1Shamuq watakunachömi Tayta Diospa wayin kaykashqan jirkanqa wakin jirkankunapita mas respitashqa kanqapaq.
Tsaymanmi maytsay nacionpitapis runakuna aywapäkunqa Tayta Diosta adorapäkunanpaq.
2Tsaynölami Sión jirkanpita Tayta Diospa yachatsikuyninta maytsaymanpis apapäkunqapaq.
Jerusalénpita patsami palabranta wilakärinqapaq.
Maytsay nacionpitami runakuna Jerusalénman aywaykur kayno nipäkunqapaq:
<
Jacobpita miraq runakuna yärakushqan Tayta Diospa templunman yaykushun.
Tsaychömi kikin yachatsimäshun mandamientunkunata imano cumplinantsipaq kashqantapis.
Tsaynöpami pay munashqanno lapantsi kawashunpaq>>.
3Atska nación runakuna chikinakäriptinpis Tayta Diosmi arreglanqapaq.
Tsay nacionkuna jatun kaptinpis y mayjina karucho kaptinpis paymi juzganqapaq.
Juk markawan juk marka guërrata manami ruranqanatsu.
Maytsaychöpis runakuna espädanpita rëjantanami ruratsipäkunqa.
Lanzanpitanami ösita ruratsipäkunqa.
Guërracho pelyananpaqpis manami kamarikunqanatsu.
4Tsayno kaptinmi runakuna pitapis mana mantsakuypa kawapäkunqapaq.
Üva yörapa y hïgus yörapa sikincho jawkami jamarpanqapaq.
Lapanta mandaq Tayta Diosmi tsayno kananpaq kashqanta nin.
5Wakin marka runakuna diosninkunaman yärakuptinpis noqantsiqa munayniyuq Tayta Diosnintsiman imaypis yärakärishun.
Israel runakuna markanman kutipäkunanpaq nishqan6 Tayta Diosmi kayno nin:
< 7Chakin pakishqa uyshano kaykaptinpis y juk lädu markaman qarqushqa kaykaptinpis yanapashaq markanman kutir munayniyuq rikakärinanpaq. Nirkurnami Sión jirkanpita imayyaqpis paykunapa mandaqnin rey kashaqpaq. 8< Qamqa yapaymi munayniyuq kankipaq. Kuyashqä Jerusalénpitaqa yapaymi reykuna mandanqapaq. 9Tsayno kananpaq kaykaptinqa ¿imanirtaq wachay nanaywan qaparaq warmino qaparaykanki? ¿Manaku mandaqniki rey kan? ¿Yachaq runakuna wanushqaku karkaykan? 10Tsayno kaptinpis qamcho taq runakunata jäkuq jirkakunapa prësu aparmi Babilonia nacionman chayatsipäkunqa. Ay Sión, tsayno kananpaq kaykaptinqa pasaypa lakikur wachay nanaywan qochpaykaq warmi qaparashqanno qaparay. Juk lädu nacionman apashuptikipis contraykikunapa makinpitami Tayta Dios salvashunkipaq>>. 11Kananqa atska nación runakunami juntakaykur contrayki sharkapäkushqa. Paykunaqa kaynömi wilanakurkaykan: <<¡Sión marka ushakashqa kaykaqta rikar kushipäshun!>> 12Itsanqa tsay runakuna manami tantiyapäkuntsu Tayta Dios imata yarpaykashqantapis. Manami musyapäkuntsu trïguta wirunanpaq ëraman shuntaqno paykunata shuntar castigananpaq kashqanta. 13Tayta Dios kaynömi nin: < Noqami yanapashayki fiërru waqrayuq y bronci shilluyuq töruno kar atska nacionkunata ushakätsinaykipaq. Nirkurnami suwashqan riquëzantapis shuntamunkipaq. Tsaytanami kay patsapa duëñun kaptï noqa Tayta Diospaq apamunkipaq>>.
Who We AreWhat We EelieveWhat We Do
2025 by iamachristian.org,Inc All rights reserved.
