Nehemías 2 - Quechua Margos-Yarowilca-Lauricocha Bible（qvm）

Jerusalénman Nehemías aywananpaq rey Artajerjes awnishqan

1Ishkay chunka (20) watana Artajerjes rey kaykaptin Nisán killacho payta vïnuta sirviykarqä. Sirviykaptïmi rey tantiyarqan lakishqa kaykashqäta.

2Tsaymi tapumarqan kayno nir: <<¿Imanirtaq lakishqa kaykanki? Manami qeshyaykaqnötsu kaykanki. Tsayno kanaykipaq imalapis pasaykäshunkimi>>.

Tsayno nimaptinmi fiyupa mantsakarqä.

3Nirkurmi reyta kayno nirqä: <<¡Tayta rey, imayyaqpis kawaykulay! Unay aylükuna tashqan marka pasaypa raqälanami kaykan. Punkunkunapis pasaypa rupashqami kaykan. Tsayno kaykaptinqa ¿imanirtaq mana lakikümantsu, tayta?>>

4Tsawraqa rey kayno nimarqan: <<¿Imano yanapanätataq munaykanki?>>

Tsayno nimaptinmi jana patsacho kaykaq Tayta Dios yanapamänanpaq shonqulächo jinan höra manakurir

5kayno nirqä: <>.

6Ruwakushqä hörami reypa nawpancho reina jamaraykarqan. Tsayno ruwakuptïmi rey kayno nir tapumarqan: <<¿Imayyaqtaq tsaycho qoyämunki? ¿Imaytaq kutimunki?>>

Imay kutimunäpaq kashqanta wilaptïmi Judáman aywanäpaq awnimarqan.

7Tsawraqa mastapis ruwakurqä kayno nir: <

8Tsaynöpis muntikita täpaq Asafpaq cartata rurapaykalämay qeruta kamaripämänanpaq. Tsay qeruta nistashaq templu punkukunata ruratsinäpaq, marka murälla punkukunata ruratsinäpaq y tänäpaq kaq wayita ruratsinäpaq>>.

Tsayno manakuptïmi kuyapäkuq Tayta Dios yanapamarqan rey awnimänanpaq.

9Susapita yarquptïnami yanaqämänanpaq rey kachamurqan cawallu muntashqa soldädukunata y capitanninkunata. Éufrates mayu wak tsimpancho kaykaq gobernadorkunaman chayaykurmi rey apatsimashqan cartakunata entregarqä.

10Israel runakunata yanapanäpaq Jerusalénman chayashqäta musyaykurmi horonita aylu Sambalat y amonita aylu autoridä Tobíaspis fiyupa rabyakärirqan.

11Jerusalénman chayashqäpita kimsa junaqtanami

12juk ishkay runakunawan tsakaypa rikapakuq yarqurqä. Pitapis manami wilaparqätsu Jerusaléncho imata ruranäpaq Tayta Dios yarpayta qomashqanta. Rikapakuq aywar noqalami cawallü muntashqa aywarqä.

13Tsay tsakaylami Raqra jutiyuq punkupa yarqur Dragón jutiyuq pözu kaq lädupa tumarqä. Nirkurnami Muka Jitakuna jutiyuq punku kaqman chayarqä. Tsaypa purirmi rikarqä Jerusalénpa murällan juchushqa kaykaqta y punkunkunapis rupashqa kaykaqta.

14Tsaypitanami pasarqä Pukyu jutiyuq punku kaq lädupa y Rey Armakunan Pözu kaq lädupa. Tsaypitaqa cawallü pasananpaq näni manami karqannatsu.

15Tsaymi raqralanpa witsar perqa murälla imano kaykashqantapis rikapakurqä. Patsa manaraq waraptin rikapakuyta usharkurmi Raqra jutiyuq punkupa kutirqä.

16Tsaycho kaykaq autoridäkunaqa manami musyarqantsu rikapakur puriykashqäta. Tsayyaqqa manaraqmi wilaparqäraqtsu Israel runakunata, cürakunata, mayor runakunata, autoridäkunata ni murällata altsananpaq kaqkunatapis.

17Tsaypitanami paykunata kayno nirqä: <>.

18Tsaychömi paykunata wilaparqä Tayta Dios kuyapämar yanapamashqanta y rey imata nimashqantapis. Tsayno wilaptïmi nipäkamarqan jukla yapay sharkatsipäkunäpaq. Tsawraqa lapanï shakyätsinakurqä arupäkunäpaq.

19Tsayta musyaykurmi horonita aylu Sanbalat, amonita aylu autoridä Tobías y Arabiapita kaq Gesem noqakunata asipämar kayno nipäkamarqan: <<¿Ima ruraytataq yarparkaykanki? ¿Reypa contran sharkuytaku yarparkaykanki?>>

20Tsawraqa kayno nirqä: <>.