1Wawqi panikuna, Señor Jesucristo imay höra ni imay junaq kutimunanpaq kashqanta mana musyarmi tsaypitaqa mana qelqamütsu.
2Itsanqa musyapäkunkimi tsakaypa elaqpita suwa shamushqanno paypis elaqpita kutimunanpaq kashqanta.
9Manami castigashqa kanantsipaqtsu Tayta Dios akramashqantsi, sinöqa Jesucristuman yärakur salvashqa kanantsipaqmi.
10Jesucristumi noqantsi rayku wanurqan kawaykarpis o wanurpis paywan juntu kawanantsipaq.
11Tsayno kaykaptinqa imaypis shakyätsinakushqaykinöla jukniki juknikipis tantiyatsinakur shakyätsinakäriy.
Wawqi panikuna imanöpis kawananpaq yätsishqan12Wawqi panikuna, Señor Jesucristupa ali wilakuyninta yachatsishuqnikikunata ali rikapäkuy. Paykunami ali yachatsishunki y shakyätsishunki Tayta Dios munashqanno kawapäkunaykipaq.
13Tsayno yachatsishushqaykipita paykunata respitar shumaq kuyapäkuy. Tsaynöpis mana chikinakuypa ali kawapäkuy.
14Wawqi panikuna, arukuyta mana munaqkunata yätsiy arukärinanpaq. Lakishqa kaykaqkunata shakyätsiy kushishqa kawapäkunanpaq. Yanapaypaq kaqkunata imalawanpis yanapay. Pïmaypaqpis pacienciayki katsun.
15Runa mayiki contrayki kaptinpis qamkunaqa paykunapa contran ama kaytsu. Tsaypa trukanqa yärakuq mayikiwan y pïmaywanpis ali kawapäkuy.
16Imaypis kushi kushila kawapäkuy.
19Espíritu Santuta cäsukärinki.
20Espíritu Santu tantiyatsishqanta pipis wilakuptin manakaqman ama churapäkunkitsu.
21Itsanqa shumaq tantiyakärinki Espíritu Santupita kashqanta o mana kashqantapis.Hech. 17.11; 1Juan 4.1-3; Gál. 1.6-9; Mat. 7.15-20. Paypita kaptinqa chaskikärinki.
22Ima jutsatapis ama rurapäkunkitsu.
23Ali kawayta qomaqnintsi Tayta Dios yanapaykuläshunki munashqanno imaypis kawapäkunaykipaq. Tsaynöpis cuerpuykita, almaykita y espïrituykitapis ali rikaykulätsun Jesucristo kutimur jutsaynaqta taripäkushunaykipaq.
24Qayashuqniki Tayta Diosqa promitishqanta imaypis cumplinmi. Tsaymi jutsaynaqta tarishunaykipaq imaypis yanapashunki.
Carta ushanan25Wawqi panikuna, noqakunapaqpis Tayta Diosta manakuykulanki.
26Wawqi panikunata qaqlancho mutsashpayki winchikuykulay.
27Señor Jesucristupa jutinchömi qamkunata ruwakü wawqi panikunata kay cartata liyipänaykipaq.
28Señornintsi Jesucristo kuyapäshushpayki imaypis yanapaykuläshunki.
Who We AreWhat We EelieveWhat We Do
2025 by iamachristian.org,Inc All rights reserved.
