1Tsayno kaykaptinqa shumaq kuyanakur kawapäkuy. Espíritu Santu habilidäta qoshunaykipaq
22Tsay nishqannölami runakuna mana tantiyashqan idiömacho wilakuptintsi Jesucristuman mana yärakuqkuna Tayta Diospa wilakuyninta mana chaskikärinqatsu. Tantiyashqan idiömacho wilakuptintsimi itsanqa Jesucristuta chaskikärinqa.
23Juntakashqaykicho mana tantiyashqan idiömacho lapayki rimaptiki imanir tsayno parlashqaykita mana musyaq runa o mana criyiq runa yaykur löcuyashqa karkaykashqaykitami yarpanqa.
24Tantiyashqan idiömacho Diospa wilakuyninta wilakäriptikimi itsanqa yarpachakur jutsayuq kashqanta tantiyakunqa.
25Tsaymi wilakushqayki shonqunman chayaptin Tayta Dios qamkunawan kaykashqanta tantiyashpan qonqurpakuykur Tayta Diosta adoranqa.
Juntakashqancho imanöpis kananpaq nishqan26Tsayno kaptinqa wawqi panikuna, juntakashqaykicho salmukunata cantarpis, Jesucristupa wilakuyninta yachatsirpis, Tayta Dios tantiyatsishushqaykikunata wilakurpis, runakuna mana tantiyashqan idiömacho rimarpis y tsay rimashqanta tantiyatsirpis lapanta rurapäkuy yärakuq mayikikuna Tayta Dios munashqanno kawapäkunanpaq.
27Mana tantiyashqan idiömakunacho rimarqa juk ishkayla trukanakuypa rimatsun. Tsay rimashqanta juk wawqina tantiyatsitsun.
28Pilapis tantiyatsinanpaq mana kaptinqa upälakutsun. Rimananpa trukanqa shonqulanchöna Tayta Diosta manakutsun.
29Tsaynöla juntakashqaykicho Diospa wilakuyninta juk ishkayla wilakäritsun. Mayaqkuna tantiyakutsun lutanta wilakushqanta o rasun kaqta wilakushqantapis.
30Imatapis wilakunanpaq juk wawqita Tayta Dios tantiyatsiptinqa parlaykaq wawqi upälakutsun jukaq wawqina parlamunanpaq.
31Tsaynöpami lapaykipis shuyänakuypa wilakärinki lapanpis yachakärinanpaq.
32Wilakuqkuna imay rimananpaqpis y imay upälakunanpaqpis tantiyanmi.
33Salvashqan runakuna juntakashqanchöqa Tayta Dios manami desordin kananta munantsu, sinöqa lapanpis shumaq ordenädu kanantami munan.
34Juntakashqaykicho warmikunaqa upälala kakutsun. Ama parlakutsuntsu. Moisés qelqashqan leykunacho nishqannöpis runanpa munaynincho kakutsun.
35Imatapis musyayta munarqa wayinman kutiykur runanta tapukutsun. Manami alitsu kaykan juntakashqaykicho warmikuna parlaptinqa.
36¿Imanirtaq yarparkaykanki qamkuna kaqcho Tayta Diospa palabran qalaykushqanta y qamkunalata wilashushqaykita?
37Tayta Diospa wilakuqninkuna y Espíritu Santu tantiyatsishqan runakuna kapäkushqaykita yarparqa tantiyakärinkimanmi kay cartacho nishqäkuna Jesucristupa mandamientunkuna kaykashqanta.
38Kay cartacho nishqäkunata mana chaskikuq kaqtaqa Tayta Dios manami chaskinqatsu.
39Tsayno kaykaptinqa Tayta Diospa wilakuyninta runakuna tantiyashqan idiömacho wilakäriy. Mana tantiyashqan idiömacho parlaptinpis ama michaytsu.
40Itsanqa juntakashqaykicho Tayta Dios munashqannöla lapantapis ordenädu rurapäkuy.
Who We AreWhat We EelieveWhat We Do
2025 by iamachristian.org,Inc All rights reserved.
