1Judá provinciapa mandaqninkunaqa lapan tarqan Jerusalénchömi. Wakin runakunami suertita jitapäkurqan cada chunka aylupita juk aylu Tayta Dios akrashqan Jerusaléncho tänanpaq. Wakin kaqnami jinan markankunalachöna quëdarqan.
2Wakinnami voluntäninpita aywarqan Jerusaléncho tänanpaq. Paykunatami runakuna kushishqa chaskikärirqan.
3Judá provinciacho quëdaqkunaqa kikinkunapa chakrankunacho y markankunachömi tarqan. Tsay runakuna karqan cürakuna, levitakuna, templucho aruqkuna, Salomónpa ashmayninkunapita miraqkuna y wakin Israel runakuna.
Jerusaléncho tänanpaq markankunapita aywaq runakuna pï pï kashqanpis kaychömi qelqaraykan. Paykunaqa cada ünunmi aylunpa mandaqnin karqan.
4(Jerusalénchömi Judá trïbu runakuna y Benjamín trïbu runakunapis tarqan.)
Judá trïbu runakunapita Jerusalénman aywaq runakunami karqan:
Ataías (Payqa karqan Uzíaspa tsurinmi. Uzíasqa karqan Zacaríaspa tsurinmi. Zacaríasqa karqan Amaríaspa tsurinmi. Amaríasqa karqan Sefatíaspa tsurinmi. Sefatíasqa karqan Mahalaleelpa tsurinmi. Mahalaleelqa karqan Fares aylumi)
5y Maasías. (Payqa karqan Barucpa tsurinmi. Barucqa karqan Colhozipa tsurinmi. Colhoziqa karqan Hazaíaspa tsurinmi. Hazaíasqa karqan Adaíaspa tsurinmi. Adaíasqa karqan Joiaribpa tsurinmi. Joiaribqa karqan Zacaríaspa tsurinmi. Zacaríasnami karqan Judápa tsurin Sela aylu.)
6Judápa tsurin Fares aylu runakuna Jerusaléncho tarqan chusku pachak soqta chunka pusaq (468) runakuna. Paykuna lapan karqan ali chölulantaqmi.
7-8Benjamín trïbu runakunapita Jerusalénman aywaq runakunami karqan Salú, Gabai y Salai. Salúqa karqan Mesulampa tsurinmi. Mesulamqa karqan Joedpa tsurinmi. Joedqa karqan Pedaíaspa tsurinmi. Pedaíasqa karqan Colaíaspa tsurinmi. Colaíasqa karqan Maasíaspa tsurinmi. Maasíasqa karqan Itielpa tsurinmi. Itielqa karqan Jesaíaspa tsurin.
Jerusalénman aywaq Benjamín trïbu runakuna karqan isqun pachak ishkay chunka pusaq (928) runakuna.
9Paykunapa mandaqninmi karqan Zicripa tsurin Joel. Joeltami tsay markacho mandäshirqan Senúapa tsurin Judá.
10Jerusalénman aywaq cürakunami karqan Joiaribpa tsurin Jedaías, Jaquín
11y Seraías. Seraíasqa karqan Hilcíaspa tsurinmi. Hilcíasqa karqan Mesulampa tsurinmi. Mesulamqa karqan Sadocpa tsurinmi. Sadocqa karqan Meraiotpa tsurinmi. Meraiotqa karqan Ahitobpa tsurinmi. Ahitobqa karqan mandaq cürami.
12Jedaías aylu cürakunami karqan pusaq pachak ishkay chunka ishkay (822) runakuna. Paykunaqa templucho Tayta Diosta sirvipäkurqan.
Paykunawanmi kaykarqan cüra Adaías. Adaíasqa karqan Jerohampa tsurinmi. Jerohamqa karqan Pelalíaspa tsurinmi. Pelalíasqa karqan Amsipa tsurinmi. Amsiqa karqan Zacaríaspa tsurinmi. Zacaríasqa karqan Pasurpa tsurinmi. Pasurqa karqan Malquíaspa tsurinmi.
13Adaías aylucho mandaqkunalata yupaptin karqan ishkay pachak chusku chunka ishkay (242) runakuna.
Paykunawanmi karqan cüra Amasai. Amasaiqa karqan Azareelpa tsurinmi. Azareelqa karqan Azaipa tsurinmi. Azaiqa karqan Mesilemotpa tsurinmi. Mesilemotqa karqan Imerpa tsurinmi.
14Amasai aylu cürakunami karqan juk pachak ishkay chunka pusaq (128) runakuna. Paykunaqa lapan karqan ali chölulantaqmi. Mandaqninmi karqan Gedolimpa tsurin Zabdiel.
15Jerusalénman aywaq levitakunami karqan:
Semaías (Payqa karqan Hasubpa tsurinmi. Hasubqa karqan Azricampa tsurinmi. Azricamqa karqan Hasabíaspa tsurinmi. Hasabíasqa karqan Bunipa tsurinmi),
16Sabetai, Jozabad (paykunaqa levitakunapa mandaqnin karmi Diospa templun waqtancho aruqkunapa capataznin karqan),
17Matanías (Payqa karqan Micaíapa tsurinmi. Micaíaqa karqan Zabdipa tsurinmi. Zabdiqa karqan Asafpa tsurinmi. Asafqa karqan Tayta Diosta manakushqan höra alabaqkunapa directorninmi),
Bacbuquías (Payqa karqan Mataníasta mandäshiqmi)
y Abda (Payqa karqan Samúapa tsurinmi. Samúaqa karqan Galalpa tsurinmi. Galalqa karqan Jedutúnpa tsurin).
18Tayta Dios akrashqan sagrädu Jerusaléncho taq levitakuna karqan ishkay pachak pusaq chunka chusku (284).
19Jerusalén punkuta täpaq runakunami karqan Acub, Talmón y aylunkuna. Paykunaqa Jerusalénman aywapäkurqan juk pachak qanchis chunka ishkay (172) runakunami.
20Tsaypita kaqqa Israel runakuna, cürakuna y levitakuna tarqan Judácho kaykaq kikinkunapa markankunachömi.
21Diospa templuncho aruqkuna tarqan Ofel barriucho. Paykunapa mandaqninkunami karqan Ziha y Gispa.
22Jerusaléncho taq levitakunapa mandaqninmi karqan Uzi. Uziqa karqan Banipa tsurinmi. Baniqa karqan Hasabíaspa tsurinmi. Hasabíasqa karqan Mataníaspa tsurinmi. Mataníasqa karqan Micaíapa tsurinmi. Micaíaqa karqan Asaf aylumi. Paykuna karqan Tayta Diospa templuncho cantaqkunapa directorninmi.
23Templucho cantaqkuna waran waran churanakuypa cantananpaqmi rey ordenashqa karqan.
24Mesezabeelpa tsurin Petaíastami rey churashqa karqan runakuna quejakuptin arreglananpaq. Mesezabeel karqan Zera aylumi. Zera karqan Judápa tsurinmi.
25Wakin kaq Judá trïbu runakuna tarqan Quiriat-arba particho y caseriunkunacho, Dibón particho y caseriunkunacho y Jecabseel particho y caseriunkunacho.
26Tsaynöpis tarqan Jesúa markacho, Molada markacho, Bet-pelet markacho,
27Hazar-sual markacho, Beerseba particho y caseriunkunacho,
28Siclag markacho, Mecona particho y caseriunkunacho,
29En-rimón particho, Zora particho, Jarmut particho,
30Zanoa particho, Adulam particho y caseriunkunacho, Laquis particho y Azeca particho y caseriunkunacho. Tsaymi Judá trïbu runakunaqa tarqan Beersebapita hasta Hinom raqrayaq.
31Benjamín trïbu runakunami tarqan Geba markacho, Micmas markacho, Aía markacho, Bet-el particho y caseriunkunacho,
32Anatot markacho, Nob markacho, Ananías markacho,
33Hazor markacho, Ramá markacho, Gitaim markacho,
34Hadid markacho, Seboim markacho, Nebalat markacho,
35Lod markacho, Ono markacho y Artesänukuna Tashqan Pampa nishqancho.
36Wakin levitakunaqa Judá trïbu runakuna tashqanpita aywakurqan Benjamín trïbu runakuna tashqancho tänanpaqmi.
Who We AreWhat We EelieveWhat We Do
2025 by iamachristian.org,Inc All rights reserved.
