1 Tayta Dios, qamlami Diosnï kaykanki.
Pipis mana rurashqanta rurashqaykipitami jutikita joqarir imaypis alabashayki.
Unaypita patsa promitishqaykita imaypis cumplinkimi.
2Chikimaqnï jäpa runakunapa markanta ranralatanami kachaykushqanki.
Amparakuna ali murallashqa markankunatapis raqälatanami kachaykushqanki.
Palaciunkunatapis juchutsir ushakätsiptiki manami imaypis sharkatsinqanatsu.
3Tsayno rurashqaykita rikarmi juk nacioncho munayniyuq runakunapis munayniyuq kashqaykita wilakärinqa.
Juk marka kalpasapa runakunapis qamta mantsakushunkimi.
4Qamqa waktsakunapa favorninmi sharkunki.
Ayluynaq runakunatapis tsapankimi.
Löcu tamyapitapis qamqa tsapankimi.
Fiyupa shanaptinpis lantupankimi.
Fiyu runakunaqa runa mayinta nakatsipäkunmi.
Löcu tamya tapiata juchutsiqnömi karkaykan.
5Tsaynöpis chunyaq tsaki jirkacho shanay rupaqnömi karkaykan.
Jina kaqtami olquykaqtapis upälatsinki.
Pukutaywan intita tsapaqnömi upälatsinki.
Fiestata Tayta Dios rurananpaq nishqan6 Sión jirkanchömi lapanta mandaq Tayta Dios maytsay nación runakunapaq fiestata ruranqa. Tsay fiestachömi kanqa ali mikuy y ali vïnupis. Maypis mikukuypaqmi mikuypis kanqa y maypis upukuypaqmi vïnupis kanqa.
7Tsay jirkancho lapan markakunata tsaparaq yana röpata y lapan nacionkunata tsaparaq mortäjata ushakätsiptinmi
8wanuypis mana kanqanatsu.
12Tayta Diosmi markapa altu murällankunatapis chipyaq juchutsir ushakätsinqa.
Who We AreWhat We EelieveWhat We Do
2025 by iamachristian.org,Inc All rights reserved.
