Salmo 12 - Quechua Margos-Yarowilca-Lauricocha Bible（qvm）

Salmo 12 (11)Yanapananpaq Tayta Diosta manakushqan 1 (1) Cantaqkunapa mandaqninpaqmi. Pusaq cuerdayuq instrumentuta tukapalanpa cantapäkunki. David qelqashqan salmu.

1 1 (2) Tayta Dios, waktsakunata salvaykulay.

Qamman yärakamuq runakuna manami kannatsu.

Ali ruraq runakuna lapannami ushakashqa.

2 2 (3) Runakunaqa juknin jukninpis lulapänakunmi.

Tsayno karmi awnirkurpis kutikuriykun.

3 3 (4) Lula runakunata y orgullösu runakunataqa Tayta Dios lapanta ushakätsitsun.

4 4 (5) Paykunaqa kaynömi nirkaykan: <

Imanöpapis tsapakushunmi.

Noqantsitaqa pipis manami upälatsimäshuntsu>>.

5 5 (6) Tsaymi Tayta Dios kayno nin:

<

Nakatsiptinmi pasaypa waqarkaykan.

Tsaymi paykunata jukla yanapashaq.

Manakamashqannömi paykunata salvashaq>>.

6 6 (7) Tayta Dios promitishqankunaqa lapanpis yärakuypaqmi kaykan.

Püru kananpaq qanchis kuti tsulutsishqa qellaynömi nishqankunapis kaykan.

7 7 (8) Tayta Dios, musyämi waktsakunata yanapanaykipaq kashqanta.

Musyämi fiyu runakunapita imaypis tsapänaykipaq kashqanta.

8 8 (9) Fiyu runakunaqa maytsaypapis rikapakurmi purirkaykan.

Jutsata ruraptinpis ali kashqantami nirkaykan.