Isaías 3 - Quechua Margos-Yarowilca-Lauricocha Bible（qvm）

Judá runakunata y Jerusalén runakunata castigananpaq nishqan

1¡Kay nishqäta lapayki mayapäkuy!

Lapanta mandaq Tayta Diosmi Judá nacionta kachariykunqa.

Jerusalén markatapis mananami yanapanqanatsu.

Tsaymi tsaycho taqkunapaq mikuypis ni yakupis mana kanqanatsu.

2Tsaynömi mana kanqanatsu geniuyuq runakunapis ni soldädukunapis,

juezkunapis ni profëtakunapis,

rikakuqkunapis ni mayor runakunapis,

3mandaq capitankunapis ni marka mandaq runakunapis,

yätsikuqkunapis, ali yachaqkunapis ni brüjukunapis.

4Mandaqninkuna kananpaqmi tsayraq yachakuq mözukunalata y wamrakunalata churapäkunqa.

5Kikinpura pasaypa chikinakurmi kawapäkunqa.

Vecïnunkunawanpis juknin jukninwanmi pelyapäkunqa.

Mözukunapis awkinkunata mana respitashpanmi contran rikakunqa.

Waktsa runakunapis yachaq runakunapa contranmi sharkapäkunqa.

6Tsayno kaptinmi papäninpa wayincho kaykaq wawqinta kayno ninqa:

<

Mana ali kawaypita jorqapäkamänaykipaq noqakunapa mandamaqnï kaykulay>>.

7Wawqinnami jurashpan kayno ninqa:

<

Manami noqapapis mikuynï ni röpäpis kantsu.

Kay markapa mandaqnin kanäpaq ama churamaytsu>>.

8Jerusalén marka ushakätsishqami kanqa.

Judá nación runakuna pasaypa mana ali kawaymanmi chayanqa.

Tsayno nakapäkunqa manakaqkunata rimashqanpita y jutsata rurashqanpitami.

Tsaynöpami paykunaqa Tayta Diospa contran rikakushqa.

9Jutsata rurapäkushqantaqa qaqlanpis wilakuykanmi.

Jutsata rurarpis manami penqakärintsu.

Sodoma runakunapa jutsankunanömi jutsankuna maytsaymanpis mayakaykan.

¡Wawalaw, kikinkunami ashipäkushqa castigashqa kananpaq!

10Ali runaqa alita rurashqanpitami kushishqa kawanqa.

11Jutsa ruraqkunaqa ¡imanöraq kanqa!

Paykunaqa pasaypami nakanqa.

Mana alita rurashqanman tupumi castigashqa kanqa.

12Kuyashqä runakuna, mandaqnikikunami pantakätsishushpayki lutanta ruraykätsishunki.

Nakatsishuqnikikunaqa wamrano mana tantiyakuqmi karkaykan.

Autoridänikikuna kananpaqpis warmikunalami yaykurkaykan.

13Kuyashqan runakunata juzgananpaq kamarikushqanami Tayta Dios kaykan.

14Tsaymi mayor runakunata y mandaqkunata Tayta Dios qayaykatsir kayno ninqa:

<

Wachkïllanpa trukan waskalami kanqa.

Shumaq piltakushqa kananpa trukan aqtsaynaq qara putumi kanqa.

Sëda röpakunata jatikunanpa trukan lütu röpatami jatikärinqa.

Qaqlankunapis kuyaylapaq kananpa trukan melanaypaq qeri ushashqami kanqa.

25Jerusaléncho taq olqu kaqkunatami espädawan wanutsipäkunqa.

Pelyayta yachaqkunapis guërrachömi ushakanqa.

26Markaman yaykuna punkukunapis waqarmi lakikärinqa.

Jerusalén markapis runan kacharishqa warminömi kanqa.