1Costacho kaykaq nación runakuna, mayapäkamay.
Karu nacionkunacho taq runakuna, nishqäta shumaq tantiyakäriy.
Manaraqpis yuriptïmi Tayta Dios qayamarqan.
Mamäpa pachancho kaykaptilämi jutïta churapämarqan.
2Rimashqäpis ali afilashqa espädano kananpaqmi kamakätsishqa.
Makinwanmi ima desgraciapitapis tsapämashqa.
Lawchi punta flëchano kanäpaqmi churamashqa.
Flëchanta puritsikunanman winashqanömi kaykä.
3Paymi kayno nimarqan:
< Sirvimaptikimi maytsaychöpis alabashqa kashaq>>. 4Tsayno niykämaptinpis mana tantiyakuypami kayno nirqä: < Manakaqlapaqmi kalpätapis ushashqä. Tsayno yarparpis Tayta Diospa makinchömi kaykä. Paymi sirvishqäpita yanapamanqa>>. 5Mamäpa pachancho kaykaptilänami sirviqnin kanäpaq Tayta Dios akramashqa. Nirkurmi churamashqa Israel runakunata paywan amistatsinäpaq. Tayta Diosnï kuyamarmi yanapaykäman. 6Paymi kayno nimashqa: < Maytsay nacionkunapaqpis atski kanaykipaqmi churashqä. Tsaynöpami maytsaychöpis runakuna salvakärinqa>>. 7Lapan nación runakunami chikipäkaman. Mandaq runakunami munaynincho tsararäman. Tsayno kaptinpis Israel runakunata salvaq santu Tayta Diosmi kayno niman: < Tsayno qonqurpakamunqa qamta akrashqa kaptï y promitishqäta imaypis cumpliptïmi. Israel runakunapa santu Tayta Diosnin karmi tsayno kamakätsishaq>>. 8Sirviqninta Tayta Dios kaynömi nin: < Noqami imaypis tsapäshayki. Runakunawan pactuta ruranäpaqmi churashayki. Tsaynöpami Israel nacionta unay kashqanmannöna kutitsinkipaq. Kacharishqa chakrakunatapis duëñunkunatami kutitsinkipaq. 9< Tsakäpakushqano kaykaqkunatapis atsikyaqman yarqapäkunanpaq ninkipaq. Paykunaqa uyshänömi kanqa. May nänipa aywaptinpis alimi rikashaq. Tsaki jirkakunapa pasaptinpis atskami qewa kanqa. 10Intipis manami paykunata rupanqatsu. Paykunata kuyapar chuya yaku pashtashqanpami pushashaq. Manami yarqananqatsu ni yakunanqatsu. 11Jirkakunapapis ali nänitami rurashaq. Uchku uchku nänikunatapis pampatsashaqmi. 12Kuyashqä runakunaqa karupitami shapäkamunqa. Norti kaq lädupita, inti jeqanan kaq lädupita y Sinim partipitami shapäkamunqa>>. 13¡Jana patsa, kushikushpayki cantay! ¡Kay patsa, fiyupa kushikuy! ¡Jirkakuna, kushikur alabapäkuy! ¡Tayta Dios kuyashqan runakunata salvashqanpita kushikäriy! ¡Waktsakunata kuyapashqanpita kushikäriy! 14 Siónmi kayno nishqa: < 15Tsawraqa Siónta Tayta Dios kaynömi nin: <<¿Wawanta warmi qonqaykunmantsuraq? ¿Wawanta manatsuraq kuyapanman? Wawanta qonqaptinpis noqaqa manami imaypis qonqashaykitsu. 16Maki paltämanmi jutikitapis qelqashqä. Marka murällaykikunatapis yarparaykämi. 17Altsashunaykipaq runakuna apurädumi shapäkamunqa. Ushakätsishuqniki runakunapis aywakurkaykannami. 18< Maytsaypitami wawaykikuna juntakaykämun. Noqa Tayta Diosmi jurar kayno nï: Wawaykikuna kutimurmi jipash casarananpaq röpano kanqa. Qamnami tsay kuyaylapaq röpata jatikuqno kushikunkipaq. 19< Raqäkunamanpis chunyaqkunamanpis juntanqami. Ushakätsishuqniki runakunaqa karupami aywakärinqa. 20Ushakashqantana yarpaptikipis wawaykikuna tsaytsika kutimurmi kayno nishunkipaq: Juk partitana ashipaykalämay tsaycho täkunäpaq>. 21< Wakin wawäkunata juk läduman qarqushqa kaykaptinqa ¿maypitataq kay wamrakuna yurimushqa? Wawaynaq kaykaptïqa ¿maypitataq shamushqa?> >> 22Siónta Tayta Dios kaynömi nin: < 23Tsay wawaykikunatami reykuna wamranpaq legitimakunqa. Reypa jipash tsurinkunami ashmanqa. Paykunami respitashushpayki qonqurpakamunqa. Tsaymi musyankipaq noqa Tayta Dios kashqäta. Noqaman yärakamaqkunaqa manami penqakärinqatsu>>. 24Kalpayuq runa guërracho vincir imatapis apakuptin ¿pilaqa qechunmantsuraq? Fiyu runa prësu apaptin ¿pilaqa qechunmantsuraq? 25 Tayta Diosmi kayno nin: < Fiyu runa prësu apashqan runakunatapis qechushaqmi. Favorniki sharkurmi chikishuqnikipa makinpita wamraykikunata shuntamushaq. 26< Aläpa wanutsinakuy kaptinmi runa mayinpa aytsanta mikuqno kanqa. Mayunöraq yawar aywaptinmi runa mayinpa yawarninta upuqno kanqa. Tsaynöpami lapan runakuna musyanqa noqa Tayta Dios salvashuqniki kashqäta. Tsaynöpis musyanqa Jacobpa munayniyuq Diosnin kar qamkunata tsapashqäta>>.
Who We AreWhat We EelieveWhat We Do
2025 by iamachristian.org,Inc All rights reserved.
