1Israel runakuna, Tayta Dios nishushqaykita tantiyakäriy.
Paymi jutsata rurapäkushqaykipita niykäshunki.
Tsaymi kayno nishunki: <
2Jutïcho promitirkurpis manami cumplirkaykankitsu.
Tsaynöpis lulakurkaykanki, runa mayikita wanurkaykätsinki, suwakurkaykanki y jukpa warminwanpis punurkaykanki.
Pïmayta wanutsirpis manami ajayankitsu.
3Tsayno kapäkuptikimi Israelcho taqkuna pasaypa lakikur ima ruraytapis mana kamäpakärintsu.
Jirka uywakunapis, pishqukunapis y pescädukunapis wanurmi ushakarkaykan>>.
Cürakuna jutsata rurashqan4 Tayta Diosmi cürakunata kayno nin:
< Tsayno kaykarqa pitapis ama jitapaytsu. 5Jutsayuq kashqaykipitaqa imay karpis elaqpitami castigashayki. Qamkunatapis y lula profëtaykikunatapis castigarmi nacionnikita ushakätsishaq. 6Yachatsikuq karpis mandamientükunata mana yachatsiptikimi 9Wakin runakuna jutsata rurashqannölami qamkunapis jutsata rurarkaykanki. Tsaymi qamkunatapis wakin runakunatanöla castigashayki. 10Mana cäsukamashqaykipitami mikuyta tarirpis ukushnikita watarkunalaykipaq mikapäkunki. Juk dioskunaman yärakurpis manami ima bendiciontapis chaskipäkunkitsu>>. 11< 12¡Tsaymi qerupita rurashqa ïdulukunata tapukurkaykan! ¡Qeruwanmi suertita rikarkaykan! Ïdulukunaman uman churakashqa karmi lutanta rurar kawarkaykan. Warminta runa kacharir juk warmiwan tashqannömi noqatapis mana cäsumar juk diosman yärakurkaykan. 13Jirkancho kaykaq altarkunacho sacrificiuta rupatsirmi juk dioskunata inciensuwan qoshtarkaykätsin. Roble, álamo y encina yörakuna sikincho lantuy ali kaptinmi tsay yörakuna kaqcho tsayno rurarkaykan. < Ïdulukunata adorarmi altarkuna kashqancho runanta jarukur jutsata rurarkaykan. 14Qamkunapis tsaynölami juk dioskunapaq sacrificiukunata rupatsir altarkunacho jukwan jukwan kakuq warmikunawan kakurkaykanki. Warmi tsurikikunata y lumtsuynikikunata tsayno kananpaq churashqaykipita paykunata castiganäpa trukanqa kikikikunatami castigashayki. Mana tantiyakuq kashqaykipitami lapayki ushakankipaq. 15< Tsayno niykaptïqa Gilgalmanpis ni Bet-avénmanpis adoraq ama aywapäkuytsu. Ïdulukunaman yärakuykarqa jutïtapis ama joqaripäkuytsu. 16< Tsayno kaykaptinqa ¿imanöraq washki uyshata ali qewacho mitsiqno paykunata shumaq rikäman? 17Efraín runakunaqa ïdulukunatami adorarkaykan. Tsaynöla karqa ¡munashqanno kawakäritsun! 18Paykunaqa upyalaman churakashqami karkaykan. Altarkunacho kaykaq wayrapakuq warmikunamanmi imaypis aywarkaykan. Autoridäninkunapis jutsata rurar penqakuypaqmi karkaykan. 19Tsayno kashqanpitami punshata shukukuy wayra apaqno castigar maytsaymanpis qarqushaq. Juk dioskunaman yärakärishqanpis manakaqlapaqmi kanqa>>.
Who We AreWhat We EelieveWhat We Do
2025 by iamachristian.org,Inc All rights reserved.
