Salmo 75 - Quechua Margos-Yarowilca-Lauricocha Bible（qvm）

Salmo 75 (74)Runakunata Tayta Dios juzgananpaq nishqan 1 (1) Cantaqkunapa mandaqninpaqmi. Ama ushakätsiytsu nishqan tönuwan kay salmuta cantapäkunki. Asaf qelqashqan salmu. Cantanantsipaqmi.

1 1 (2) Imaypis qamta agradëcikärïmi, Tayta Dios.

Imaypis qamta yusulpäki nipäkümi.

Yanapamashqaykipitami jutikita joqarir qamta alabapäkü.

2 2 (3) Tayta Dios kaynömi nin:

<

3 3 (4) Kay patsa kuyuptin runakuna mantsakuptinpis noqami patsapa cimientunta tsararaykä. Selah

4 4 (5) Orgullösukunatami kayno nï: .

Fiyu runakunatanami kayno nï:

5 5 (6) Runakuna respitashuptiki ama runa tukäriytsu.

Ama yachaq tukur imatapis parlapäkuytsu> >>.

6 6 (7) Ali rikashqa kayqa manami inti jeqamunan kaq lädupitatsu,

ni inti jeqanan kaq lädupitatsu

ni chunyaq jirka lädupitatsu shamun.

7 7 (8) Tsaypa trukanqa lapantapis juzgaq Tayta Diospitaraqmi shamun.

Paymi runakunata juzgar wakinta castigan y wakintana ali rikan.

8 8 (9) Tayta Diosmi castïgun winaraykaq cöpata aptaraykan.

Cöpa juntami paypa rabyaynin kaykan.

Maytsaycho taq fiyu runakunata castigarmi tsay cöpata ushananyaq uputsinqa.

9 9 (10) Noqaqa Jacob yärakushqan Tayta Diospitami imaypis wilakushaq.

Alabanzakunatami imaypis paypaq cantashaq.

10 10 (11) Fiyu runakunataqa autoridä kashqanpitapis qarqunqami.

Ali runatami itsanqa autoridä kananpaq churanqa.