Isaías 58 - Quechua Margos-Yarowilca-Lauricocha Bible（qvm）

Ayünu imano kashqanpis

1Tayta Dios kayno nimarqan:

<<¡Mana mantsakuypa lapan kalpaykiwan qayakuy!

¡Cornëta waqaqnöraq qayakushqayki mayakätsun!

¡Jacobpita miraq kuyashqä runakunata jutsa rurashqanta tantiyatsiy!

2Paykunaqa munashqäno kawayta munarmi waran waran ashipäkaman.

nishpanmi yanapanäpaq manakaman.

Tsayno manakamarpis mandamientükunata cäsukuq tukärinlami.

Manami munashqänötsu kawapäkun.

3Mana yanapaptïmi kayno nipäkaman:

Yarqanayta awantarkaykaptïpis ¿imanirtaq mana cäsumankitsu?>

<

Qamkuna mana ali kawaptikimi ayunaptikipis mana cäsütsu.

Ayunashqayki junaqpis rïcuyänayki kashqami aruqnikikunata mana pägaypa arutsipäkunki.

4Ayunarpis shimi shimimi rimanakurkaykanki.

Tsaynöpis mana kuyapänakuypami pelyarkaykanki.

Ayunar tsayno kaptikiqa ruwakamashqaykitapis manami cäsushaykitsu.

5<

Tsaynöpis qachqa röpayki jatishqami uchpa janancho wequrpaykanki.

¿Tsaynötsuraq munashqäno ayünu junaq kaykan?

6Noqa munashqäno ayunarqa manakaqta jitapar prësu wichqashqayki runata kacharinki,

runa mayikita ama nakatsinkitsu

y arutsishqayki runakunatapis yüguta paskaqno jamatsipäkunki.

7Tsaynöpis munä waktsakunata mikuyta melqapänaykita,

wayiynaqkunata patsatsinaykita,

röpaynaqkunata jatipänaykita

y runa mayikita kuyapänaykitami.

8<

Kushishqa ali kawanaykipaqmi yanapashayki.

Alita ruraq kashqaykimi puntaykita aywanqa.

Qepaykipitami munaynïwan imapitapis tsapäshayki.

9Manakamaptikiqa kamaripäshaykimi.

Yanapanäpaq qayakamaptikiqa yanapashaykimi.

<

Pitapis lutalaqa amana tumpaynatsu.

10Mikanaqkunata qaraykuy.

Lakikuqkunata shakyätsiy.

Tsayno karqa tsakaycho atsikyaqnömi kankipaq.

Tsakäpakushqano kashqaykipis pulan junaqnömi atsikyanqapaq.

11 Noqami uysha mitsiqno imaypis ali rikashayki.

Imata nistashqaykitapis kamaripäshaykimi.

Kalpayki kananpaqpis yanapashaykimi.

Tsaynöpis ali parqushqa huertano y imaypis mana tsakiq pukyunömi kankipaq.

12Unay raqäkunatami altsankipaq.

Unay kaq cimientu janalanmanmi yapay sharkatsinkipaq.

Tsaymi kayno nipäkushunkipaq: >>.

Jamay junaqpita yachatsishqan

13<Tsay junaqqa ama imatapis rantiytsu ni rantikuytsu.

Tsaypa trukanqa tantiyakäriy tsay junaq kushikuypaq kashqanta y akrashqä sagrädu junaq kashqanta.

Tsay junaqta respitashpayki ima ruraytapis kachaykur jamapäkuy.

Shonquyki yarpashqantaqa ama rurapäkuytsu.

Lutankunatapis ama rimapäkuytsu.

14<

Pïmaypis respitashunaykipaqmi churashayki.

Unay ayluyki Jacobta qoykushqä nacioncho kushishqami qamkuna tankipaq>>.

Kikin Tayta Diosmi tsayno nishqa.