Isaías 14 - Quechua Margos-Yarowilca-Lauricocha Bible（qvm）

Jäpa nacionman prësu aywaqkuna kutimunanpaq nishqan

1Jacobpita miraqkuna, Tayta Dios kuyapämäshunmi.

Israel runakuna, yapay akramashpantsimi nacionnintsiman shuntamäshun.

Jäpa nación runakunapis qelikämushpanmi noqantsiwan tanqapaq.

2Nacionnintsiman kutimunantsipaq maytsaycho taq runakunami yanapamäshun.

Prësu apamaqnintsi runakunatapis kikintami prësu tsarirkur munaynintsicho tsararäshun.

Babilonia nacionpa mandaqnin reypa contran nipäkushqan

3Babilonia nacionpa mandaqnin rey nakatsimashqantsipita, lakikatsimashqantsipita y yana bürruntano arutsimashqantsipitami Tayta Dios jamayta qomäshun.

4Tsay junaqmi Babilonia nacionpa mandaqnin reypa contran sharkur kayno nishun:

<<¡Pasaypa mantsakuypaq fiyu runa benëchu ushakashqana kaykan!

5Fiyu runakuna munayniyuq kashqanta Tayta Diosmi manakaqman churashqa.

Mandaq kaynintapis qechushqami.

6Paykunaqa mana kuyapaypami may markatapis ushakätsiq.

Maytsay naciontapis munaynincho tsarararmi mana kuyapaypa nakatsiq.

7<

8Babiloniapa mandaqnin rey ushakashqanpitami ciprespis y Líbanucho kaykaq cedrupis kushikur kayno nipäkun:

.

9<

Punushqanpita rikcharkurmi chaskikushunaykipaq kamarikurkaykan.

Maytsaycho wanuq reykunapa almanpis jamarpaykashqanpitami chaskikushunaykipaq listuna karkaykan.

10Paykunaqa lapanmi kayno nishunki:

Kananqa noqakunanölanami wanushqanki.

11Pampashuptikiqa munayniyuq kashqaykipis ushakashqanami kaykan.

Fiestata ruraptiki arpayki waqashqanpis ushakashqanami kaykan.

Kaychöqa qeshtaykipis y qataykipis kurulami kanqa>.

12<Qamqa atska nacionkunatachaq vincirqayki.

Tsayno kaykaptikipis kananqa kikikitami pampaman jitamushushqanki.

13Runa tukurmi shonqulaykicho kayno niq kanki:

Diospa qoylarninkunapita mas janachömi trönü kanqa.

Dioskuna juntakänan norti kaq lädu jirkacho jamaykurmi mandashaq.

14Pukutay jananmanmi witsäshaq.

Poderniyuq Tayta Diosnömi kashaq>.

15<

Patsa rurinpitapis mas rurimanmi chayashqanki.

16Wanushqa jitaraykaqta rikashushpaykimi mantsakashqa kayno nipäkunqa:

<¿Kaychi pïmaytapis mantsakätsiq karqan?

¿Kaychi lapan nacionkunatapis ushakätsiq karqan?

17¿Kaychi maymanpis chayashqan kaqta chunyaqta kachariq, markakunatapis ushakätsiq y prësukunatapis mana kachariq karqan?>

18<

19Qamtami itsanqa tsayno mana pampashunkitsu, sinöqa qanratanömi jitapäkushunkipaq.

Guërracho wanutsishqatano y soldädukuna jarukushqan ayatanömi wakin runakunapa ayantawan juk uchkulaman jitarpushunkipaq.

20Nacionkunata ushakätsishqaykipita y marka mayikikunata wanutsishqaykipitami wakin reykunatanöqa mana pampapäkushunkitsu.

Fiyu runa kashqaykipitami alqu wiruqlapaqpis tsurikikunata mana churapäkunqatsu.

21¡Qampa tsurikikunata lapanta wanutsipäkutsun!

¡Mandaq rey ama katsuntsu!

Rey karqa markakunatami maytsaychöpis duëñu tukärinqa>>.

22Lapanta mandaq Tayta Dios kaynömi nin:

<

Manami munayniyuqnatsu kanqa.

Babilonia runakunapa tsurinkunatapis y wilkankunatapis chipyaqmi ushakätsishaq.

23Tsay partitaqa iwsanki täkunanman y sinigamanmi tikratsishaq.

Pitsaypa pitsarmi Babiloniata ushakätsishaq>>.

Lapanta mandaq Tayta Diosmi tsayno nin.

Asiria nación ushakänanpaq nishqan

24Lapanta mandaq Tayta Diosmi kayno nin:

<

Yarpashqänömi lapanpis rurakanqa.

25Israel nacionman yaykamuq Asiria runakunata chipyaqmi ushakätsishaq.

Jirkakunachöpis jarurishaqmi.

Kuyashqä runakunapa matankanman yüguta churapashqantapis jorqushaqmi.

Lasaq qepita aparipashqantapis jitarishaqmi.

26Maytsay nacionkunapaqmi tsayno yarpaykä.

Lapan nación runakunata castiganäpaqmi kamarikushqa kaykä.

27Lapanpaq munayniyuq kaykaptïqa ¿piraq michämanqa?

Ushakätsinäpaq aywaptïqa ¿piraq tsapämanqa?>>

Filistea nación imano kananpaqpis nishqan

28Rey Acaz wanushqan watami Isaíasta revelar Tayta Dios kayno nirqan:

29<Paypa tsurinkunapitami juk rey kanqa.

Tsay reyqa fiyupa venënuyuq culebrapita mas peormi kanqa.

30<

Muchuq runakunapis kushishqami kawapäkunqa.

Filisteo runakunatami itsanqa muchuywan wanunanpaq kamakätsishaq.

Kawaykar quëdaq runakunatapis lapantami ushakätsishaq.

31<

Filistea markakuna, ¡mantsakur qaparpay!

Filisteo runakuna, ¡mantsakushpayki lapayki siksikyapäkuy!

Qoshtatarraqmi norti kaq lädupita soldädukuna aywaykämun.

Fïlanpita ni jukpis mana yarquypami shamurkaykan>>.

32Filisteo runakuna kachamushqan runakunatami kayno nishunpaq:

< jirkantaqa Tayta Diosmi rikaykan.

Tsaymi imaypis nakarqa kuyashqan runakuna tsayman amparakunqa>>.