2 Reyes 3 - Quechua Margos-Yarowilca-Lauricocha Bible（qvm）

Israel nacioncho Joram rey kashqan

1Josafat chunka pusaq wata Judá nacioncho rey kaykaptinmi Israel nacioncho Acabpa tsurin Joram rey kayta qalaykurqan. Payqa Samariapita mandarqan chunka ishkay watami.

2Tayta Diosta mana cäsukurmi Joramqa jutsata rurarqan. Itsanqa taytan y maman jutsata rurashqannöqa manami jutsata rurarqantsu. Tsaymi Baalta adorananpaq taytan ichitsishqan wankakunata jitarirqan.

3Tsayno karpis Nabatpa tsurin Jeroboam Israel runakunata jutsata ruratsishqannömi Jorampis jutsata ruratsirqan.Moabita soldädukunata vincinanpaq Eliseo wilakushqan

4Moab nación runakunapa mandaqnin reymi karqan Mesa. Paypaqa atskami uyshankuna karqan. Israel nacionpa mandaqnin reypa munaynincho karmi payqa cada wata pachak waranqa (100,000) uyshakunata y pachak waranqa poqushqa carnikunapa milwanta qoykurqan.

5Rey Acab wanuykuptinnami Israel nacionpa mandaqnin reypa contran sharkurqan.

6Tsaymi rey Joram Samaria markapita aywashpan lapan Israel soldädukunata shuntarqan pelyaq aywapäkunanpaq.

7Nirkurmi Judá nacionpa mandaqnin rey Josafatman kachakurqan kayno ninanpaq: <>

Tsayno niptinmi rey Josafat kayno nirqan: <>.

8Nirkurmi kayno tapurqan: <<¿Mayqan nänipataq aywashun?>>

Niptinmi Joram nirqan: <>.

9Tsayno parlakurkurmi Israel nacionpa, Judá nacionpa y Edom nacionpa mandaqnin reykuna contrankunata atacananpaq soldädunkunata pushakurkur guërraman aywapäkurqan. Qanchis junaq tsaki jirkapa aywarkaykaptinmi soldädunkuna upunanpaq y uywankuna upunanpaq yaku mana karqantsu.

10Tsawraqa Joram kayno nirqan: <<¡Kaychi kaylaqa! ¡Meparëci Moab nación runakuna wanutsimänantsipaqmi kimsantsita Tayta Dios kayman pushaykamashqantsi!>>

11Tsayno niptinmi Josafat kayno tapurqan: <<¿Manatsuraq Tayta Diospa profëtan noqantsiwan aywaykan tapukunantsipaq?>>

Tsayno niptinmi rey Jorampa juk capitannin kayno nirqan: <>.

12Tsawraqa Josafat kayno nirqan: < yarpashqanta wilamäshunmi>>.

Tsayno niptinmi Israel nacionpa mandaqnin rey Joram, Judá nacionpa mandaqnin rey Josafat y Edom nacionpa mandaqnin reypis Eliseo kaqman jukla aywapäkurqan.

13Chayaykuptinmi rey Joramta Eliseo kayno nirqan: <>

Tsayno niptinmi Joram kayno nirqan: < niptinmi tsay profëtakunaman tapukuq aywanäpa trukan qamman shapäkamushqä. Tsayno kaptinpis meparëci Moab nación runakuna wanutsimänanpaqmi Tayta Dios kayman pushapäkamashqa>>.

14Niptinmi Eliseo kayno nirqan: < sirviqnin karmi kayno nï: Judá nacionpa mandaqnin rey Josafat kaycho mana kaptinqa qamta manami rikaylapis rikärïmantsu karqan.

15Tayta Diosta tapukunäpaq arpa tukaqta pushamuy>>.

Arpata tukapaykaptinmi Tayta Dios Eliseuta tantiyatsirqan imata ninanpaqpis.

16Tsaymi kayno nirqan: < kaynömi nimantsi:

17Mana wayraptinpis y mana tamyamuptinpis qamkunapis y uywaykikunapis upupäkunaykipaq kay intëru pampachömi yaku yurinqa.

18Tsay milagruqa kanqa Tayta Dios lapanpaq munayniyuq kashqanta tantiyakärinaykipaqmi. Tsaynöpis paymi yanapashunki moabita soldädukunata wanutsinaykipaq.

19Paykunata vincirmi murallashqa jatusaq markakunatapis ushakätsinkipaq. Tsaynömi früta wayuq yörakunatapis mutur ushapäkunkipaq y yaku pözukunatapis pampatsankipaq. Nirkur chakrankunamanpis shalata qotunkipaq> >>.

20Eliseo nishqannölami waraynin tuta Tayta Diospaq sacrificiuta rupatsinan höra Edom lädupita yaku elaqpita shamur patsarashqan pampaman juntarqan.

21Moabita runakunanami musyarqan kimsa reykuna paykunata atacananpaq aywaykashqanta. Tsawraqa mözupita awkis runayaq juntakarkur contrankunawan pelyapäkunanpaq nacionninpa lindërunkunaman churanakurqan.

22Waraynin tuta inti jeqarkamur qocharaykaq yakuman empañaptinmi moabita soldädukuna rikarqan yawarno qocharaykaqta.

23Tsaymi kayno nipäkurqan: <<¡Yawarchaq liwaraykämun! Atacamänantsipaq shamuq reykunami kikinpura wanutsinakushqa kanqa. ¡Jukla aywashun paykuna kacharishqanta shuntamunantsipaq!>>

24Tsayno nir moabita soldädukuna yaykurkaykaptinmi Israel soldädukuna paykunata atacarqan. Tsawraqa moabita soldädukuna qeshpirkaykaptin qati qatiykur wanutsipäkurqan.

25Nirkurmi jatusaq markakunata juchutsir usharqan, chakrakunamanpis shalata qoturqan, pukyukunatapis pampatsar usharqan y früta yörakunatapis mutur usharqan. Kir-hareset markalatami mana juchutsipäkurqantsu. Mana juchutsirpis pelyaqkuna jiruruypa tsapaykurmi warakawan atacapäkurqan.

26Soldädunkunata vinciykashqanta rikarmi Moab nacionpa mandaqnin reyqa yarpachakurqan edomita soldädukunata atacar tsaypa qeshpipäkunanpaq kashqanta. Espäda manijayta yachaq qanchis pachak (700) soldädunkunata shuntarkur atacarpis manami vinciyta kamäpakurqantsu.

27Tsaymi rey kananpaq kaq qechpa tsurinta wanurkatsir marka murälla janancho diosninpaq rupatsirqan. Tsaypitanami Israel soldädukunaqa mantsakashqa nacionninpa kutikärirqan.