1 Corintios 11 - Quechua Margos-Yarowilca-Lauricocha Bible（qvm）

1Jesucristo kawashqanno kawashqäta rikapäkamashqaykino qamkunapis kawapäkuy.Iglesiacho warmikuna shukutakunanpaq yätsishqan

2[Wawqi panikuna,] qamkuna imaypis yarparämaptiki y yachatsishqäta mana qonqaptikimi kushikü.

4Wawqi panikuna juntakashqancho mayqan runapis Tayta Diosta manakur o wilakuyninta wilakur manami umanta shukutakunmantsu. Umanta shukutakurqa Jesucristutami manakaqman churaykan.

5Warmimi itsanqa Tayta Diosta manakur o wilakuyninta wilakurpis umanta shukutakunman. Mana shukutakurqa runantami manakaqman churaykan. Tsayno rurarqa aqtsanta rutukur warmi penqaypaq kashqannömi penqaypaq kaykan.

6Shukutakuyta mana munaq warmiqa aqtsanta qara putuypa rutukutsun. Aqtsanta rutukuyta penqakurqa umanta shukutakutsun.

7Runata kamar Tayta Dios kikin niraqtami kamarqan. Tsaymi juntakashqancho Tayta Dios respitashqa kananpaq runakunaqa umanta mana shukutakunmantsu. Warmikunami itsanqa runan ali rikashqa kananpaq umankunata shukutakunman.Gén. 1.26-27.

8Manami warmipitatsu runata Tayta Dios kamarqan, sinöqa runapitami warmita kamarqan.

9Tsaynöpis manami warmi japala kaptintsu runata kamarqan, sinöqa runa japala kaptinmi warmita kamarqan.Gén. 2.18-23.

10Tsaymi warmikunaqa runanta y angilkunata respitar umanta shukutakäritsun.

11Tsayno kaptinpis warmi mana kaptinqa runa manami yurinmantsu. Runa mana kaptinqa manami warmipis kamashqatsu kanman karqan. Tsayno kananpaqmi Tayta Dios kamakätsirqan.

12Musyantsimi olqupita warmita Tayta Dios kamashqanta. Tsaynölami musyantsi warmipita olqupis yurishqanta. Warmipis olqupis Tayta Diospitami karkaykan.

13Mä, qamkuna yarpachakäriy. ¿Alitsuraq kaykan warmikuna umanta mana shukutakuylapa Tayta Diosta manakuptin?

14¿Manatsuraq maytsaychöpis penqakuypaq kaykan runa aqtsanta winatsiptin?

15Warmikunami itsanqa ata aqtsayuq kar kuyaylapaq kaykan. Warmikunapa aqtsanqa umanta shukutakuqnömi kaykan.

16Tsaykunapita capaz wakinnikiqa masta parlayta munarkaykanki. Itsanqa noqakuna kaqcho y maytsaychöpis wawqi panikuna juntakashqanchöqa panikuna umanta imaypis shukutakunmi.

Santa Cënata upur jaqayätsinakushqan

17Qamkuna juntakashqaykicho alita ruranaykipa trukanqa mana alitami rurarkaykanki.

18Juntakashqaykicho jaqayätsinakuykashqaykitami wilapäkamashqa. Qamkunaqa capazchari rasunpapis tsayno karkaykanki.

19¡Achyä! Tsayno jaqayätsinakushpaykiqa Tayta Dios munashqannöchari kawarkaykanki ¿aw?

20Tsayno jaqayätsinakushqa kaykar Santa Cënata upushqaykipis manakaqlapaqmi kaykan.

21Santa Cënata upunaykipaq juntakarshi wakinnikiqa ali mikuyta apaykur mikurkaykanki. Wakinnikishi mikanarkaykanki. Wakinnikinashi shinkashqaykiyaq upyarkaykanki.

22Tsayno rurarqa Tayta Dios salvashqan kaqkunata manakaqman churarkaykanki y waktsa kaqkunata penqaymanmi churarkaykanki. ¿Imanirtaq wayilaykicho mana mikupäkunkitsu y upupäkunkitsu? Tsayno rurarqa mana alitami rurarkaykanki.

Santa Cënapita yachatsishqan Mateo 26.26-29; Marcos 14.22-25; Lucas 22.14-20

23Señor Jesucristo Santa Cënapita yachatsishqalantami noqapis yachaykätsï. Wanutsishqa kananpaq entreganan tsakaymi Señor Jesucristo tantata aptarkur

24Tayta Diosta yusulpalä nirqan. Nirkurmi tantata pakirkur kayno nirqan: <<[Mikupäkuy.] Kay tantaqa cuerpümi kaykan. Qamkuna rayku wanurmi cuerpüta Tayta Diosta entregashaq. Kay tantata mikur imaypis yarpapäkamanki>>.

25Tsaynölami mikuyta usharkur vïnuyuq väsuta aptarkur kayno nirqan: < rurananpaq jichashqä yawarnïmi.Éxo. 24.6-8; Jer. 31.31-34. Kay vïnuta upur imaypis yarpapäkamanki>>.

26Jesucristo tsayno nishqa kaptinmi cadala Santa Cënacho tantata mikur y vïnuta upur yarpantsi noqantsi rayku Jesucristo wanushqanta. Tsaynöla imaypis ruraykäshun Jesucristo kutimunanyaq.

Santa Cënata shumaq tantiyaykur upunanpaq yätsishqan

27Tsayno kaykaptinqa pipis jaqayätsinakushqa o jutsata rurashqa kaykar Santa Cënacho tantata mikur o vïnuta upurqa Jesucristo wanushqanta y yawarninta jichashqanta manakaqmanmi churaykan.

28Tsayno kaykaptinqa imano kawarkaykashqaykita shumaq tantiyakurraq tantata mikupäkunki y vïnuta upupäkunki.

29Señor Jesucristupa cuerpunta mana respitar tantata mikuqta y vïnuta upuq kaqtaqa Tayta Dios castiganqami.

30Qamkuna kaqcho tsayno upupäkushqanpitashi wakin mana aliyaypa qeshyarkaykan y wakinqa wanukärishqana.

31Tsayno kaykaptinqa imano kawarkaykashqaykitapis shumaqraq tantiyakäriy. Tayta Dios munashqanno kawaptikiqa manami castigashunkitsu.

32Castigamashpantsipis jutsa rurayta kacharinantsipaqmi corrigimantsi.Deut. 8.5; Heb. 12.5-11. Tsaynöpami jutsata ruraqkunata infiernuman qaykurpis noqantsitaqa mana qaykamäshuntsu.

33Wawqi panikuna, tsayno kaykaptinqa Santa Cënata upunaykipaq juntakar shuyänakäriy.

34Mayqaykipis mikanarqa wayikicho imalatapis puntata mikupäkuy. Tsaynöpami Santa Cënacho lutanta mana ruraptiki Tayta Dios mana castigashunkinatsu.

Shamurnami wakin arreglaypaq kaqtaqa arreglashayki.