Salmo 132 - Quechua Margos-Yarowilca-Lauricocha Bible(qvm)

Salmo 132 (131)Davidta promitishqanta cumplinanpaq Tayta Diosta manakushqanKay salmuqa Jerusalénman aywaqkuna alabananpaqmi kaykan.

1 Tayta Dios, yarpaykulay David imano nakashqantapis.

2Jacob yärakushqan Tayta Dios, yarpaykulay David promitishushqaykita.

3Promitirmi kayno nishurqayki:

<

punuytapis manami tarishaqtsu,

4manami yanqalapis punushaqtsu,

manami ichiklatapis qepishtarpushaqtsu

5munayniyuq Tayta Diospaq sitiuta manaraq tarirqa

y pay tänanpaq wayita manaraq rurarqa>>.

6Efratacho kaykarmi mayapäkurqä Pactu Babulpita parlaqta.

Jaar pampachömi babulta taripäkurqä.

7Tsaymi wilanakärirqä kayno nir:

<<¡Tayta Diospa wayinman aywashun!

¡Nawpanman qonqurpakushun!>>

8 Tayta Dios, tänaykipaq kaqman aywaykalämuy.

Munayniyuq babulniki kashqancho taykulay.

9Sirvishuqniki cürakunapis lapan shonqunwan sirviykuläshunki.

Munashqaykino kawaqkunapis kushishqa alabaykuläshunki.

10Sirvishuqniki David rayku akrashqayki reyta yanapaykulay.

11Davidta promitishqaykitaqa imaypis cumplinkimi.

Promitirmi kayno nirqayki:

<12Tsayno kanqa wilakuynïta y pactu rurashqäta cumpliptinmi.

Tsaynöpami qampita miraqkuna trönuykicho imaypis rey kanqa>>.

13 Tayta Diosmi Sión jirkanta akrashqa.

Tsaycho tänanpaqmi akrashqa.

14Tsaymi kayno nirqan:

<

Kaycho trönü kananpaqmi akrashqä.

15Kaycho mikuy atska kananpaqmi bendicionnïta churashaq.

Waktsakunapis saksashqanyaqmi mikupäkunqa.

16Cürakunapis respitashqami kapäkunqa.

Cäsukamaqkunaqa kushishqami alabapäkamanqa.

17Kaychömi Davidpita miraqkunata churashaq rey kananpaq.

Akrashqä kaptinmi yanapashaq munayniyuq kananpaq.

18Chikiqninkunataqa penqaymanmi churashaq.

Mandaq reymi itsanqa chipchipyaykaq corönan jatishqa kanqa>>.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help