2 Crónicas 20 - Quechua Margos-Yarowilca-Lauricocha Bible（qvm）

Moabita y amonita runakunata Josafat vincishqan

1Tsaypita tiempu pasarkuptinnami moabita, amonita y meunita runakuna wilanakurkur Josafatta atacananpaq aywapäkurqan.

2Tsayno aywarkaykashqanta rikaykurmi rey Josafat kaqman aywapäkurqan wilananpaq. Chayaykurmi kayno nipäkurqan: < wak tsimpan Edompitami atska soldädukuna aywaykämun qamta atacashunaykipaq. ¡Paykunaqa Hazezon-tamarchönami karkaykan!>>

(Hazezon-tamarqa En-gadi nishqan partimi kaykan.)

3Tsaymi Josafat fiyupa mantsakur Tayta Diosta manakurqan yanapananpaq. Tsaynöpis lapan Judá runakunaman wilakatsirqan ayunapäkunanpaq.

4Tsaymi Judá nacioncho kaykaq lapan markakunapita runakuna Jerusalénman juntakarqan Tayta Diosta manakunanpaq.

5Lapan Judá runakuna juntakarkuptinnami Tayta Diospa templuncho kaykaq mushuq patiu yaykunaman ichiykur Josafat

6Tayta Diosta manakur kayno nirqan: < jana patsatapis y kay patsacho kaq lapan nacionkunatapis qamlami munaynikicho tsararaykanki. Lapanpaq munayniyuq kaptikimi mana pipis ichipäshunkipaqtsu.

7<8<

9.

10<18Tsayno niptinmi rey Josafat y tsaycho kaykaq lapan runakunapis pampaman lätakuykur Tayta Diosta adorapäkurqan.

19Coatpita y Corépita miraq levitakunami ichirkur Israel runakunata kuyaq Tayta Diosta lapan shonqunwan alabapäkurqan.

20Tsaypita jukaqnin tutanami tsaka tsakala lapan juntakarqan Tecoa chunyaq jirkaman aywananpaq. Yarqunanpaqna kaykaptinmi rey Josafat kayno nirqan: < yärakuptintsiqa salvamäshunmi. Profëtakuna nishqanta criyiptintsiqa manami imapis pasamäshuntsu>>.

21Runakunawan wilanakurkurmi Tayta Diosta alabananpaq cantaqkunata Josafat churarqan. Tsay cantaqkunami sagrädu röpankunata jatikurkur Tayta Diosta alabaraykar soldädukunapa puntanta aywapäkurqan. Cantarmi kayno nipäkurqan:

<<¡Alilata ruraq kashqanpita Tayta Diosta agradëcikäriy!

¡Kuyapäkuyninqa manami imaypis ushakantsu!>>

22Alabayta qalaykushqan hörami amonita runakunata, moabita runakunata y Seir jalqakuna kinraycho taq runakunata Tayta Dios pantakätsirqan kikinpura wanutsinakunanpaq.

23Tsaymi Seir jalqakunapita aywaq runakunapa contran sharkur amonita runakuna y moabita runakuna chipyaq wanutsirqan. Nirkurmi kikinpura wanutsinakurqan.

24Judá runakuna rikachakuna törriman chayaykurmi contrankunata rikapäkurqan chunyaq jirkacho wanushqa jitarpaykaqta. Manami juklaylapis kawaykar quëdarqantsu.

25Tsawraqa Josafat lapan runakunawan aywapäkurqan contrankunapa imaykantapis shuntamunanpaq. Chayaykur taripäkurqan atska uywakunata, armakunata, röpakunata y chanin cuestaq alhäjakunata. Lapan tarishqankunatami kikinkunapaq shuntakärirqan. Imaykapis tsaytsika kaptinmi kimsa junaqtaraq shuntayta ushapäkurqan.

26Tsaypita chusku kaq junaqchöna juk pampaman juntakaykur Tayta Diosta alabapäkurqan. Tsay pampapa jutintami churaparqan Beraca jutin kananpaq. Kananyaqpis tsay jutilami kaykan.

27Contrankunapita Tayta Dios salvaptinmi Jerusaléncho y Judácho taq runakunawan rey Josafat Jerusalénman kushishqa kutipäkurqan.

28Jerusalénman chayaykurmi Tayta Diospa templunman aywapäkurqan salteriukunata, arpakunata y cornëtakunata tukaraykar.

29Israel runakunapa contrankunawan Tayta Dios pelyashqanta mayaykurmi maytsay nacionkunacho taq runakunapis fiyupa mantsakurqan.

30Nawpan nación runakunawan ali kawananpaq Tayta Dios yanapaptinmi rey Josafat mandashqan nacioncho runakuna tranquïlu kawapäkurqan.

Rey Josafat wakin rurashqankuna 1 Reyes 22.41-50

31Judá nacionta mandayta qalaykushqan witsan Josafat kaykarqan kimsa chunka pitsqa (35) watayuqmi. Payqa ishkay chunka pitsqa (25) watami Jerusalénpita mandarqan. Mamanmi karqan Silhipa tsurin Azuba.

32Josafatqa taytan Asanölami Tayta Dios munashqanta rurar kawarqan.

33Tsayno kaptinpis Judácho taq runakunaqa manami unay aylunkuna yärakushqan Tayta Diosta lapan shonqunwantsu cäsukärirqan. Tsaymi markakunacho kaykaq altarkunata mana juchutsirqantsu.

34Josafat rurashqankunaqa qalaykunanpita ushananyaq qelqaraykan Jehúpa tsurin Hanani qelqashqanchömi. Tsay qelqashqanqa kaykan Israel reykunapa acta librunchömi.

35Guërracho vincishqanpita qepatanami Judá nacionpa mandaqnin rey Josafat Israel nacionpa mandaqnin rey Ocozíaswan yanapanakunanpaq wilanakurqan. Ocozíasqa pasaypa jutsa ruraq runami karqan.

36Paywan Josafat wilanakurmi Tarsisman aywananpaq büquikunata Ezión-gebercho ruratsirqan.

37Tsawraqa Maresa runa Dodavapa tsurin Eliezermi Tayta Dios nishqanta wilar Josafatta kayno nirqan: <>.

Nishqannölami büquinkuna pakir ushakaptin Tarsismanpis manana aywapäkurqannatsu.