1¡Qoripis yanayashqanami kaykan!
¡Mananami chipchipyannatsu!
Templuta perqashqan rumikunapis intëru cälli esquïnakunachömi jitarpaykan.
Bet2Sión runakuna alinnin qoripitapis mas kuyaylapaqmi kashqa.
Kananqa mana yachaq runa rurashqan mitu mankanömi karkaykan.
Guímel3 Chacalkunapis wawankunata kuyarmi chuchun.
Kuyashqä runakunami itsanqa chunyaq jirkacho taq avestruzno wamrankunatapis mana kuyapäkuntsu.Dálet
4Chuchuykaq wamrakunapa qallunpis yakunaypita tsakirmi jaqrunman laqakaykan.
Wamrakuna mikanar manakuptinpis manami pipis kantsu imalatapis qaraykunanpaq.
He5Ali mikuyta mikuqkunapis kananqa yarqaypitami cällikunacho wanurkaykan.
Kuyaylapaq wayicho winaqkunapis kananqa qanra jitakunachömi tarkaykan.
Vav6Sodoma runakuna jutsata rurashqanpitapis peormi marka mayïkuna jutsata rurapäkushqa.
Sodoma markaqa pipis mana atacaykaptinmi elaqpita ushakarqan.Zayin
7Raju y lëchi yoraq kashqannömi Jerusalén autoridäkunapis jutsaynaq y ali runakuna karqan.
Wera kaptinmi nawinkunapis saltanarqanraq.
Qaqlankunapis zafiro ruminöraqmi chipchipyarqan.
Jet8Kananqa yana mankapa sikinno karkaykan.
Cällikunacho purirpis mana reqiypaqnami purirkaykan.
Uyu kaptin tulunkunapis pasaypa yupariylapaqmi kaykan.
Tet9Yarqaypita wanuqkunaqa pasaypami nakarqan.
Guërracho wanuqkunami itsanqa aläpa mana nakashqatsu.
Yod10Jerusalénpita yarquyta mana kamäpakurmi pasaypa yarqanar wamrankunatapis mikupäkushqa.
Kuyapäkuq warmikunapis wawankunatami yanukärishqa.Caf
11Jerusalénta tsayno castigarraqmi fiyupa rabyakushqanta Tayta Dios pasatsishqa.
Sión markata ninawan rupatsirmi wayikunata cimientuntinta chipyaq ushakätsishqa.
Lámed12Maytsay nacioncho reykunapis ni pï runapis manami criyishqatsu chikimaqnintsikuna Jerusalénman yaykamunanpaq kashqanta.
Mem13Tsayno lapanpis kashqa profëtakuna jutsata rurashqanpita y cürakuna mana alikunata rurashqanpitami.
Tsaynölami paykunaqa jutsaynaq runakunatapis wanutsipäkushqa.Nun
14Tsay profëtakunami y cürakunami cällikunacho qaprano tapra tapra purirkaykan.
Wanutsishqan runakunapa yawarninwan pichushqa kaptinmi yataykuylatapis pipis munantsu.Sámej
15Paykunata rikarmi runakuna kayno nipäkun:
<<¡Qanra shonqu runakuna, ama yatapäkamaytsu!
¡Qamkunaqa kaypita maypapis aywakäriy!>>
Tsayno nipäkuptinmi Jerusalénpita qeshpir maytsay nacionkunamanpis aywakärishqa.
Tsay nacionkunacho taq runakunapis kaynömi nipäkun:
<
16Kikin Tayta Diosmi rabyakushpan profëtakunata y cürakunata Jerusalénpita qarqushqa.
Paykunataqa manami yanapannatsu.
Tsaymi cürakunatapis ni mayor runakunatapis mana respitapäkunnatsu.
Ayin17Juk lädu nación soldädukuna yanapamänantsipaq shuyarashqapis manami chayamushqatsu.
Rikachakuykaptilantsimi nawintsipis tsakakäkushqa.Tsade
18Contrantsi runakuna watqarämaptintsimi cälliman mana yarqushqantsitsu.
Ushakänantsipaq höra chayamuptinmi wanuypis janantsichöna kashqa.
Qof19Ankapitapis mas warakayla aywaqmi contrantsi runakuna kashqa.
Jirkakunapapis qatikachämashqantsimi.
Chunyaq jirkapa qeshpiptintsipis shuyaraykämashqantsimi.
Resh20 Tayta Dios akrashqan mandamaqnintsi reytapis prësumi tsarishqa.
Paymi tsapämaqnintsi kashqa.
Pay rikaykämaptintsimi yarparqantsi mayqan nacionpis achäquita mana ashipämänantsipaq kashqanta.
Sin/Shin21Uz particho taq Edom nación runakuna, noqakunata ama kushipämaytsu.
Qamkunamanpis castïgu chayamunqami.
Tsaymi shinkashqa qarapächu jitaraq runa penqaypaq kashqanno qamkunapis penqaypaq kapäkunkipaq.
Tav22 Sión runakuna, castïguta chaskishqantsinami.
Yapayqa manami prësu apamäshunnatsu.
Edomita runakuna, qamkunatami itsanqa jutsata rurashqaykipita Tayta Dios castigashunkipaq.
Paymi lapan jutsa rurashqaykikunata careashunkipaq.
Who We AreWhat We EelieveWhat We Do
2025 by iamachristian.org,Inc All rights reserved.
