Isaías 46 - Quechua Margos-Yarowilca-Lauricocha Bible（qvm）

Babilonia nacionpa diosninkuna Tayta Diosman mana tinkushqan

1Bel diosqa vincishqami kaykan.

Nebo diospis manakaqman churashqami kaykan.

Tsay dioskunatami uywakunawan cargarkur apakärin.

Tsaykuna pasaypa lasarmi utikätsin.

2Tsay ïdulukunaqa saqtaptinpis manami sharkuntsu.

Yärakushqan runakunata manami salvantsu.

Tsay runakunata ïdulunkunatawanmi juk lädu nacionman prësu apakärin.

3Tayta Diosmi kayno nin:

<

Mamaykipa pachancho kashqaykipita patsami qamkunata tsapashqä.

Yurishqayki junaqpitami marqashqa puritsishqä.

4Awkinyaptikipis tsaynölami ali rikashayki.

Pasaypa soquyashqatapis yanapashaykimi.

Qamkunata noqami kamashqä.

Maypa pusharpis jancharäshaykimi.

5<<¿Imamanraq tinkutsimanki?

¿Piraq noqano kanman?

6Wakin runakunami qorita y qellayta balanzacho pësarkur ïdulu ruraq runata pägapäkun ïduluta rurapänanpaq.

Rurapaykuptinmi tsay ïdulupa nawpanman qonqurpakuykur adorapäkun.

7Wintukurkur aparmi jamaränan kaqman jamaykatsin.

Jamatsishqanpitaqa manami witikuntsu.

Tsay ïduluqa mayjina ruwakäriptinpis manami salvantsu.

8<

9Unaypita patsa ayluykikunata imano yanapashqätapis yarpapäkuy.

Noqalami Dios kä.

Noqapita mas juk Diosqa manami kantsu.

Manami ima ïdulupis noqaman tinkuntsu.

10Noqami unaypita patsa ima pasananpaq kaqtapis wilakatsï.

Pasananpaq atska wata pishiykaptinmi musyatsï.

Ruranäpaq yarpashqätaqa lapantami rurä.

11<

Aytsa pacha condornömi karu nacionpita shamunqa.

Nishqäta rurananpaqmi tsay runata pushamushaq.

Yarpashqänölami lapantapis rurashaq.

12<

13Karu nacioncho kashqaykipita kutitsimushaykimi.

Shuntamunäpaq walka junaqlanami pishiykan.

Sióncho tänaykipaqmi kutitsimushayki.

Kuyashqä Israel runakuna kaptikimi salvamushayki>>.