Hechos 18 - Quechua Margos-Yarowilca-Lauricocha Bible（qvm）

Corintucho Pablo wilakushqan

1Tsaypitanami Atenaspita aywakur Corinto markamanna Pablo chayarqan.

2Tsaychömi Aquila jutiyuq Israel runata tarirqan. Aquilaqa Ponto provinciacho yuriq runami karqan. Warminpa jutinmi karqan Priscila. Paykuna tsayraqmi Italiapita Corintuman chayashqa karqan. Corintuman aywakurqan Claudio César lapan Israel runakunata Romapita qarquptinmi. Reqinakushpanmi

3paykunawan Pablo tarqan toldërata rurashpan. Pablunömi Priscila y Aquilapis toldëra rurayta yacharqan.

4Cada jamay junaq sinagögaman aywarmi Israel runakunata y mana Israel runakunatapis Jesucristupita Pablo yachatsirqan.

5Macedonia provinciapita Silas y Timoteo chayaptinnami Pabluqa aruyninta kachaykur waran waran Tayta Diospa wilakuyninta wilakurqan. Wilakurmi Israel mayinkunata tantiyatsirqan Jesúsqa salvamaqnintsi Cristo kashqanta.

6Tsayno wilakuptinpis Israel runakunaqa Pablupa contran sharkapäkushpanmi tukuyta ashlipäkurqan. Tsaymi röpanta tapsiriykur Pablo kayno nirqan: <>.

7Tsayno nirmi tsay sinagögacho yachatsinanpa trukanqa Ticio Justupa wayinchöna yachatsirqan. Justuqa mana Israel runa kaykarpis Tayta Dios munashqannömi karqan. Paypa wayin karqan sinagöga nawpalanchömi.

8Tsaycho yachatsiptinmi sinagögacho mandaq runa y tsay runapa wayincho taqkunapis Señor Jesucristuman yärakärirqan. Tsay runapa jutinmi karqan Crispo. Tsaynölami Corintucho taq wakin runakunapis Pablo wilakushqanta mayar Jesúsman yärakushpan bautizakärirqan.

9Juk tsakaymi Pabluta revelacioncho yuriparkur Jesucristo kayno nirqan: <

10Kay markacho salvanäpaq kaq runakuna atskaqmi karkaykan. Tsaymi wilakuptiki pipis mana yatashunaykipaq qamwan kaykäshaq>>.

11Tsayno niptinmi Tayta Diospa wilakuyninta yachatsishpan juk wata soqta killa Corinto markacho Pablo tarqan.

12Galión jutiyuq runa Acaya provinciapa mandaqnin kashqan witsanmi Pablupa contran Israel runakuna sharkapäkurqan. Tsaymi Pabluta Galiónpa despächunman apaykur

13kayno nipäkurqan: <>.

14Pablo parlayta qalaykunanpaq kaykaptinmi Galión kayno nirqan: <

15Leynikikunapita rimanakushqaykimanqa manami jatikämümantsu. Kikikikuna tsaytaqa arreglapäkuy>>.

16Tsayno nirmi despächunpita qarqurqan.

17Tsaypitami sinagögacho mandaq Sóstenesta despächu punkucho tsariykur runakuna pasaypa maqapäkurqan. Maqaptinpis Galiónta manami imapis qokurqantsu.

Antioquíaman Pablo kutishqan

18Tsaypita atska killaraqmi Corinto markacho Pablo tarqan. Tsaypitanami wawqi panikunapita despidikurir Cencrea markaman aywarqan. Tsaychönami Tayta Diosta promitishqanta cumplir aqtsanta rutukurqan. shakyätsir.

Éfesucho Apolos wilakushqan

24Tsay witsanmi shumaq parlayta yachaq Apolos jutiyuq Israel runa Éfeso markaman chayarqan. Pay karqan Alejandría markapitami. Tsaynöpis Tayta Diospa palabranta shumaqmi yacharqan.

25Tayta Diospa wilakuyninta ali yacharpis bautismupitaqa Juan yachatsishqalantami yacharqan. Tsayno karpis Señor Jesucristupita lapan shonqunwanmi kushishqa yachatsirqan.

26Sinagögacho pitapis mana mantsakuypa wilakuykaqta mayarmi Priscila y Aquila juk läduman pushaykur Tayta Diospa wilakuyninta masta tantiyatsipäkurqan.

27Acaya provinciaman Apolos aywayta munaptinmi wawqi panikuna shakyätsirqan. Tsaymi Acayacho kaq wawqi panikunaman cartata apatsirqan chayaptin chaskikärinanpaq. Tsay wawqi panikuna yärakärinanpaqmi Tayta Dios kuyapar tantiyatsirqan. Acayaman Apolos chayashqanmi Jesucristuman yärakuqkunapaq pasaypa ali karqan.

28Paymi Israel runakunata Tayta Diospa palabranta shumaq yachatsir Jesús salvamaqnintsi Cristo kashqanta tantiyatsirqan.