Sofonías 3 - Quechua Margos-Yarowilca-Lauricocha Bible（qvm）

Jerusalén runakunata castigananpaq nishqan

1¡Mana wiyakuq Jerusalén runakuna, kuyapaypaqmi ushakankipaq!

Qamkunaqa pasaypa jutsasapami karkaykanki.

Pïmaytapis nakatsinaykipaq mamalan wachashqami karkaykanki.

2Qamkunaqa pï wilapäshuptikipis manami chaskikärinkitsu.

Corrigishuptikipis manami cäsukärinkitsu.

Tayta Diosmanpis manami yärakärinkitsu.

Payta manami manakuylapis manakärinkitsu.

3Yarqanaypita qaparaykaq leonkunanömi autoridänikikunapis karkaykan.

Tulutapis mana kachariq yarqanashqa atuqkunanömi jueznikikunapis karkaykan.

4Profëtaykikunapis mana respitakuq y engañakuqmi karkaykan.

Cüraykikunapis sagrädu templutami impüruyaykätsin.

Tayta Diospa leyninkunatapis manami cumplipäkuntsu.

5Tsayno kaptinpis Tayta Diosqa imaypis Jerusalénchömi kaykan.

Payqa manami imatapis lutankunataqa rurantsu.

Cada tutami tantiyatsimantsi alilata ruraq kashqanta.

Tsayno kaptinpis jutsa ruraq runakunaqa lutanta rurar manami penqakärintsu.

6Tayta Diosmi kayno nin:

<

Törrinkunatapis juchutsirmi ushakätsishqä.

Pipis mana puriptinmi cällikunapis chunyaraykan.

Markankunapis lapanmi ushakashqa.

Tsaychöqa manami pipis tannatsu.

7Tsaymi kayno yarparqä:

lutan ruraykunata kacharinqapaq.

Cäsukamaptinqa paykunata manami ushakätsishaqtsu>.

Tsayno yarpaptïpis paykunaqa jutsa ruraykunata manami kacharishqatsu>>.

8Tsaymi Tayta Dios kayno nin:

<<¡Wawalaw!

Juzganä junaq imay karpis chayamunqami.

Pasaypa rabyanätsimashqanpitami lapan nacionkunata shuntaykur castigashaq.

Nina imaykatapis laqwaypa laqwar ushaqnömi kay patsacho taqkunata lapanta ushakätsishaq>>.

Runakunata salvananpaq Tayta Dios promitishqan

9<

Tsaynöpami shumaq wilanakur juk shonqula sirvipäkamanqa.

10Mas karucho taq runakunapis yanapanäpaqmi manakamanqa.

Tsay runakunaqa Etiopía nacioncho kaykaq mayukunapita mas karuchömi tarkaykan.

Tsaypita patsami ofrendankunata noqapaq apapäkamunqa.

11Tsay witsanmi jutsata rurar kushikuqkunata qamkunapita qarqushaqpaq.

Sagrädu jirkannïcho manami ali chölu tukärinqanatsu.

Jutsata mana ruraypa kawarmi penqakärinqanatsu.

12<

Paykunaqa noqalamanmi yärakamunqa.

13Israelcho kawaykar quëdaq runakunaqa manami lutanta ruranqanatsu.

Paykunaqa manami lulakunqanatsu ni pitapis engañanqanatsu.

Tranquïlu mikukuq uyshakunanömi kawapäkunqa.

Manami pipis paykunata mantsakatsinqanatsu>>.

14¡Sión runakuna, cantapäkuy!

¡Israel runakuna, kushikuypita qaparpay!

¡Jerusalén runakuna, lapan shonquykiwan kushikäriy!

15 Tayta Dios manami castigashunkipaqnatsu.

Chikishuqnikikunatapis qarqunqami.

Tayta Diosmi mandaqniki rey kaykan.

Qamkunawan kaykaptinqa manami imapitapis mantsakärinkinatsu.

16Tsay witsanmi Jerusalén runakunata kayno nipäkunqa:

<>

17Qamkunawanmi Tayta Dios kaykan.

Munayniyuq karmi salvashunkipaq.

Kuyashushpaykimi mushuq kawayta qoshunki.

Qamkunapita pasaypa kushikurmi

18fiestata ruraqno cantanqa.

Tayta Diosmi kayno nin:

<

Manami penqaypaqnatsu kapäkunkipaq.

19Tsay witsanqa nakatsishuqnikikunata kikïmi ushakätsishaq.

Nirkurmi oqrakashqa uyshata shuntaqno maytsaypitapis shuntamushaykipaq.

Pakikushqa uyshata jampiqnömi qamkunata jampishayki.

Manami pipis jamurpäshunkipaqnatsu.

Tsaypa trukanqa yanapashayki maytsaychöpis respitashqa y alabashqa kapäkunaykipaqmi.

20Tsay witsanmi maytsaypitapis shuntamushayki.

Jäpa nacionkunaman apashuqnikikuna rikaykaptin qamkunata kutitsimuptïmi pïmaypis kushikur respitashunkipaq.

Noqa Tayta Diosmi tsayno nï>>.