1Babiloniaman prësu apapäkamashqan ishkay chunka pitsqa (25) wataman aywaykaptinnami punta kaq killa chunka junaqcho Tayta Dios munayninwan elaqpita Israelman apamarqan. Jerusalénta Babilonia runakuna juchutsishqanpita chunka chusku watanami pasarqan.
2Israel nacionman revelacioncho chayatsimarmi altunnin puntaman Tayta Dios churamarqan. Tsaypita sur kaq lädupa rikachakurmi rikarqä markanöraq tsaytsika wayikuna kaykaqta.Apoc. 21.10.
3Tsayman chayatsimaptinmi broncipita rurashqa runata rikarqä. Lïnupita rurashqa cordilnin y tupukuna varïllan aptashqamiApoc. 11.1; 21.15. punku nawpancho ichiraykarqan.
4Tsay runami kayno nimarqan: <
5Tsaymi templu1Rey. 6; 2Crón. 3. patiuta tumariq perqata rikarqä. Tsay runa tupunanpaq aptaraykashqan varïllanqa kimsa metrumi karqan. Tsaywan perqapa anchunta tupuptinmi karqan kimsa metru. Altunpis tsayno kimsa metrumi karqan.
6Nirkurnami aywarqan inti jeqamunan kaq lädu punkuman. Punkuman yaykuna grädapa witsarkurmi perqapa anchunta tupurqan. Tupuptinmi karqan kimsa metru.
7-10Punkupa yaykurirmi rikarqä cada läducho kimsa cuartukunata. Lapanpis tsay cuartukuna karqan kimsa metru anchu y kimsa metru largumi. Cuartukunata rakiq perqapa anchunmi karqan ishkay metru pulan. Tsay soqta cuartukunata pasarkuptinmi jatun cuartu kaykarqan. Tsay cuartupa anchunmi karqan chusku metru. Tsay cuartupita templuman yaykunanchömi juk metru anchu perqa karqan. Taksha cuartukunapita jatun cuartuman rakiraq perqapa anchunmi karqan kimsa metru.
11Punkupa anchunmi karqan soqta metru pulan. Punku yaykuna perqata tupuptinnami anchun karqan pitsqa metru.
12Cada taksha cuartu yaykunachömi pulan metru altu perqa karqan. Cuartukunapa anchunpis largunpis kimsa metrumi karqan.
13Juk cuartupa ruri kaq kuchunpita frentin kaq cuartupa ruri kaq kuchunyaq tupuptinmi karqan chunka ishkay metru pulan.
14Jatun cuartupa y wakin cuartukunapa anchunta tumaypa tupuptinmi karqan soqta chunka metru.
15Nirkur yaykuna punkupita ruri kaq punkuyaq pasadïsuta tupuptinmi karqan ishkay chunka pitsqa metru largun.
16Taksha cuartukunapis ventänayuqmi karqan. Ruripanami rejïllankuna karqan. Tsaynölami jatun cuartupapis ventänankuna karqan. Rakiq perqankunachönami palmërakuna dibujarpaykarqan.
Jatun kaq patiu17Tsaypitanami tsay runa pushamarqan jatun kaq patiuman. Tsaychömi patiu lädun kaqpa rikarqä kimsa chunka (30) cuartukunata. Tsay patiuqa läja rumikunawan kuchu kuchu enlajashqami karqan.
18Altar kashqan patiupa ura lädunchömi karqan. Anchun karqan ishkay chunka pitsqa (25) metrumi.
19Yaykuna punkupa frentinchömi juk punku karqan. Tsay punkuyaq tupuptinmi karqan pitsqa chunka (50) metru. Tsaynömi karqan inti jeqamunan kaq lädu punkucho. Tsaypitanami rikarqä norti kaq lädu punku imano kashqantapis.
Norti läducho kaq patiu punku20Norti kaq lädupapis patiuman yaykuna punku karqanmi. Tsay punkutapis largunta y anchuntami tupurqan.
21Pasadïsupa cada lädunchömi karqan kimsa cuartukuna. Inti jeqamunan lädupa kaykaq punkuchönölami cuartukunata rakiq perqa y jatun kaq cuartupis karqan. Tupuptin largun karqan ishkay chunka pitsqa (25) metru y anchunna karqan chunka ishkay metru pulan.
22Jatun cuartupis, ventänakunapis, palmëra dibüjunkunapis inti jeqamunan kaq lädu punkucho kaykashqannölami karqan. Tsayman yaykunanpaqpis qanchis grädakunami karqan. Tsaychöpis patiu kaq lädunpami jatun kaq cuartu karqan.
23Inti jeqamunan kaq lädu punkupa frentincho kaykashqannömi norti kaq lädu punku frentinchöpis ruri kaq patiuman yaykunapaq juk punku kaykarqan. Tsay punkuyaq tupuptinmi karqan pitsqa chunka (50) metru.
Sur kaq läducho patiu punku24Tsaypitanami sur kaq läducho kaykaq punkuman pushamarqan. Lapanta tupuptinmi wakin kaq punkukunanöla karqan.
25Cuartunkunapa ventänankunapis wakin kaqnölami karqan. Largunta tupuptinmi karqan pitsqa chunka (50) metru. Anchunta tupuptinnami karqan chunka ishkay metru pulan.
26Witsänanpaqpis qanchis grädakunami karqan. Jatun cuartupis patiu lädupami karqan. Rakiq perqankunachöpis ishkan läduchömi palmërakuna dibujaraykarqan.
27Sur kaq läducho kaykaq punku yaykunapa frentinchöpis ruri kaq patiuman yaykunanpaq punku karqanmi. Juk punkupita jukaq punkuyaq tupuptinmi karqan pitsqa chunka (50) metru.
Ruri kaq patiuman yaykuna punkukuna28Tsaypitami pushamarqan ruri kaq patiu yaykuna juk punkuman. Tsay punkuqa sur kaq läduchömi karqan. Tsay punkuta tupuptinmi karqan wakin kaq punkukuna tamäñula.
29Taksha cuartunkunapis, rakiq perqakunapis y jatun cuartu alarpis wakin kaqpa tamäñunnölami karqan. Ventänankunapis sawan lädupami karqan. Tupuptin largun karqan ishkay chunka pitsqa (25) metru y anchunnami karqan chunka ishkay metru pulan.
30Lädunkunacho kaq cuartukunata tupuptinmi largun karqan chunka ishkay metru pulan y anchunnami karqan ishkay metru pulan.
31Cuartukunata rakiraq perqankunachöpis palmërakunami dibujararqan. Witsäkunan grädankunapis pusaqmi karqan. Punkuqa ura kaq patiumanmi rikararqan.
32Tsaypitami inti jeqamunan kaq lädu ruri kaq patiu punkuman pushamarqan. Tsaycho tupuptinmi wakin kaq punku tamäñula karqan.
33Taksha cuartunkunapis, rakiq perqankunapis y jatun cuartupis tsay tamäñulami karqan. Patiu lädupami ventänankunapis karqan. Tupuptin largun karqan ishkay chunka pitsqa (25) metrumi. Anchunnami karqan chunka ishkay metru pulan.
34Rakiq perqankunachöpis palmërakunami dibujararqan. Witsäkunan grädankunapis pusaqmi karqan. Punku yaykunaqa ura läducho kaykaq patiumanmi rikararqan.
35Tsaypitanami pushamarqan norti kaq lädu punkuman. Tsay punkuta tupuptinmi wakin kaq tamäñula karqan.
36Taksha cuartunkunapis, rakiq perqankunapis, jatun cuartu y lapan ventänankunapis tsay tamäñulami karqan. Tupuptinmi ishkay chunka pitsqa (25) metru largun karqan. Anchunnami karqan chunka ishkay metru pulan.
37Cuartukunata rakiq perqankunachöpis palmërakunami dibujararqan. Witsäkunan grädankunapis pusaqmi karqan. Punku yaykunaqa ura kaq patiumanmi rikaraykarqan.
Uywakunata pishtananpaq kaq cuartu38Tsay punku yaykunachömi juk cuartu karqan. Tsaychömi sacrificiupaq apapäkamushqan uywakunata pishtarir maylapäkuq.
39Tsay cuartuchömi uywakunata pishtapakunanpaq karqan jukaq läduncho ishkay y jukaq läducho ishkay mësakuna. Tsaychömi pishtapäkuq rupatsina sacrificiupaq, purificatsina sacrificiupaq y consagratsina sacrificiupaq.
40Tsay cuartupa waqtanchömi norti kaq lädu punkuman gräda witsaraq nawpancho ishkay mësakuna karqan. Tsaynölami jukaq nawpanchöpis ishkay mësakuna karqan.
41Tsaymi ruri cuartucho karqan chusku mësakuna y waqta punku nawpancho karqan chusku mësakuna. Mësakuna karqan pusaqmi. Tsay mësakuna jananchömi sacrificiupaq uywakunata pishtapäkuq.
42Pishtapakunan manëjukunata churakunanpaq chusku mësakuna rumipitami karqan. Tsay mësakunapa largunpis y anchunpis karqan qanchis chunka pitsqa (75) centïmetrumi. Altunnami karqan pulan metru.
43Cuartupa ruri perqankunachömi ganchunkuna cuarta maslan tumaypa jatirarqan. Mësakunachönami pishtashqan uywakunapa aytsan churaraykarqan.
Cürakunapaq cuartukuna44Ruri kaq patiuchömi ishkay cuartukuna karqan. Juk cuartumi norti kaq lädu punku nawpancho karqan. Tsay cuartupa punkunmi karqan sur kaq lädupa. Jukaq cuartunami karqan sur kaq lädu punku nawpancho. Tsay cuartupa punkunnami karqan norti kaq lädupa.
45Pushamaq runami kayno nimarqan: < 46Norti kaq lädupa rikaraq punkuyuq cuartunami altarcho aruq cürakunapaq kaykan. Tsay cürakunami Sadocpita miraq karkaykan. Leví trïbu mayinkunapita paykunalami Tayta Diospa nawpancho sirvinanpaq kaykan>>. 47Nirkurnami tsay runa tupurqan ruri kaq patiuta. Tupuptinmi largunpis anchunpis karqan pitsqa chunka (50) metru. Tsaymi cuadrädu karqan. Altarqa templu nawpanchömi kaykarqan. 48Tsaypitanami templuman yaykuna kaq cuartuman pushamarqan. Tsaycho ishkan lädunpa perqata tupuptinmi anchun karqan ishkay metru pulan. Punkupa anchunta tupuptinnami karqan qanchis metru. Punkupa cada läduncho kaykaq perqakunapa largunta tupuptinmi karqan juk metru pulan. 49Tsay cuartupa anchunnami karqan chunka metru. Yaykuna punkupita frentincho kaq punkuyaq tupuptinmi karqan soqta metru. Chunka grädakunapami tsayman witsäpäkuq. Templuman yaykunacho ishkay columnakunami wak lädu kay lädu ichirpaykarqan.
Who We AreWhat We EelieveWhat We Do
2025 by iamachristian.org,Inc All rights reserved.
