaqmi kawashaq. Wanuptïpis mas alimi kanqa.Gál. 2.20.

22Tsayno kaptinpis mana wanutsimaptinqa Jesucristupa wilakuyninta imaypis wilakushaq. Tsaymi wanuypis kawaypis noqapaqqa ali kaykan.

23Tsayno kaptinmi mayqanta akraytapis mana kamäpakütsu. Noqapaqqa mas alimi kanman kay patsapita Jesucristupa nawpanmanna aywakuptï.

24Tsayno kaptinpis qamkunata yanapanä rayku kawaptïpis alimi kanman.

25Tsaymi qamkuna rayku Tayta Dios tsapämaptin autoridäkuna mana wanutsimanqatsu. Tsaynöpami qamkunata yanapashayki Tayta Diosman yärakur kushishqa kawapäkunaykipaq.

26Carcilpita yarqur qamkuna kaqman chayamuptïnami pasaypa kushikur Jesucristuta alabashunpaq.

Chikiptinpis mana mantsakunanpaq nishqan

27Jesucristupa ali wilakuynin nishqannöla imaypis kawapäkuy. Tsaynöpami shamurpis mana shamurpis musyashaq nakarpis lakikurpis Jesucristo munashqanno kawarkaykashqaykita y imaypis kuyanakurkaykashqaykita. Tsaynöpis musyashaq runakuna chikishuptikipis Jesucristupa ali wilakuyninta wilakurkaykashqaykita.

28Jesucristuman yärakärishqaykipita runakuna chikishuptikipis ama mantsakäriytsu. Tsaynöpami tantiyakärinqa kikinkuna ushakänanpaq kashqanta y qamkunata Tayta Dios salvashushqaykita. Tsaytaqa Tayta Diosmi ruranqa.

29Manami Jesucristuman yärakunalantsipaqtsu Tayta Dios akramashqantsi, sinöqa payta chaskikushqantsipita nakanantsipaqmi.

30Nawpata imano nakashqätapis y kanan imano nakaykashqätapis musyapäkunkimi.Hech. 16.19-40. Noqapis y qamkunapis Jesucristupa wilakuyninta wilakushqantsipita nakashunmi.