1 Samuel 7 - Quechua Margos-Yarowilca-Lauricocha Bible（qvm）

1Wilakuq chayaykur tsayno niptinmi Bet-semesman aywaykur Tayta Diospa babulninta apakärirqan. Quiriat-jearimman chayaykatsirmi jirkancho kaykaq Abinadabpa wayinman churapäkurqan. Nirkurmi Abinadabpa tsurin Eleazarta churapäkurqan babulta täpananpaq.Israel runakunapa jueznin Samuel kashqan

2Quiriat-jearimcho Tayta Diospa babulnin churararqan ishkay chunka (20) watami. Filisteo runakunapa munaynincho karmi Israel runakuna lakikushpan Tayta Diosta manakurqan yanapananpaq.

3Tsaymi Israel runakunata Samuel kayno nirqan: < rasunpa cäsukuyta munarqa Astarot ïdulukunata y wakin ïdulukunatapis jitarir Tayta Dioslata sirvipäkuy. Tsaynöpami filisteo runakunapa munaynincho kashqantsipita jorqamäshunpaq>>.

4Tsayno niptinmi Israel runakuna Baal ïdulukunata y Astarot ïdulukunata jitarishpan Tayta Dioslatana adorapäkurqan.

5Nirkurmi Samuel kayno nirqan: < manakushaq>>.

6Tsayno niptinmi Israel runakuna Mizpaman juntakarqan. Tsaychömi mana cäsukuq kashqanpita perdonta manakur pukyupita yakuta chaqarkur Tayta Diospaq jichapäkurqan. Tsaynöpis patsa tsakashqanyaq ayunashpanmi Tayta Diosta manakärirqan kayno nir: <>.

Tsay junaqmi Samuelta churapäkurqan jueznin kananpaq.

7Israel runakuna Mizpacho juntakashqa kaykashqanta mayarmi filisteo runakunapa mandaqninkuna soldädunkunata shuntarkur pelyaq aywapäkurqan. Tsayno aywashqanta musyarmi Israel runakunaqa fiyupa mantsakurqan.

8Tsaymi Samuelta kayno nipäkurqan: <<¡Filisteo runakunapita salvamänantsipaq mana chawaypa Tayta Diosnintsita manakuykulay!>>

9Tsaypitami carnishta Tayta Diospaq rupatsina sacrificiuta rupatsir Samuel manakurqan Israel runakunata salvananpaq. Tsayno manakuptinmi filisteo runakunapita Tayta Dios salvarqan.

10Rupatsina sacrificiuta Samuel rupaykätsishqan hörami filisteo runakuna chayarqan Israel runakunata atacananpaq. Tsaymi jana patsapita Tayta Dios fiyupa räyutsimuptin filisteo runakuna pasaypa mantsakarqan. Tsayno mantsakashqa kaykaqtami Israel runakuna atacar vincipäkurqan.

11Vincirmi filisteo runakunata qati qatiykur wanutsirqan Mizpapita hasta Bet-car uraqanyaq.

12Nirkurnami Samuel ichitsirqan jatunkaray wankata Mizpa y Sen markakunapa lindërunman. Tsay wankapa jutinta churaparqan Eben-ezer jutin kananpaq. Jutinta tsayno churaparqan kayno nir: < yanapamashqantsi>>.

13Tsaypita patsami filisteo runakunaqa Israel runakunata manana atacarqannatsu.

Samuel kawashqan witsanmi Israel runakunata Tayta Dios yanaparqan filisteo runakunata vincipäkunanpaq.

14Tsaymi Ecrón y Gat cercancho markakunatapis filisteo runakunapita Israel runakuna shuntapäkurqan. Tsaynölami wakin markakunatapis shuntapäkurqan. Tsay witsanqa Israel runakunawan amorreo runakuna achäquita mana ashipänakuypana kawapäkurqan.

15Samuelqa Israel runakunapa jueznin karqan wanunanyaqmi.

16Cada watami aywaq Bet-elman, Gilgalman y Mizpaman tsaycho runakuna quejakushqanta arreglananpaq.

17Nirkurna Ramáman kutiq, tsaycho wayin kaptin. Ramáchöpis runakuna quejakushqanta arreglaqmi. Tsaynöpis Tayta Diosta adorananpaqmi altarta tsaycho ruratsirqan.