Jeremías 42 - Quechua Margos-Yarowilca-Lauricocha Bible（qvm）

Judá runakunata Jeremías yätsishqan

1Careapa tsurin Johanán, soldädukunapa lapan capitanninkuna, Osaíaspa tsurin Jezanías y mözukunapita qalaykur awkin runakunayaq lapan runakuna juntakaykur

2profëta Jeremíasta kayno nipäkurqan: < noqakunapaq manakuykulay. Rikashqaykinöpis tsaytsika kashqantsipita pasaypanachaq walkayaykantsi.

3Tayta Diosta manakuykuy maypa aywanantsipaq kashqantapis y imata ruranantsipaq kashqantapis tantiyatsimänantsipaq>>.

4Tsayno niptinmi Jeremías kayno nirqan: < manakushaq. Nirkur pay nimashqanta lapantami wilashayki>>.

5Niptinmi Jeremíasta kayno nipäkurqan: < nishqantaqa munar mana munarpis cäsukärishaqmi. Mana cäsukäriptïqa Tayta Dios castigamätsun.

6Munarpis o mana munarpis Tayta Diosnintsi nishqanta wilamaptikiqa cäsukärishaqmi. Cäsukuyta munarmi qamta manakurkaykä. Tayta Diosnintsi nimashqanta cäsukurqa alimi kawapäkushaq>>.

7Tsaypita chunka junaqtami imata ninanpaqpis Jeremíasta Tayta Dios tantiyatsirqan.

8Tsaymi Careapa tsurin Johanánta, yanapaqnin capitankunata y mözukunapita qalaykur awkin runakunayaq lapan runakunata shuntarqan.

9Paykunatami Jeremías kayno nirqan: < manakunäpaq ruwakamashqaykinömi manakushqä. Paymi kayno nin:

10

11<< tsayno nï.

12Qamkunata kuyapashpämi Babilonia nacionpa mandaqnin reypa shonqunmanpis kuyapäkuyta churashaq. Tsaymi markaykikunapita mana jorqushunkipaqtsu.

13<<

14Tsaypa trukanqa Egiptupa aywakushun. Tsaychöqa manami guërratapis rikashuntsu ni guërrapaq cornëta tukamushqantapis mayashuntsu. Yarqaypitapis tsaychöqa manami wanushuntsu. Tsaychöqa jawkami täkushunpaq>>.

15<< karmi kayno nï: Egiptuman aywakuptikiqa

16espädawan wanutsishunaykita mantsakuptikipis wanutsishunkipaqmi. Yarqaypita wanunaykipaq kashqanta mantsakurpis yarqaypitami ushakankipaq.

17Egiptucho tashpayki wakinniki guërracho wanupäkunkipaq, wakinniki yarqaypita wanupäkunkipaq y wakinnikinami pesti qeshyawan wanupäkunkipaq. Qamkunata castigaptï manami mayqanikipis kawaykar quëdankipaqtsu.

18<< karmi kayno nï: Pasaypa rabyashpä Jerusaléncho taqkunata castigashqänömi qamkunatapis Egiptupa aywakäriptikiqa castigashaykipaq. Pasaypa maldicionädu kaptikimi pïmaypis fiyupa mantsakanqa. Manakaqman churashushpaykimi jamurpäshunkipaq. Manami kay nacionman imaypis kutipäkamunkipaqnatsu> >>.

19Tayta Dios tsayno nishqanta wilarkurmi Jeremías kayno nirqan: < manami munantsu Egiptupa aywapäkunaykita. Tsaypa aywaptikiqa castigashunaykipaq kashqantami qamkunata wilaykä. Tsayta shumaq tantiyakäriy.

20Qamkunaqa janan shonqulami Tayta Diosnintsita ruwakunäpaq manakamashqanki kayno nir: noqakunapaq ruwakuykulay. Pay nishqantaqa lapantami chaskikärishaq>.

21Pay nishqanta wilaptïpis manami cäsukuyta munapäkunkitsu.

22Tsayno kaykaptinqa shumaq tantiyakäriy. Egiptuman aywarpis wanupäkunkipaqmi. Wakinnikiqa guërracho wanupäkunkipaq, wakinnikiqa yarqaypitami wanupäkunkipaq y wakinnikinami pesti qeshyawan wanupäkunkipaq>>.