1Ismaelita negociantikuna Egiptuman Joséta chayatsiptinnami Potifar rantirqan. Potifar karqan Faraónpa wardiankunapa capitanninmi.
2 Tayta Dios paywan kaptinmiHech. 7.9. José rurashqanqa lapanpis ali karqan. Tsaynöpis patronninpa wayinchömi tarqan.
3Tayta Dios yanapaykashqanta tantiyarmi
4patronnin pasaypa kuyar Joséta churarqan wayincho mandaq kananpaq y lapan imaykankunatapis rikananpaq.
5Tsaypita patsami Potifarta Tayta Dios yanaparqan. Tsaymi imaykankunapis atskayarqan y mikuyninpis shumaq wayurqan.
6Imaykankunatapis Josépa makinman churaykur Potifarqa manami yarpachakuqnatsu.
Joséqa pasaypa kuyaylapaq mözumi karqan.
7Tsaymi Potifarpa warminqa kuyakurkushpan kayno nirqan: <<¡Noqawan kakushun!>>
8Tsayno niptinmi José kayno nirqan: < 9Patronnïqa manami noqata yärakamashqannöqa pitapis yärakuntsu. Qamtami itsanqa warmin kaptiki makïman mana churamushqatsu. Tsayno yärakaykämaptinqa ¿imanöparaq Tayta Diosta rabyanätsir jutsata rurayküman?>> 10Tsayno niykaptinpis waran waranmi tsay warmi Joséta qatiraq. Tsayno qatiraptinpis Joséqa manami paywan punuyta ni cäsupaytapis munarqantsu. 11Juk kutichömi rurayninkunata rurananpaq wayiman José yaykurqan. Tsay höra manami pipis wayicho karqantsu. 12Tsaymi Potifarpa warminqa Joséta röpanpita tsarirkur kayno nirqan: <<¡Kanan jukla punushun!>> Tsayno nir tsarikurkuptinmi röpanta loqtiriykur qeshpir aywakurqan. 13Röpanta loqtiriykur qeshpikuptinmi 14Potifarpa warmin ashmayninkunata qayaykur kayno nirqan: <<¡Runä apamushqan mözu manami respitamantsitsu! Kaykashqä kaqman yaykaykamur tsaripakamayta munaptinmi fiyupa qaparashqä. 15Tsaymi röpanta kachariykur qeshpir aywakushqa>>. 16Tsayno wilaparkurmi Josépa röpanta churarqan runan kutimunanyaq. 17Chayaykuptinnami ashmayninkunata wilashqannöla runantapis wilapar kayno nirqan: < 18Qaparaptïmi röpanta kachariykur qeshpir aywakushqa. 19Tsaynömi imaykaykitapis rikananpaq churashqayki ali ashmayniki portakushqa>>. Warmin tsayno wilaptinmi Potifarqa fiyupa rabyarqan. 20Tsaymi Faraónpa ashmayninkuna watarashqan carcilman Joséta watatsirqan. 21Carcilchöpis Tayta Dios yanapaptinmiHech. 7.9. prësukunata cuidaq runapis Joséwan yachanakurqan. 22Tsaymi lapan prësukunata Josépa makinman carcilcho mandaq churarqan. Joséraqmi prësukuna imata rurananpaqpis mandaq. 23Tayta Dios yanapaptinmi José rurashqan imapis ali karqan. Tsaymi cárcel cuidaq runaqa mana yarpachakuqnatsu Josépa munaynincho kaqkunapaq.
Who We AreWhat We EelieveWhat We Do
2025 by iamachristian.org,Inc All rights reserved.
