1 1 (2) Maytsaycho taq runakuna, kay nishqäta shumaq tantiyapäkuy.
2 2 (3) Rïcukuna, waktsakuna, mandaqkuna y pampa runakunapis, kay nishqäta tantiyapäkuy.
3 3 (4) Shumaq tantiyakuykurmi kanan parlapäshayki.
Shonqücho yarpachakushqätami kanan nishayki.
4 4 (5) Shumaq yätsiypami wilapäshayki.
Arpata tukapalanpami ima yarpashqätapis tantiyatsishayki.
5 5 (6) Ima nakaykuna pasamaptintsipis ama mantsakushuntsu.
Chikimaqnintsikuna contrantsi sharkuptinpis ama mantsakushuntsu.
6 6 (7) Paykunaqa riquëzankunamanmi atiënikärin.
Imaykayuqpis kashpanmi alabakärin.
7 7 (8) Itsanqa wanuypita manami qeshpinqatsu.
Manami pipis Tayta Diosta pägantsu wanuypita tsapananpaq.
8 8 (9) Mayjina rïcu kaptinpis qellaynin manami aypantsu kawayninta rantinanpaq.
9 9 (10) Imayyaqpis manami pipis kawantsu.
Pï runapis ushakaqlami kaykan.
10 10 (11) Yachaq runapis upa runapis wanunmi.
Shuntashqan riquëzanqa jukpaqnami kanqa.
11 11 (12) Atska chakran kaptinpis sepultürami wayin kanqa.
Tsaypita mana yarqamurmi imayyaqpis pamparanqa.
12 12 (13) Runaqa mayjina rïcu karpis manami imayyaqpis kawantsu.
Uywakunanölami wanur ushakan.
13 13 (14) Tsaynölami ushakanqa kalpalanman atiënikuqkuna.
Tsaynölami ushakanqa runa tukuqkuna. Selah
14 14 (15) Pishtananpaq uyshata qatiqnömi tsay runakunataqa wanuy qatiraykan.
Wanuqkuna kaykashqan kaqmanmi apaykan tsaycho ushakänanpaq.
Paykunapa wayinqa sepultüralami kanqa.
Wanuptinqa ali runakuna kushikärinqami.
15 15 (16) Noqaqa manami pamparashqalächöqa ushakäshaqtsu.
Tayta Diosmi nawpanman pushakamanqa. Selah
16 16 (17) Pipis rïcuyaptin y wayincho imaykanpis kaptin ama chikipaytsu.
17 17 (18) Wanurqa manami imatapis apanqatsu.
Jinaylami aywakunqa.
18 18 (19) Kawashqanyaq kushishqa karpis y rïcu kashqanpita runakuna alabaptinpis
19 19 (20) imaylaqa wanunqami.
Paykunaqa manami atsikyay patsata rikanqanatsu.
20 20 (21) Runaqa mayjina rïcu karpis manami imayyaqpis kawantsu.
Uywakunanölami wanur ushakan.
Who We AreWhat We EelieveWhat We Do
2025 by iamachristian.org,Inc All rights reserved.
