1Tsayno niptinmi Job kayno nirqan:
2< Kushitsimänaykipa trukanqa masmi lakikatsimanki. 3¡Imayyaqraq manakaqkunalata rimarkaykanki! ¿Imachötaq achäquita ashipashqä tsayno nimänaykipaq? 4< Asikushpämi shimï tarishqanta imaykatapis rimäman. 5Tsayno kaptinpis rimashqäkunaqa manami alitsu kanman. Parlaparqa qamkunata shumaqmi shakyätsïman. Mana lakikunaykipaqmi ali shimilapa tantiyatsïman. 6< 7Tayta Diosmi kalpäta ushakätsishqa. Lapan amïgükunatami wakpa kaypa qarqushqa. 8Qaqlä shintikashqanta y pasaypa uyutashqätami pïmaypis rikaykäman. Kayno nakaykaqta rikamarmi yarpapäkun jutsata rurashqäpita nakaykashqäta. 9< Rabyashqa karmi mana kuyapaypa nakaykätsiman. Kachkachyayparaqmi rabyaykun. Chikimaq runanömi nanaq nawinpa rikapäman. 10Tsaymi runakuna juntakaykur conträ rimapäkun. Tsaynöpis asipämashpanmi laqyapäkaman. Lapanpis conträmi rikakushqa. 11Fiyu runakunapa munayninmanmi Tayta Dios churamashqa. Jutsa ruraq runakunapa makinmanmi kachaykamashqa. 12< Tsayno kaykaptïmi Tayta Dios elaqpita nakayman churamashqa. Kunkapita lapiraqnömi tsararaykäman. Flëchawan flëchamaqnömi atacaykäman. 13Flëchaqninkunawanpis wakpita kaypitami flëchatsiman. Mana kuyapaypami rurunnïkunatapis tuksimashqa. Tsaynölami ayaq chiwinnïtapis pashtashqa. 14Yaparir yaparirmi Tayta Dios pasaypa nakatsimashqa. Contranta atacaq soldädunömi mana kuyapaypa atacamashqa. 15< Nanaywan qochpaptïmi umämanpis alpa juntashqa. 16Pasaypa waqaptïmi nawïpis pukayar jakashqa. 17Lapan tsaykunami pasaykäman pitapis mana nakaykätsiptï y lapan shonqüwan Tayta Diosta manakuykaptï. 18<<¡Ay patsala patsa! ¡Yawarnïtaqa ama upukuytsu! ¡Kayno nakashqäta pïmaypis musyaykulätsun! 19< Paymi itsanqa yanapamanqa. 20Amïgükuna conträ sharkuptinpis Tayta Diosta waqapar paymanmi yärakü. 21Favornin rimaqta juk runa munashqannömi noqapis favornï rimaqta munaykä. 22Noqaqa walka watalanami kawashaq. Wanukurqa manami imaypis kutimushaqnatsu.
Who We AreWhat We EelieveWhat We Do
2025 by iamachristian.org,Inc All rights reserved.
