Salmo 85 - Quechua Margos-Yarowilca-Lauricocha Bible（qvm）

Salmo 85 (84)Israel runakunata yanapananpaq manakushqan 1 (1) Cantaqkunapa mandaqninpaqmi. Corépita miraqkuna qelqashqan salmu.

1 1 (2) Tayta Dios, qammi nacionnikita kuyapashqanki.

Jacobpita miraq runakunata yapaymi yanapashqanki.

2 2 (3) Kuyashqayki runakunapa jutsankunataqa lapantami perdonashqanki. Selah

3 3 (4) Fiyupa rabyashqaykipis pasashqanami.

4 4 (5) Salvamaqnï Tayta Dios, noqakunata kananpis yapay salvaykalämay.

Amana tsaynölaqa rabyashqa kaykulaytsu.

5 5 (6) ¿Tsaynölatsuraq imayyaqpis noqakunapita rabyashqa kaykanki?

6 6 (7) ¿Manatsuraq ali kawapäkunäpaq yanapaykalämankiman?

Tsaynöpami yapay kushikärishaqpaq.

7 7 (8) Tayta Dios, noqakunata kuyaykämashqaykita tantiyaykatsilämay.

¡Yapay salvaykalämay!

8 8 (9) Noqaqa Tayta Dios nishqantami rurashaq.

Paymi kuyashqan kaqkunata yanapanqa jutsata mana rurar pïmaywanpis ali kawananpaq.

9 9 (10) Payta mantsakuptintsimi salvamänantsipaq noqantsiwan kaykan.

Kikinmi nacionnintsicho imayyaqpis tanqa.

10 10 (11) Tayta Diospa kuyakuyninqa y yanapakuyninqa juntumi shamunqa.

Ali kawayninqa y salvacionninqa makalanakushqami chayamunqa.

11 11 (12) Yanapakuyninqa muru jeqamuqnömi patsapita jeqamunqa.

Salvacionninqa jana patsapitami rikamunqa.

12 12 (13) Tayta Diosmi yanapamäshun ali kawanantsipaq.

Chakrantsikunapis alimi wayunqa.

13 13 (14) Salvacionninqa juk wilakuqnömi nawpanta aywanqa.

Wilakuyninqa ali nänipami pushamäshun.