1Israel runakuna tsayno rurashqanta musyaykurmi Hazor markapa mandaqnin rey Jabín propiuta kacharqan Madón markapa mandaqnin rey Jobabman, Simrón markapa mandaqnin reyman y Acsaf markapa mandaqnin reymanpis aywaykur Israel runakunata atacäshinanpaq.
2Tsaynöpis kacharqan norti kaq lädu jalqakunacho kaykaq markakunapa mandaqnin reykunaman, Cineret qochapita sur kaq lädu Arabá pampacho kaykaq markakunapa mandaqnin reykunaman, Sefelacho kaykaq markakunapa mandaqnin reykunaman y Dor läducho kaq markakunapa mandaqnin reykunamanpis. Dor markaqa inti jeqanan kaq lädu costachömi kaykan.
3Tsaynölami kacharqan Jordán mayu wak tsimpancho y kay tsimpancho taq cananeo runakunapa mandaqnin reykunaman, amorreo runakunaman, heteo runakunaman, ferezeo runakunaman, jalqakunacho taq jebuseo runakunaman y Mizpacho kaq Hermón punta chakincho taq heveo runakunamanpis.
4Yanapananpaq qayatsiptinmi lapan reykuna aywapäkurqan soldädunkunawan, cawallunkunawan y guërrapaq ruratsishqan carrëtankunawan. Lamar kuchuncho aquyshanöraqmi yupaytapis mana atipaypaq tsay aywaq runakuna karqan.
5Lapan tsay soldädukunami Israel runakunata atacananpaq Merom raqra nawpanman juntakarqan.
6Tsawraqa Josuéta Tayta Dios kayno nirqan: <
7Tsawraqa Josuéqa soldädunkunawan elaqpita contrankunata atacarqan Merom raqracho.
8Atacaptinmi Tayta Dios yanaparqan lapanta ushakätsinanpaq. Tsaymi qatikacharqan hasta jatun Sidón markayaq y hasta Misrefot-maimyaq. Tsaynöpis inti jeqamunan kaq lädupa qatikacharqan hasta Mizpa pampayaq. Tsayno pelyar manami kachaykurqantsu juklaylatapis kawaykaqtaqa.
9Tayta Dios nishqannölami contrankunapa cawallunkunapa ankunkunata kutsupäkurqan y guërra carrëtankunatapis rupatsir ushapäkurqan.
10Tsaypita kutiykamurnami Josuéqa Hazor markata atacar mandaq reyta espädawan wanutsirqan. Nawpataqa Hazor markapa mandaqnin reypa munayninchömi wakin reykunapis karqan.
11Hazorcho taq runakunata lapanta wanurkatsir markatapis rupatsir usharqan.
12Tsaynölami wakin markakunamanpis yaykushpan mandaqnin reykunata Josué wanutsir usharqan. Lapantapis rurarqan Tayta Diospa sirviqnin Moisés nishqannölami.
13Jirkankuna janancho sharkatsishqan kaq markakunataqa manami rupatsirqantsu, sinöqa Hazorlatami rupatsirqan.
14Tsay markakunacho taq runakunataqa lapantami Israel runakuna espädawan wanutsipäkurqan. Nirkurmi uywankunata y lapan imaykantapis kikinkunapaq apakärirqan.
Moisés nishqankunata Josué cumplishqan15Sirviqnin Moisésta Tayta Dios nishqannölami lapantapis Josué cumplirqan.
16Tsaymi Neguevman, Gosén partiman, Sefelaman, Arabá pampaman y Israelcho lapan jalqakunaman Israel runakunawan Josué yaykapäkurqan.
17Tsaynöpis Seir läducho kaykaq Halac puntapita hasta Líbano pampacho kaykaq Baal-gadyaq yaykurmi lapan markakunapa mandaqnin reyninkunatapis wanutsipäkurqan. Baal-gadqa Hermón punta chakinchömi kaykan.
18Paykunata vincinanpaqqa atska watami pelyarqan.
19 Pactuta rurashqa karmi Gabaóncho taq heveo runakunataqa Josué mana wanutsirqantsu. Tsaypita kaqtaqa lapantami asular usharqan.
20Puntataqa tsaycho taq runakunapa shonqunta Tayta Dios chukruyätsirqan Israel runakunapa contran sharkur pelyapäkunanpaq. Tsayno kaptinmi Moisésta Tayta Dios nishqannöla tsay runakunata mana kuyapaypa asulapäkurqan.
21Tsaynölami anaceo runakunapa markankunatapis Josué chipyaq ushakätsirqan: Hebrónta, Debirta, Anabta, Israel jalqakunacho kaq markakunata y Judá jalqakunacho kaq markakunatapis.Jue. 1.10-11.
22Tsaynöpami intëru Israelcho anaceo runakuna chipyaq ushakarqan. Gaza, Gat y Asdod markakunalachönami anaceo runakuna karqan.
23Moisésta Tayta Dios nishqannölami lapan markakunata y chakrakunata Josué shuntaykur Israel trïbukunata aypurqan. Tsaypitaqa guërra mana kaptin Israel runakuna jawkalanami kawapäkurqan.
Who We AreWhat We EelieveWhat We Do
2025 by iamachristian.org,Inc All rights reserved.
