Salmo 91 - Quechua Margos-Yarowilca-Lauricocha Bible（qvm）

Salmo 91 (90)Imayka mana alipitapis Tayta Dios tsapashqan

1Tayta Diospa makincho kawaq runataqa munayniyuq Tayta Diosmi imapitapis tsapan.

2 Tayta Diosta manakurmi kayno nï:

<

Qammi amparakunä törri kaykanki.

Qamlami yärakushqä Diosnï kaykanki>>.

3Tayta Diosmi salvashunki contraykipa makinpita.

Paymi tsapäshunki wanutsikuq qeshyapitapis.

4Paymi älankunawan tsapäshunki.

Älan rurincho karqa manami imatapis mantsakunkinatsu.

Promitishqanta cumplirmi escüduno imaypis tsapäshunki.

5Tsakaypa ima kaptinpis manami mantsakunkipaqtsu.

Junaqpa flëchashuptikipis manami mantsakunkipaqtsu.

6Tsakaypa o junaqpa pesti qeshya pïmayta wanutsiptinpis manami mantsakunkipaqtsu.

7Itsuq kaq nawpaykicho waranqata (1,000) wanutsirpis y alawqa kaq nawpaykicho chunka waranqata (10,000) wanutsirpis qamtaqa manami wanutsishunkitsu.

8Kikikimi rikankipaq fiyu runakunata castigashqanta.

9 Tayta Diosman yärakur kawaptikiqa y poderniyuq Diosman amparakuptikiqa

10imapis manami pasashunkitsu.

Wayikicho taqkunapis manami qeshyanqatsu.

11 Angilninkunatami Tayta Dios kachamunqa maypa aywaptiki imapitapis tsapäshunaykipaq.

12Paykunami tsarishunki chakilaykitapis rumikunaman mana takakunaykipaq.

13Leonkuna y culebrakuna kashqanchöpis jawkami purinkipaq.

Manta leontapis y culebratapis jarurinkimi.

14Tayta Dios kaynömi nin:

<

Jutïta joqariqkunataqa imaypis noqami rikashaq.

15Manakamaptinqa awnishaqmi.

Lakikuptin kikïmi paykunawan kaykäshaq.

Yanaparmi nakaykunapita jorqushaq.

16Atska wata kawananpaqmi yanapashaq.

Salvaptïmi imaypis kushikärinqapaq>>.