Levítico 8 - Quechua Margos-Yarowilca-Lauricocha Bible（qvm）

Tayta Diosta sirvinanpaq cürakunata churashqan Éxodo 29.1-37

1Mastapis Moisésta Tayta Dios kayno nirqan:

2-3<>.

4 Tayta Dios nishqannöla Moisés rurarmi Tinkuna Toldu patiuman lapan runakunata shuntarqan.

5Shuntarkurmi runakunata kayno nirqan: < nimashqa>>.

6Tsayno nirmi Aarónta y tsurinkunata qayaykur Moisés armatsirqan.

7Nirkurnami tünicata jatiparkur wachkuwan tseqlanpa Aarónta wachkaparqan. Tsay jananmanmi sotänata y efodta jatiparqan. Nirkurnami efodpa wachkunwan tseqlanta wachkaparqan.

8Tsay jananman pechërata wataparkurmi Urimta y Tumimta winaparqan.

9Tsaynölami umanman görrata jatiparkur qoripita sagrädu vinchata jananman churaparqan. Tayta Dios nishqannölami tsaykunata Moisés rurarqan.

10Tsaypitanami Sagrädu Tolduman y lapan manëjunkunaman sagrädu aceitita Moisés winaparqan. Tsayno ruraptinmi lapanpis sagräduna karqan.

11Tsay aceitilawanmi altartapis qanchis kuti tsaqtsuparqan. Nirkurmi sagrädu kananpaq altarta, manëjunkunata y lavatoriutapis jamakunantinta tsay aceitiwan tsaqtsuparqan.

12Nirkurmi mandaq cüra kananpaq Aarónpa umanman sagrädu aceitita winaparqan.

13Tsaypitanami Aarónpa tsurinkunata qayaykur tünicata jatiparqan. Nirkurnami cada ünunpa umanmanpis görrata jatiparqan. Tayta Dios nishqannömi lapantapis rurarqan.

14Tsaypitanami purificatsina sacrificiupaq turituta Moisés apatsimurqan. Tsay turitupa umanman Aarón y tsurinkuna makinta churaptinmi

15Moisés pishtarqan. Altar purificashqa kananpaqmi yawarman dëdunta töparkatsir altarpa waqrankunata lushiparqan. Putsuq yawartanami altarpa chakinman talirqan. Tsaynöpami altar sagräduna karqan janancho sacrificiuta rupatsiptin jutsankunapita runakuna perdonashqa kananpaq.

16Nirkurmi pishtashqan uywapa pacha wiranta, natincho kaykaq wiranta y ishkan rurunta wirantinta altarcho Moisés rupatsirqan.

17Turitupa qaranta, aytsanta y ashashnintami itsanqa campamentupita juk läduman apaykur rupatsirqan. Tayta Dios nishqannölami lapantapis Moisés rurarqan.

18Rupatsina sacrificiupaq carnitapis Moisés nishqano apapaptinmi Aarón y tsurinkuna makinta churarqan carnipa umanman.

19Tsaypita pishtarkurna carnipa yawarninwan altarpa chuskun lädunkunata Moisés tsaqtsuparqan.

20Cuartutsarkurnami aytsanta, umanta y wiranta rupatsirqan.

21Tsaypitami Tayta Dios nishqannöla carnipa pachanta y atakshunkunata maylarkur altarcho Moisés rupatsirqan. Tsay rupatsishqanpa ali asyayninta mayarmi Tayta Dios kushikurqan.

22Tsaypitanami jukaq carnitapis Moisés apatsimurqan. Tsay carniqa cüra kayman yaykur ofrendapaq churashqanmi karqan. Carnipa umanmanmi Aarón y tsurinkuna makinta churapäkurqan.

23Moisésnami carnita pishtarkur yawarninwan Aarónpa alawqa kaq rinrinpa ura lädu puntanta lushiparqan. Tsaynölami lushiparqan alawqa kaq makinpa y chakinpa maman dëduntapis.

24Tsaynölami Aarónpa tsurinkunatapis qayaykur alawqa kaq rinrinta yawarwan lushiparqan. Tsaynölami lushiparqan alawqa kaq makinpa y chakinpa maman dëduntapis. Nirkurnami tsay yawarwan altarpa chuskun lädunkunatapis tsaqtsuparqan.

25Nirkurnami carnipa chupa wiranta, pacha wiranta, natincho kaykaq wiranta, ishkan rurunta wirantinta y alawqa kaq chankantapis Moisés jorqurqan.

26Tsaykuna jananmanmi churarqan levadüraynaq juk tantata, aceitiwan masarashqa juk tantata y juk lapsha tantatapis. Tayta Diospa nawpanman churashqan canastapitami tsay tantakunata jorqurqan.

27Nirkurmi lapan tsaykunata Aarónta y tsurinkunata aptaparqan Tayta Diospa nawpancho joqarkur wakman kayman kuyutsinanpaq.

28Paykunapita chaskirkurnami Moisésqa altarcho rupatsina sacrificiu rupaykätsishqan jananman churarqan. Tsay ofrendaqa cüra kayta qalaykunanpaq churashqan ofrendami karqan. Rupatsishqanpa ali asyayninta mayarmi Tayta Dios kushikurqan.

29Tsaypitanami carnipa pëchunta Tayta Diospa nawpancho ishkan makinwan joqarkur wakman kayman Moisés kuyutsirqan. Tsay pëchuqa Tayta Dios nishqannölami Moiséspaq karqan.

30Nirkurnami sagrädu aceitiwan y altar janancho kaykaq yawarwan Aarónta y tsurinkunata Moisés tsaqtsuparqan. Tsaynölami tsaqtsuparqan cüra kar jatiränan röpankunatapis. Aarónta, tsurinkunata y röpankunata tsayno tsaqtsuparqan sagrädu kananpaqmi.

31Tsayno rurarkurnami Aarónta y tsurinkunata Moisés kayno nirqan: < nimashqa.

32Putsuq kaq aytsata y tantata lapanta rupatsinki.

33Cüra kayman yaykur qanchis junaqyaq consagrakunki. Tsay junaqkuna Tinkuna Toldu patiupita maypapis ama yarqunkitsu.

34Tayta Dios nishqannölami lapanta kanan rurashqantsi jutsa rurashqaykipita purificashqa kapäkunaykipaq.

35Tsaymi Tinkuna Toldu patiulacho qanchis junaqyaq paqasta junaqta qamkuna kakunki. Tayta Dios nishqanta cäsukurqa manami wanupäkunkipaqtsu. Tsayno ruranaykipaqmi Tayta Dios nimashqa>>.

36Moisésta Tayta Dios nishqannölami Aarón y tsurinkuna lapanta rurapäkurqan.