Números 19 - Quechua Margos-Yarowilca-Lauricocha Bible（qvm）

Impüru kashqanpita imano purificakunanpaqpis tantiyatsishqan

1Tsaypitanami Moisésta y Aarónta Tayta Dios kayno nirqan:

2<

3Tsayta chaskirkur cüra Eleazar campamentupita juk läduman apaykatsir rikapaylapa pishtatsinqa.

4Tsay wäkapa yawarninman dëdunta jatirkurmi cüra Eleazar Tinkuna Toldu kaqmanpa qanchis kuti tsaqtsupanqa.

5Nirkurmi Eleazar rikaykaptin jinalancho tsay wäkapa qaranta, aytsanta, yawarninta y ashashninta rupatsinqa.

6Tsay rupaykashqanmanmi cedru qeruta, juk räma hisöputa y puka tëlata cüra Eleazar jitapanqa.

7< kanqa.

8Tsaynölami wäkata pishtarkur rupatsiq runapis taqshakunqa y armakunqa. Paypis patsa tsakashqanyaqmi impüru kanqa.

9< Tsay yakuqa purificatsina sacrificiumi kanqa.

10Uchpata shuntaq runapis röpanta taqshakurir patsa tsakashqanyaqmi impüru kanqa. Tsay nishqäkunaqa imayyaqpis leymi kanqa qamkunapaq y qamkunacho taq jäpa runakunapaqpis.

11<<

12Yatashqanpita kimsa kaq junaqcho y qanchis junaqchöpis purificakuna yakuwan purificakunqa. Kimsa junaqcho ni qanchis junaqchöpis mana purificakurqa manami pürutsu kanqa.

13Pipis ayata yataykur mana purificakurqa Tayta Diospa Sagrädu Tolduntami impüruyätsinqa. Purificakuna yakuwan mana tsaqtsupashqa karqa impürumi kanqa. Tsay runataqa Israel runakunapita qarqapäkunki.

14<<

15Mana ali tsapashqa mankakunapis impürumi kanqa.

16Tsaynölami tashqanpita juk läducho espädawan runa wanutsishqan ayata yatarpis, kikilan wanushqan runapa ayanta yatarpis, runapa tulunta yatarpis o aya pamparashqanta yatarpis impüru rikakunqa qanchis junaqyaq.

17<<

18Nirkurqa püru kaykaq runa tsay yakuman hisöpu rämata jatirkur tsaqtsupanqa impüru runa tashqan tolduta, toldu rurincho lapan imaykankunata y lapan tsaycho taqkunatapis. Tsaynöla tsaqtsupanqa impüru runatapis tuluta yatashqa kaptinpis, runa wanutsishqan ayata yatashqa kaptinpis, kikilan wanushqa runapa ayanta yatashqa kaptinpis o aya pamparashqanta yatashqa kaptinpis.

19Impüru runata tsayno tsaqtsupanqa kimsa kaq junaqcho y qanchis kaq junaqchöpis. Qanchis kaq junaqchönami impüru runa taqshakurir armakunqa. Patsa tsakarkuptinnami püru kanqa.

20<<

21<<

22Impüru runa imata yatashqanpis impürumi kanqa. Impüru runata yataykuq runapis patsa tsakashqanyaqmi impüru kanqa> >>.