2 Crónicas 25 - Quechua Margos-Yarowilca-Lauricocha Bible（qvm）

Judá nacioncho Amasías rey kashqan 2 Reyes 14.1-22

1Mandayta qalaykushqan witsan Amasíasqa ishkay chunka pitsqa (25) watayuqmi kaykarqan. Payqa ishkay chunka isqun (29) watami Jerusalénpita mandarqan. Mamanmi karqan Jerusalénpita Joadán.

2Amasíasqa Tayta Dios munashqanno kawarpis wakin wakinchöqa manami cäsukurqantsu.

3Rey kaykarnami papäninta wanutsiq capitankunata wanutsirqan.

4Itsanqa manami tsay capitankunapa tsurinkunataqa wanutsirqantsu. Tsayno mana wanutsinanpaqmi Moisés qelqashqan leykunacho Tayta Diospa mandamientun kayno nir qelqaraykan: <>.

5Nirkurnami Amasíasqa Judá trïbu y Benjamín trïbu runakunata qayaykatsir cada aylupa mandaqnin kananpaq juk soldäduta churarqan. Tsaypitanami ishkay chunka (20) watayuqpita janaman runakunata censatsirqan. Tsay censatsishqan runakunami karqan kimsa pachak waranqa (300,000). Paykunaqa guërracho espädawan pelyayta y escüduwan tsapakuytapis alimi yachaq.

6Tsaypitanami kimsa waranqa kimsa pachak (3,300) kïlu qellayta pägaykur pachak waranqa (100,000) Israel nación soldädukunata minkakurqan pelyäshinanpaq.

7Tsawraqa Tayta Diospa wilakuqnin chayaykur Amasíasta kayno nirqan: < manami yanapanqatsu Israel nación soldädukunataqa. Payqa manami Efraín runakunawantsu kaykan. Tsayno kaykaptinqa guërraman paykunata ama pushaytsu.

8Mana cäsukuypa tsay soldädukunata pushaptikiqa contraykikunatami Tayta Dios yanapanqa vincishunaykipaq. Tayta Diosqa munayniyuqmi kaykan pitapis munashqan kaqta yanapananpaq y ushakätsinanpaq>>.

9Tsayno niptinmi Tayta Diospa wilakuqninta rey Amasías tapurqan kayno nir: <>

Niptinmi Tayta Diospa wilakuqnin kayno nirqan: < taritsishunkipaq>>.

10Tsayno niptinmi rey Amasíasqa Efraínpita shamuq soldädukunata wayinkunapa kutikärinanpaq nirqan. Tsaymi paykunaqa Judá nación runakunapa contran fiyupa rabyashqa wayinpa kutikärirqan.

11Amasíasnami Tayta Diosman yärakur Kachi Pampacho chunka waranqa (10,000) Seir runakunata soldädunkunawan wanutsipäkurqan.

12Tsaynöpis prësu tsaripäkurqan chunka waranqa runakunata. Nirkur tsay runakunata qaqa jananman apaykur jitarpuptinmi ushakaqpaq chayarqan.

13Paykuna guërracho kashqanyaqmi Amasías kutitsishqan runakuna Samariapita patsa Bet-horónyaq Judá nacioncho kaykaq markakunata atacar kimsa waranqa (3,000) runakunata wanutsipäkurqan. Nirkur tsay wanushqa runakunapa imaykantapis apakärirqan.

14Edomita runakunata ushakarkatsir kutimushpanmi Amasíasqa Seircho taq runakunapa ïdulunkunata apakurqan. Nirkurnami tsay ïdulukunaman yärakushpan inciensuwan qoshtatsir adorarqan.

15Tsayno ruraptinmi Tayta Dios fiyupa rabyakurqan. Tsaymi profëtata kacharqan kayno ninanpaq: <<¡Imanirtaq juk nacionpa diosninkunaman yärakuykanki! Tsay dioskunaqa manami pitapis salvayta kamäpakuntsu. Salvakuq karqa atacaptiki salvanmanmi karqan>>.

16Profëta tsayno niptinmi reyqa olqushpan kayno nirqan: <>.

Tsawraqa profëta kayno nirqan: <>.

17Tsaypitana yätsiqninkunawan wilanakushpan Judá nacionpa mandaqnin rey Amasíasqa kachakunata kacharqan Israel nacionpa mandaqnin rey Joás kaqman. Joás karqan Joacazpa tsurin y Jehúpa wilkanmi. Kachakuna chayaykurmi kayno nirqan: <>.

18Tsayno niptinmi kacha aywaqkunata Joás kayno nirqan: <>.

<<

19Tsay kashanölami qampis kaykanki. Edomita runakunata ushakätsishqalaykipitaqa ama runa tukuytsu. Runa tukur pelyaq shamunaykipa trukanqa wayilaykicho täkuy. Tsaynöla achäquita ashipämaptikiqa ushakätsishaykimi y Judá runakunatapis ushakätsishaqmi> >>.

20Rey Joás tsayno niptinpis Amasíasqa manami cäsurqantsu. Tsayno mana cäsurqantsu edomita runakunapa ïdulunkunata adorashqanpita ushakätsinanpaq Tayta Dios destinashqa kaptinmi.

21Mana cäsuptinmi Joásqa Israel soldädunkunawan Judácho kaykaq Bet-semesman aywarqan Amasíaspa soldädunkunawan pelyananpaq.

22Israel soldädukuna vinciptinmi Judá soldädukunaqa qeshpir wayinpa kutikärirqan.

23Israel nacionpa mandaqnin rey Joásnami Judá nacionpa mandaqnin rey Amasíasta Bet-semescho prësu tsariykur Jerusalénman aparqan. Tsaychömi marka murällata juchutsipäkurqan Efraín punkupita qalaykur hasta Esquïna nishqan punkuyaq. Tsay juchutsishqan murällaqa karqan pachak pusaq chunka (180) metru largumi.

24Tsaypitanami Obed-edom templucho täpaykashqan qellayta, qorita y lapan manëjukunata apakärirqan. Tsaynölami palaciucho kaq tesörukunatapis apakärirqan. Nirkurmi runakunata prësu aparkur Samariaman kutikurqan. Aparmi kayno nirqan: <>.

25Judá nacionpa mandaqnin rey Amasíasqa Israel nacionpa mandaqnin rey Joás wanushqanpita chunka pitsqa wata masraqmi kawarqan. Rey Amasíasqa karqan Joáspa tsurinmi. Rey Joásnami karqan Joacazpa tsurin.

26Rey Amasías rurashqankunaqa qalaykunanpita ushananyaq qelqaraykan Judá nacionpa y Israel nacionpa mandaqnin reykunapa acta librunchömi.

27Rey Amasías Tayta Diosta manana cäsukur juk dioskunaman yärakushqanpita patsami runakuna Amasíaspa contran Jerusaléncho sharkapäkurqan. Tsaymi Laquis markaman qeshpiptinpis qatipaykur wanutsipäkurqan.

28Ayantanami cawalluman cargakurkur Jerusalénman apapäkurqan. Tsaychömi Davidpa Markanman unay aylunkuna pamparaykashqan kaqman pampapäkurqan.