1Alabakushqäwan imata mana jorqurpis kanan wilashayki Señor Jesucristo revelacionkunata rikatsimashqanta.
2Jesucristuman yärakuq reqishqä runatami chunka chusku wata qepatana kimsa kaq ciëluman Tayta Dios aparqan. Itsanqa manami musyätsu cuerpuntin aywashqanta o almalan aywashqantapis. Tsaytaqa Tayta Dioslami musyan.
3Cuerpuntin aywashqanta o almalan aywashqanta Tayta Diosla musyaptinpis
4paraísumanCorintucho kaq wawqi panikunapaq Pablo lakikushqan
11Löcuno alabakur parlanäpaqqa kikikikunami ashipämashqanki. Alabakunäpa trukanqa qamkunami alabamankiman karqan. Kikiläpita imatapis rurayta mana kamäpakurpis tsay apóstol tukuqkunapitaqa mas aliraqmi kä.
12Apóstol kashqäta tantiyakärinaykipaqmi qamkuna kaqcho nakarpis espantaypaq milagrukunata y señalkunatapis rurarqä.
13Itsanqa wakin markakunacho gastükunapaq wawqi panikunata manakushqänöqa qamkunata manami manakushqätsu. ¿Imanirtaq tsaypita jaqayashqa karkaykanki? ¿Mana manakushqätsuraq jutsä kashqa?
14Kamarikushqanami kaykä qamkuna kaqman yapay shamunäpaq. Kananwanqa kimsa kutinami shamushaq. Manami kikïpaq imatapis ashirtsu qamkunaman shamushaq, sinöqa qamkunata kuyapar yanapanäpaqmi. Musyashqantsinöpis manami pï taytapis tsurinkunata manakuntsu, sinöqa yanapanmi.
15Tsaynölami noqapis qamkunata manakunäpa trukanqa imäkunatapis ushashaq y qamkuna rayku wanunäpaqpis listu kaykä. Lapan shonqüwan qamkunata kuyapar yanapaykaptï ¿imanirtaq noqapita jukniraqyashqa karkaykanki?
16Musyapäkushqaykinöpis manami mayqanikipa umaykitapis nanätsishqätsu. Tsayno kaptinpis wakinnikishi nirkaykanki waktsakunapaq niq tumpala kikïkunapaq qellayta shuntaykätsishqäta.
17¿Imanirtaq tsayno yarparkaykanki? Tantiyakäriy. ¿Imaylaqa qamkunaman kachamushqä wawqikuna mayqalanpis lulapäshurqaykiku?
18Juk wawqitawan Tituta qamkuna kaqman kachamuptï2Cor. 8.6, 16-18. manami imatapis sakyashushqankitsu. Tito mana sakyapakuq kashqannömi noqapis mana sakyapakütsu. Paywanqa tsay yarpaylami kaykä.
19Kay cartata apatsimushqäta liyir capaz yarparkaykanki tsapakunaläpaq qelqamushqäta. Kuyay wawqi panikuna, manami tsapakunäpaqtsu qelqaykämü, sinöqa tantiyakushpayki Tayta Dios munashqanno kawapäkunaykipaqmi. Jesucristuta sirviq karmi Tayta Diospa nawpancho qamkunata yätsiykä.
20Qamkuna kaqman shamur lutanta rurarkaykaqta tarinäpaq kaqtami lakikü. Tsaynöpis lakikü tsayno kaykaqta tarir qamkunata olqüpänäpaq kashqanpitami. Capazchari qamkunata tarïman rimanakurkaykaqta, chikinakurkaykaqta, rabyatsinakurkaykaqta, jukpa wasanta rimarkaykaqta, jamurpänakurkaykaqta, rabyapänakurkaykaqta, runa tukurkaykaqta y mana alikunata rurarkaykaqta.
21Capazchari melanaypaq kaqkunata, fornicación jutsata y jukwan jukwan purirkaykashqaykita mana kacharishqankitsu. Jutsata ruraykaqta tarir qamkunapita Tayta Diospa nawpancho penqakunäpaq kaqpitami lakikü.
Who We AreWhat We EelieveWhat We Do
2025 by iamachristian.org,Inc All rights reserved.
