Joel 2 - Quechua Margos-Yarowilca-Lauricocha Bible（qvm）

Tayta Dios juzganan junaq mantsariypaq kashqan

1 Tayta Dios juzganan junaq chayaykämunnami.

Judácho taqkuna, lapaniki mantsakushpayki siksikyapäkuy.

Pïmaypis musyananpaq sagrädu Sión jirkancho cornëtata tukapäkuy.

2Tsay junaq patsa tsakakäkunqami.

Yanawyayparaqmi pukutay tsapakurkunqa.

Patsa waraptin puntakunapa inti mashtashqannömi tsaytsika soldädukuna shapäkamunqa.

Tsaynöqa manami imaypis kashqatsu ni imaypis kanqatsu.

3Imatapis tarishqan kaqta nina ushaqnömi lapantapis ushapäkunqa.

Atacananpaq manaraq chayamuptin Edén huertanömi lapanpis kuyaylapaq kanqa.

Pasarkuptin itsanqa chunyaqlana rikakunqa.

Manami imapis tsay soldädukunapita qeshpinqatsu.

4Guërra cawallukunanömi mantsariypaq kanqa.

Cawalluta muntakurkur cörriq soldädukunanömi cörripäkunqa.

5Guërra carrëtakuna elaqpita puntapa tumamur taqrarayla aywashqannömi paykunapis patatayla aywapäkushqan mayakanqa.

Usya witsan muntita nina bunyaypa bunyar ushaqnömi qaparpanqa.

Guërraman aywaq tsaytsika soldädukuna kamarikushqa aywashqannömi aywapäkunqa.

6Tsayta rikaykurmi runakuna pasaypa mantsakar cäranpis yoraqashqa rikakärinqa.

7Atacaqkunaqa ali chölu karmi mana mantsakuypa cörrishpan marka murälla jananman witsäpäkunqa.

Lapanmi maypapis mana jeqaykachaypa fïlaylanpa aywapäkunqa.

8Mana tanqanakuypami lapanpis aywashqalanpa aywapäkunqa.

Paykunata flëchaykaptinpis mana qeshpiypami yaykapäkunqa.

9Markakunamanpis mana mantsakuypami yaykapäkunqa.

Tapia jananpapis cörripäkunqami.

Wayikunamanpis achpaypami witsäpäkunqa.

Ventänapapis suwanömi yaykapäkunqa.

10Kay patsapis pasaypami mantsakanqa.

Jana patsapis siksikyanqami.

Intipis y killapis tsakakäkunqami.

Qoylarkunapis manami atsikyanqanatsu.

11Tsay atacaqkunapa puntantami Tayta Dios aywanqa.

Atacananpaq mandaptin räyu pashtaqnöraqmi mayakanqa.

Nishqanta ruraqkunaqa yupaytapis mana atipaypaqmi kanqa.

Paykunaqa tsaytsikami aywapäkunqa.

Tayta Dios juzganan junaq pasaypa mantsariypaqmi kanqa.

Tsaytaqa manami pipis awantanqatsu.Jutsa ruraykunata kacharinanpaq nishqan

12Tsaymi Tayta Dios kayno nin:

<

Jutsayuq kashqaykipita lakikur ayunashpayki waqapäkuy>>.

13Jutsata rurashqaykipita lakikur röpaykita rachinaykipa trukanqa jutsaykikunata kachariy.

Lapan shonquykiwan kuyashuqniki Tayta Diosnintsi munashqanno kawapäkuy.

Payqa kuyapäkuq y perdonakuqmi kaykan.

Imapitapis juklaqa manami rabyakuntsu.

Perdonashushpaykiqa manami castigashunkinatsu.

14Capazchari castigashunaykipa trukanqa bendiciontapis qoykushunkiman.

Tsaynöpami Tayta Diosnintsita agradëcikur tsaki mikuy ofrendata y vïnutapis apapäkunkipaq.

15 Sión jirkancho cornëtata tukapäkuy.

Lapayki wilanakäriy juntakaykur ayunapäkunaykipaq.

16Purificakärinaykipaq lapayki juntakay.

Awkinpis wamrapis lapayki aywapäkuy.

Chuchuykaq wamrakunatapis apapäkuy.

Tsayraq casarashqa kaykaqkunapis punukunaykipita yarqur ayunaq aywapäkuy.

17 Tayta Diosta sirviq cürakuna, altar kaqcho waqapäkuy.

Tayta Diosta kayno nir manakäriy:

<

Ama kachapaykulaytsu jäpa nación runakuna munayninman churapäkamänanta.

Ama kachapaykulaytsu qamman mana yärakamuq runakuna asipämashpan kayno nipäkamänanta: <¿Maychötaq kaykan Diosnin?> >>

18Tsayno manakuptintsiqa kuyapäkuq kashpanmi Tayta Dios perdonamäshunpaq.

19Tsaymi kayno nimäshun:

<

Mana yärakamaqkuna makitsakushunaykita manami kachapäshaqtsu.

20Norti kaq lädupita shamuqkunataqa chunyaq jirkamanmi qarqushaq.

Puntanta aywaqkunatami Kachi Lamarman qarpushaq.

Qepanta aywaqkunatanami Mediterráneo Lamarman qarpushaq.

Tsaychömi lapanpis ismushpan pasaypa asyanqa.

Tsayno ruraptï espantaypaqmi kanqa.

21<

Yanapanäpaq kaykaptinqa kushikäriy.

22Jirka uywakuna, ama mantsakäriytsu.

Qewapis loqluyparaqmi winamunqa.

Früta yörakunapis wayunqami.

Hïguspis üvapis tsaytsikatami wayunqa.

23Sióncho taqkuna, noqaman yärakamashpayki kushikäriy.

Unaynömi punta kaq tamyata y qepa kaq tamyatapis tiempulancho tamyatsimushaq.

24Tsaymi trïgutapis atskata shuntapäkunkipaq.

Vïnupis aceitipis tsaytsikami kanqapaq.

25<

26Tsaymi mikuynikipis putsuy putsuy kanqa.

Qamkunata yanapashpämi espantaypaq kaqkunata rurashaq.

Tsaymi lapan shonquykiwan kushishqa alabapäkamankipaq.

Manami imaypis yapay penqayman churashaykinatsu.

27Tsaychömi tantiyapäkunkipaq qamkunawan kaykashqäta.

Tsaynöpis tantiyapäkunkipaq Tayta Diosniki kashqäta.

Noqapita masqa manami juk Dios kantsu.

Kanan kaykashqaykinöqa manami penqaycho yapay kankipaqtsu>>.Espíritu Santuta Tayta Dios kachamunanpaq nishqan

28 28 (3.1) <Tsaymi olqu tsurikikuna y warmi tsurikikunapis wilakuynïta wilakärinqa.

Awkinkunatapis sueñuyninchömi musyatsishaq.

Mözukunapis revelaciontami rikapäkunqa.

29 29 (3.2) Tsay junaqkunami olqumanpis y warmimanpis sirvimaqnïkunaman Espïritüta kachamushaq.

30 30 (3.3) Jana patsachöpis y kay patsachöpis rikakätsimushaq imaypis mana rikashqaykikunatami.

Yawartapis, ninatapis y ichiraykaq qoshtaytapis rikapäkunkipaqmi.

31 31 (3.4) Intipis tsakakäkunqami.

Killapis yawarmanmi tikranqa.

Tsaykuna kanqa juzganä junaq manaraq chayamuptinmi.

Tsay junaqqa mantsariypaqmi kanqa.

32 32 (3.5) Tsayno kaptinpis noqata manakamaq kaqtaqa pïmaytapis salvashaqmi.

Promitishqänölami Sión jirkancho kaykaq Jerusaléncho runakunata salvashaqpaq.

Qayashqä kaqkunataqa lapantami salvashaq>>.