2 Crónicas 13 - Quechua Margos-Yarowilca-Lauricocha Bible（qvm）

Judá nacioncho Abías rey kashqan 1 Reyes 15.1-7

1Jeroboam chunka pusaq wata Israel nacioncho rey kaykaptinmi Judá nacioncho Abías rey kayta qalaykurqan.

2Jerusaléncho rey karqan kimsa watami. Mamanmi karqan Gabaapita Urielpa tsurin Micaías.

Jeroboamwanmi Abías guërrata rurapäkurqan.

3Tsawraqa rey Abías pelyaq aywananpaq chusku pachak waranqa (400,000) ali chölu runakunata shuntarqan. Rey Jeroboamnami rey Abíaswan pelyaman aywananpaq pusaq pachak waranqa (800,000) ali chölu runakunata shuntarqan.

4Tsawraqa Efraín jalqakunaman paykunawan chayaykur Zemaraim puntaman Abías witsarqan. Tsaypitami qayakurqan kayno nir: <<¡Israel runakuna y Jeroboam, mayapäkamay!

5Qamkuna ¿manaku musyapäkunki David y paypita miraqkuna Israel nacioncho imayyaqpis rey kananpaq Tayta Dios pactuta rurar promitishqanta? Promitishqantaqa lapantami cumplinqa.

6<

7Contran sharkurmi qela runakunawan y fiyu runakunawan Jeroboam juntakarqan. Salomónpa tsurin rey Roboam mözularaq kar yarpaynin shumaq manaraq kaptinmi ichipayta mana kamäpakurqantsu.

8< mandaykashqancho rey karkaykan. Tsayno kaptinpis qamkunaqa atska kashqaykiman atiënikur y Jeroboam rurapäshushqayki qori turitu diosnikikunaman yärakurmi paypa contran sharkurkaykanki.

9< churaykaptinpis.2Crón. 11.13-14. Tsaynölami Leví trïbu wakin runakunatapis qarqupäkushqanki. Nirkur wakin nación runakunanölami pipis juk turituta y qanchis carnikunata apamuptin churarkaykanki diosnikikunata sirviq cüra kananpaq. Tsay diosnikikunaqa manami rasunpatsu Dios kaykan.

10< nishqanta cumplir mana kacharïtsu. Payta sirviq cürakunapis Aarónpita miraqkunalami karkaykan. Tsaynömi cürakunata yanapananpaqpis levitakunala karkaykan.

11Tayta Dios nishqannölami paykunaqa tutapapis tardipapis rupatsina sacrificiukunata ruparkaykätsin y inciensuwan qoshtarkaykätsin. Tsaynölami purificashqa mësamanpis sagrädu tantakunata churarkaykan. Qori candelabrukunamanpis cada tardimi atskita rataykätsin. Tsaynömi noqakunaqa Tayta Diosnintsi nishqanta cumplirkaykä. Qamkunaqa manami pay nishqanta cäsukurkaykankitsu.

12< tukapäkunanpaq. Noqakunawan pelyarqa unay ayluntsikuna yärakushqan Tayta Dioswanmi pelyapäkunkipaq. Paywanqa ama churakaytsu. Paytaqa manami vincipäkunkipaqtsu>>.

13Tsayno parlaykaptinmi Jeroboamqa pakaylapa wakin kaq soldädunkunata kacharqan Judá soldädukunata qepanpa yaykuykur atacapäkunanpaq. Wakin kaq soldädunkunanami nawpaqpa atacapäkurqan.

14Judá runakuna tikraykushqanchömi rikapäkurqan qepanpa y nawpanpa atacaykashqanta. Tsawraqa Tayta Diosta manakäriptin cürakunapis cornëtakunata tukapäkurqan jukla pelyapäkunanpaq.

15Pelyayta qalaykur qaparaptinmi Jeroboamta y Israel runakunata vincipäkunanpaq Abíasta y Judá runakunata Tayta Dios yanaparqan.

16Vinciptinmi Israel runakuna qeshpir aywakärirqan. Tsayno kaptinpis qeshpiykaqta Judá runakuna wanutsinanpaqmi Tayta Dios yanaparqan.

17Tsayno pelyarmi Abías y soldädunkuna pitsqa pachak waranqa (500,000) alinnin Israel soldädukunata wanutsipäkurqan.

18Tsayno vincirqan unay aylunkuna yärakushqan Tayta Diosman yärakurmi. Israel runakunami itsanqa penqaytukushqa aywakärirqan.

19Jeroboamta vincirkurmi Abías acapararqan Bet-el markata y jalqankunata, Jesana markata y jalqankunata y Efraín markata y jalqankunatapis.

20Abías kawashqanyaq manami tsay markakunata Jeroboam shuntayta kamäpakurqantsu. Watakuna pasarkuptinnami Tayta Diospa castïgunwan Jeroboam wanurqan.

21Abíasmi itsanqa mas munayniyuq rikakurqan. Abíaspa warminkuna karqan chunka chuskumi. Paypa olqu tsurinkuna karqan ishkay chunka ishkay (22) y warmi tsurinkuna karqan chunka soqta.

22Abías imano kawashqanpis y imata rurashqankunapis qelqaraykan Diospa profëtan Iddo qelqashqanchömi.