Hebreos 13 - Quechua Margos-Yarowilca-Lauricocha Bible（qvm）

Tayta Dios munashqanno kawanantsipaq yätsishqan

1Tsay aylunöla imaypis kuyanakur kawapäkuy.

2Tsaynöla wayikiman patsakuq pï chayamuptinpis kushishqala patsatsipäkunki. Tsayno patsatsishqanchömi wakin runakuna mana musyashpan angilkunata patsatsirqan.

3Kikikikuna carcilcho wichqaraykashqaykino carcilcho kaykaqkunata yarpapäkunki. Kikikikuna nakaykashqaykino nakatsishqa kaqkunatapis yanapanki.

4Lapayki majayuq kaqkuna majaykiwan kuyanakur ali kawapäkuy. Majaykita ama jarukäriytsu. Fornicación jutsata ruraqkunata y majanta jarukuqkunataqa Tayta Dios juzganqami.

5Tsaynöpis qellaylapaqqa ama wanupäkuytsu. Tsaypa trukanqa tsararashqalaykiwan contentakäriy.

6Tsayno niykämaptintsiqa payman yärakushpantsi kushishqa kayno nishun:

<

Runakuna conträ sharkuptinpis manami lakikütsu>>.

7Tayta Diospa palabranta yachatsishuqnikikunata yarpapäkuy. Tayta Diosta sirvir alikunata rurashqanta tantiyakur paykuna yärakushqanno qamkunapis Tayta Diosman yärakäriy.

8Jesucristuqa unaypis, kananpis y imayyaqpis kashqannölami kaykan.

11Nawpa kaq pactuchöqa runakuna jutsata rurashqanpita mandaq cürakunami uywakunapa yawarninta Lugar Santïsimuman apapäkuq. Tsay uywakunapa aytsantanami campamentupita jorqurir rupatsipäkuq. Payta nakatsishqanno nakatsimaptintsipis o payta jamurpashqanno jamurpämaptintsipis payman imaypis yärakur kawashun.

14Noqantsipa markantsiqa manami kay patsachötsu kaykan. Tsaypa trukanqa kay patsacho qorpanöla karmi mana ushakaq markataraq shuyaraykantsi.

15Tsayno kaykaptinqa Jesucristuman yärakur sacrificiuta altarman churaqno Tayta Diosta imay hörapis alabashun. Paypa jutinta joqarir alabashqantsimi ali kaykan.Sal. 50.14, 23.

16Tsaynöpis mana qonqaypa alikunata rurapäkunki. Jukniki jukniki imalawanpis yanapanakunki. Tsayno kawarmi Tayta Dios munashqan sacrificiukunata payman apaqno kaykantsi.

17 Mayor wawqikunata cäsukäriy. Paykunaqa shumaq rikashunaykipaqmi waran waran yarpachakurkaykan. Tsaynöpis ali o mana ali rikashushqaykipitami Tayta Diosta cuentata qonqa. Tsayno kaykaptinqa ama lakikatsiytsu, sinöqa shakya shakyala rikashunaykipaq yätsishushqaykita chaskikäriy. Lakikatsiptikiqa manami qamkunapaqpis alitsu kanqa.

18Noqakunapaqpis Tayta Diosta manakäriy. Musyämi lutanta mana rurapäkushqäta. Tayta Dios munashqalantami imaypis rurayta munapäkü.

19Tsaynöpis payta manakäriy qamkunaman yapay kutipäkamunäpaq.

Carta ushanan

20Tayta Diostami qamkunapaq manakuykä. Paymi ali kawayta qomantsi. Señor Jesucristutapis kawaritsimushqami. Uyshankunatapis shumaqmi mitsin. Yawarninta jicharmi imaypis mana ushakaq pactuta noqantsiwan rurashqa.Éxo. 24.8; Heb. 10.29.

21Jesucristupa jutinchömi payta manakärï imaypis yanapaykushunaykipaq. Munashqanta rurapäkunaykipaq ali kaqkunata kamaripaykuläshunki. Payqa imayyaqpis alabashqa kaykulätsun.

22Wawqi panikuna, walkalatapis kay cartacho yätsimushqäta chaskikulay.

23Wawqintsi Timoteupis carcilpita yarqamushqanami. Qamkunaman manaraq shamuptï noqa kaqman chayamuptinqa ishkanïkunami shapäkamushaq.

24Salüdüta qoykulanki mayor wawqikunata y wakin wawqi panikunatapis. Italia nacionpita kaq wawqi panikunapis tsaynölami salüdunta apatsikamun.

25Tayta Dios kuyapar yanapaykuläshunki.